ဖားကန့်၊ ရှ​ရော်ခ​ရွာမှပြည်သူ ၁၃၅ ဦးကိုစစ်​တပ်ကဖမ်းဆီးထား

ဖားကန့်မြို့နယ်၊ ရှရော်ခကျေးရွာကိုစစ်ကောင်စီတပ်ကမတ်လ ၁ ရက်တွင် ဝင်ရောက်စီးနင်းပြီး‌ ​ဒေသခံပြည်သူ ၁၃၅ ဦးအားဖမ်းဆီးခေါ်ဆောင်သွားကြောင်း ဒေသခံများက ပြောသည်။

ရှရော်ခကျေးရွာကို ယမန်နေ့(မတ်လ ၁ရက်)ညနေ ၃ နာရီခွဲခန့်တွင် စစ်ကောင်စီတပ်အင်အား ၅၀ ထက်မနည်းက သေနတ်များပစ်ဖောက်ဝင်ရောက်လာ ဒေသခံများကိုဖမ်းဆီးခဲ့ခြင်းဖြစ်ကြောင်း​ဒေသခံအချို့က​ပြောသည်။

စစ်​ကောင်စီစစ်​ကြောင်းတစ်​ကြောင်းကရွာအတွင်းဝင်​ရောက်စီးနင်း​နေချိန်တွင် ကျန်စစ်​ကြောင်းတစ်​ကြောင်းကရွာအပြင်တွင်​စောင့်​နေ​ကြောင်းလည်း​ဒေသခံသတင်းရင်းမြစ်များထံမှသိရသည်။

“၁၃၅ ယောက်ကို ဖမ်းသွားတာပါ။ လူသားဒိုင်းအနေနဲ့ လုပ်ချင်တာထင်တယ်။ ပြန်မလွှတ်သေးဘူး။ အရင်ကတော့တစ်ယောက်ကို ၄သိန်း ၅သိန်း နဲ့ ပြန်ရွေးထုတ်ခိုင်းပြီး ဂွင်ဖန်တယ်” ဟု ဒေသခံတစ်ဦးကပြောသည်။

Public Service Announcement

စစ်ကောင်စီတပ်က ဖမ်းဆီးသွားသူများတွင်လူငယ်အများအပြားပါဝင်နေပြီး မိန်းကလေးငယ်များလည်းပါဝင်​ကြောင်း သိရသည်။ ဖမ်းဆီးခံလိုက်ရသူများသည် ရေးမ‌ဆေးကျောက်ရှာဖွေသူအများစုဖြစ်ပြီးKIA၊PDFတို့နှင့်ဆက်စပ်သူများမဟုတ်ကြောင်း ဒေသခံများကပြောသည်။

ရှာ​ရော်ခ ​ကျေးရွာတွင် ​ပြည်သူ ၄၀၀ ​ကျော်​နေထိုင်ပြီး တစ်ရာ​ကျော်ဖမ်းဆီးခံထားရခြင်းဖြစ်​ကြောင်းလည်းသိရသည်။

ယနေ့(မတ်လ၂ရက်) နံနက်အထိ ပြန်လည်လွတ်မြောက်လာခြင်းမရှိသေး၍ စိုးရိမ်နေရကြောင်းဖမ်းဆီးခံရသူများ၏ မိသားစုဝင်များနှင့် နီးစပ်သူများကပြောသည်။