Connect with us

Hi, what are you looking for?

သတင်း

ဟုမ္မလင်းမြို့နယ် ဒီချုပ်အမတ် မိသားစုလိုက် စစ်ကောင်စီ ဖမ်းဆီးသွား

“ကိုကျော်ဆွေဝင်းတို့ မိသားစုကို စစ်ကောင်စီက ဖမ်းသွားပြီ။ ကလေးတွေပါ ဖမ်းသွားတာ။ ကလေးတစ်ဦးဆို အသက် ငါးနှစ်ပဲ ရှိသေးတာ”ဟု မုံရွာမြို့ခံတစ်ဦးက ပြောသည်။

(အမတ်ဦးကျော်ဝင်းဆွေအား တွေ့ရစဉ်)
(အမတ်ဦးကျော်ဝင်းဆွေအား တွေ့ရစဉ်)

▪️အသက်ငါးနှစ်အရွယ်ကလေးငယ်တစ်ဦး ပါဝင်

ဟုမ္မလင်းမြို့နယ် ဒီချုပ်ပါတီမှ တိုင်းဒေသကြီးလွှတ်တော်ကိုယ်စားလှယ်နှင့် မိသားစုကို စစ်ကောင်စီက ဖမ်းဆီးသွား၍ ၎င်းတို့၏ အသက်အန္တရာယ်အတွက် မြို့ခံများက စိတ်ပူနေသည်။

ဟုမ္မလင်းမြို့နယ် တိုင်းဒေသကြီးလွှတ်တော်ကိုယ်စားလှယ် ဦးကျော်ဆွေဝင်းနှင့် ဇနီး၊ သားသမီးသုံးဦးကို စစ်ကောင်စီတပ်က ယမန်နေ့ (အောက်တိုဘာ ၅ရက်)ညတွင် မုံရွာမြို့၌ ဖမ်းဆီးသွားခြင်းဖြစ်သည်။

“ကိုကျော်ဆွေဝင်းတို့ မိသားစုကို စစ်ကောင်စီက ဖမ်းသွားပြီ။ ကလေးတွေပါ ဖမ်းသွားတာ။ ကလေးတစ်ဦးဆို အသက် ငါးနှစ်ပဲ ရှိသေးတာ”ဟု မုံရွာမြို့ခံတစ်ဦးက ပြောသည်။

ဦးကျော်ဝင်းဆွေသည် အသက် ၃၅နှစ်ခန့်ရှိပြီး ရှမ်းနီတိုင်းရင်းသားတစ်ဦးဖြစ်သည်။ ၂၀၂၀ ရွေးကောက်ပွဲတွင် ဒီချုပ်ပါတီကိုယ်စားပြု၍ ဟုမ္မလင်းမြို့နယ်၊အမှတ်(၁) တိုင်းဒေသကြီး လွှတ်တော်ကိုယ်စားလှယ် အဖြစ် အနိုင်ရခဲ့သည်။

Public Service Announcement

Public Service Announcement

စစ်ကောင်စီက ပုဒ်မ – ၅၀၅ ဖြင့် ဝရမ်းထုတ်ထား၍ တိမ်းရှောင်နေစဥ် ယခု ဖမ်းဆီးခံရခြင်းဖြစ်သည်။ ယမန်နေ့ ည ၉နာရီခန့်က ဖမ်းဆီးခံရပြီး ယနေ့ နံနက် ၉နာရီခန့်အထိ နောက်ဆက်တွဲသတင်းမကြားရသေးကြောင်း မုံရွာမြို့ခံများက ပြောသည်။

“စစ်ကောင်စီကတော့ အရမ်းကာရော စစ်တာ၊ဆေးတာလုပ်နေတာမို့ ကျွန်တော်တို့ မိတ်ဆွေကြီးအတွက် စိတ်ပူပါတယ်။ သတင်းထုတ်ပြန်မှုတွေကို နားစွင့်နေရတယ်”ဟု ဦးကျော်ဝင်းဆွေ၏ မိတ်ဆွေတစ်ဦးက ပြောသည်။

ဆက်စပ်သတင်းများ

ဆောင်းပါး

အသက် ၇၅ ဝန်းကျင်အရွယ် ဦးမြင့်(အမည်လွှဲ)ဟာ ထီးလေးတချောင်းကိုင်ပြီး ရန်ကုန်က မြို့နယ်တခုရဲ့လဝကရုံးထဲ ယောင်ယောင်နနနဲ့ ဝင်လာခဲ့တယ်။ စားပွဲတစ်လုံးမှာ ထိုင်နေတဲ့ ဝန်ထမ်းတစ်ယောက်ဆီ မှတ်ပုံတင်ပေးရင်း စမတ်ကတ်လုပ်ဖို့ လိုအပ်တာတွေမေးတယ်။ ၂ ယောက်လုံး ခေါင်းတွေကုတ်နေကြတယ်။

ဆောင်းပါး

DEE/People’s Spring စစ်သားတွေကို သက်ရှိစည်းရိုးလို့ရည်ညွှန်းပြီး ရန်သူတွေစခန်းထဲအထိ ဝင်မလာနိုင်အောင် အသက်စွန့်တိုက်ကြလို့ မင်းသား ခန့်စည်သူမှာကြားတဲ့ ဇာတ်ဝင်ခန်းဟာ ဥကရစ်ထတပ်စခန်းကို တော်လှန်ရေးတပ်ဖွဲ့တွေ လက်ထဲပါမသွားလို့ စစ်တပ်က ၂၀၂၄မှာ ဝါဒဖြန့်ဖို့ရိုက်ကူးခဲ့တဲ့ “သက်ရှိစည်းရိုး”ရဲ့ နောက်ဆုံး ဇာတ်သိမ်းခန်း ဖြစ်ပါတယ်။ “သက်ရှိစည်းရိုး”ရဲ့ နောက်ဆုံးဇာတ်သိမ်းခန်းမှာ ဥကရစ်ထတပ်စခန်းကို တော်လှန်ရေးတပ်တွေ...

သတင်း

အာဏာသိမ်းစစ်ကောင်စီ လုပ်ဆောင်နေသည့် ဟန်ပြငြိမ်းချမ်းရေးဖိုရမ်သည် ပဋိပက္ခများကို ဖြေရှင်းနိုင်မည်မဟုတ်သလို ရွေးကောက်ပွဲ ကျင်းပရန် ကြိုးပမ်းနေမှုသည်လည်း မတရားအာဏာရယူရန် ဆောင်ရွက်နေခြင်းသာဖြစ်ကြောင်း တအာင်း(ပလောင်)အမျိုးသားပါတီ(TNP)က ယနေ့(ဇူလိုင် ၁၂ရက်)တွင် ထုတ်ပြန်သည်။

သတင်း

ယခုနှစ်ခြောက်လအတွင်း စစ်ကောင်စီက ပေါ်တာဆွဲ ဖမ်းဆီးခဲ့သူ ၂,၉၀၀ ခန့်ရှိကြောင်း စစ်ရာဇဝတ်မှုများကို မှတ်တမ်းတင်နေသည့် Spring Revolution Database က ယနေ့ ထုတ်ပြန်သည်။