Connect with us

Hi, what are you looking for?

LuduNwayOo

သတင်း

စစ်ကိုင်း ဟုမ္မလင်းနယ်ထဲက ရွှေပြည်အေးမြို့ကို PDF တွေထိန်းချုပ်လိုက်ပြီလို့ဆို

ဟုမ္မလင်းမြို့ဟာ မြေပြင်အနေအထားအရ မြို့ရဲ့အရှေ့ဘက်မှာ ကချင်ပြည်နယ် ဖားကန့် ၊မိုးညှင်း ၊အနောက်ဘက်မှာ ချင်းပြည်နယ် တမူးမြို့တို့နဲ့ထိစပ်နေတဲ့ မြို့ဖြစ်ပါတယ်။

ဟုမ္မလင်း PDF တပ်ဖွဲ့ဝင်တွေကိုတွေ့ရစဉ်
ဟုမ္မလင်း PDF တပ်ဖွဲ့ဝင်တွေကိုတွေ့ရစဉ်

စစ်ကိုင်းတိုင်း ၊ ဟုမ္မလင်းမြို့နယ်ထဲက ရွှေပြည်အေးမြို့ကို PDF တပ်တွေ ဖေဖော်ဝါရီလ ၁ ရက်က သိမ်းပိုက်လိုက်ပြီလို့ ဟုမ္မလင်း PDF က ဒီနေ့မနက်ပိုင်းမှာ အသိပေးလိုက်ပါတယ်။

ရွှေပြည်အေးမြို့ကို PDF တွေနဲ့အတူ မဟာမိတ်ပူးပေါင်းတပ်တွေ စီးနင်းတိုက်ခိုက်ပြီးမြို့ကို သိမ်းလိုက်တာလို့ဆိုပါတယ်။

စစ်တပ်အာဏာသိမ်းပြီးနောက် ရွှေပြည်အေးမြို့မှာ တိုက်ပွဲတွေဖြစ်ခဲ့တာရှိပြီး မနေ့က တိုက်ပွဲမှာ စစ်ကောင်စီဘက်က တိုက်ခိုက်ရေးရဟတ်ယာဉ်နဲ့လာပစ်တာရှိတယ်လို့ ဒေသခံတစ်ဦးဆီကသိရပါတယ်။

“အခုမနက်ကတော့ အေးဆေးပါပဲ၊ မြို့ကိုသိမ်းလိုက်ပြီဆိုတော့ စစ်တပ်က လေယာဉ်နဲ့လာပစ်မှာစိုးရိမ်တဲ့အတွက် တချို့တွေ ရှောင်တိမ်းတာတွေရှိနေတယ်” လို့ အဲဒီ ရွှေပြည်အေး ဒေသခံက ပြောပြပါတယ်။

Public Service Announcement

Public Service Announcement

Public Service Announcement
Public Service Announcement

PDF နဲ့ပူးပေါင်းတပ်တွေဟာ ရွှေပြည်အေးမြို့သစ်က ဆေးရုံ ၊ထွေအုပ် နဲ့ ဌာနဆိုင်ရာရုံးတွေကို ထိန်းချုပ်ထားလိုက်ပြီး မြို့မရဲစခန်းကိုသာမသိမ်းနိုင်သေးတာလို့ ဒေသခံအချို့ဆီသိရပါတယ်။

မြို့တွင်း တိုက်ပွဲတွေဆက်ပြင်းထန်နိုင်တယ်လို့ ဒေသခံ ပြည်သူတွေကို ဟုမ္မလင်း PDF က အသိပေး ထားတာတွေ့ရပါတယ်။

ဟုမ္မလင်းမြို့နယ်ထဲက ရွှေပြည်အေးမြို့ဟာ ယခင်စစ်အစိုးရလက်ထက်က မြို့သစ်တည်ပေးခဲ့တာဖြစ်ပြီး အကျယ်အဝန်း ၃.၉၆ စတုရန်းမိုင် ကျယ်ဝန်းပါတယ်။

၂၀၁၉ ခုနှစ် ထွေအုပ်ရဲ့ စာရင်းတွေအရ ရွှေပြည်အေးမြို့ဟာ လူဦးရေ ၂,၅၀၀ ကျော်နေထိုင်တယ်လို့သိရပါတယ်။

ဟုမ္မလင်းမြို့ဟာ မြေပြင်အနေအထားအရ မြို့ရဲ့အရှေ့ဘက်မှာ ကချင်ပြည်နယ် ဖားကန့် ၊မိုးညှင်း ၊အနောက်ဘက်မှာ ချင်းပြည်နယ် တမူးမြို့တို့နဲ့ထိစပ်နေတဲ့ မြို့ဖြစ်ပါတယ်။

ဆက်စပ်သတင်းများ

သတင်း

နှစ်ပေါင်း ၂၇ နှစ်ကြာတပ်စွဲထားသည့် အဆိုပါ စခန်းကို မတိုက်ခိုက်ခင်ကတည်းက လက်နက်ချရန် အကြောင်းကြားခဲ့သော်လည်း လက်နက်ချခြင်းမရှိ၍ ယနေ့ (ဇွန်လ ၁၄ရက်)နံနက်တွင် ထိုးစစ်ဆင်ခဲ့ရာ နေ့လယ် ၁၂နာရီတွင် သိမ်းပိုက် နိုင်ခဲ့သည်ဟု ဆိုသည်။

သတင်း

တိုက်ပွဲကြာချိန် နာရီဝက်ခန့်အတွင်း ယင်းစခန်းကို အလုံးစုံသိမ်းပိုက်နိုင်ခဲ့ပြီး စစ်ကောင်စီတပ်သား ၂၀ခန့် သေဆုံးကာ ငါးဦးအရှင်ဖမ်းဆီးရမိခဲ့ကြောင်း ULF စစ်ကြောင်းမှ ပြန်ကြားရေးတာဝန်ခံ ကိုဂျော်ဒန်က ပြောသည်။

သတင်း

လက်နက်ကြီး၊ လက်နက်ငယ်များဖြင့် ကြားဖြတ် တိုက်ခိုက်ခြင်းနှင့် မိုင်းဆွဲတိုက်ခိုက်ခြင်းများကြောင့် စစ်ကောင်စီတပ်ဘက်မှ အနည်း ဆုံးသုံးဦးသေဆုံးကာ အများအပြား ထိခိုက်ဒဏ်ရာရ၍ နောက်ပြန်ဆုတ်သွားကြောင်း တပ်ရင်း(၃၆၀၁) က အသိပေးသည်။

သတင်း

တည်တောရွာခံအချင်းချင်းဖြစ်ပွားသည့် ပြဿနာဖြစ်ပြီး အခြေအနေကို ထိန်းသိမ်းနိုင်ရေးအတွက် ရွှေဘိုခရိုင်တပ်ရင်း(၁၂)နှင့် ပကဖအဖွဲ့များက ကျေးရွာကို လုံခြုံရေးယူကာ အဝင်၊ အထွက် ကန့်သတ်ထားသည်။