စစ်ကိုင်းတိုင်း၊ အရာတော်မြို့နယ်၊ သလဲဘာနှင့် စပါးတွင်းကျေးရွာရှိ စစ်ကောင်စီတပ်နှင့်ပျူများအား ဒရုန်းဖြင့် တပြိုင်နက်တိုက်ခိုက်ခဲ့ကြောင်း Ngwe Dwin Revoultion Force သတင်းနှင့် ပြန်ကြားရေးတာဝန်ခံက ပြောသည်။
ယမန်နေ့ (ဇန်နဝါရီ ၃၁ရက်) မွန်းလွဲပိုင်းက အရာတော်မြို့နယ်၊ သလဲဘာကျေးရွာရှိ မူးတံတားဂိတ် စောင့် စစ်ကောင်စီတပ်ဖွဲ့ဝင်များနှင့် စပါးတွင်းကျေးရွာမှ ပျူစောထီးများအား ဗုံးသီးချ တိုက်ခိုက်ခဲ့ခြင်း ဖြစ်သည်။
သလဲဘာရွာရှိ မူးမြစ်တံတား ဂိတ်စောင့် စစ်ကောင်စီတပ်သည် ထမင်းစားပြီးနားချိန်တွင် သစ်ပင် အောက်၌ လူစုလေ့ရှိပြီး အနီးရှိ စပါးတွင်းကျေးရွာမှ ပျူစခန်းကိုပါ တပြိုင်နက်တိုက်ခိုက်ခဲ့ခြင်းဖြစ်ကြောင်း Ngwe Dwin Revoultion Force သတင်းနှင့် ပြန်ကြားရေးတာဝန်ခံက ပြောသည်။
“ထမင်းစားနားပြီးချိန်လောက်သွားချတာ။ ရွာနှစ် ရွာက နီးတယ်။ နှစ်ရွာလုံး ပျူရွာတွေပဲ။ တပြိုင် တည်း မိနှစ်ပိုင်း အနည်းငယ်ပဲခြားမယ်။အနည်းဆုံးသုံးယောက်ပဲ။ စုနေတဲ့အချိန် သေချာရွေးချတာပါ”ဟု Ngwe Dwin Revoultion Force သတင်းနှင့် ပြန်ကြားရေးတာဝန်ခံက ပြောသည်။
Public Service Announcement
အဆိုပါ စစ်ဆင်ရေးကို မုံရွာခရိုင်တပ်ရင်း (၂၁) တပ်ခွဲ (၂) NDRF ၊ MRTF I BEXတို့ ပူးပေါင်းဆောင်ရွက်ခဲ့ကြောင်း အသိပေးထားသည်။
သလဲဘာရွာနှင့် စပါးတွင်းကျေးရွာသည် စစ်ကောင်စီတပ်၏ လက်နက်တပ်ဆင်ပေးထားသော ပျူရွာနှစ်ရွာဖြစ်ပြီး စစ်အုပ်စုနှင်ပေါင်းကာ အရာတော်နယ်အတွင်းကျေးရွာများအား ဖျက်ဆီးမှုများပြုလုပ်နေသည်။
