စစ်ကောင်စီဦးဆောင်သည့် မြန်မာနိုင်ငံတွင် လူ့အခွင့်အရေးချိုးဖောက်မှုများအပေါ် အာဆီယံနိုင်ငံများက အရေးယူဆောင်ရွက်ရန် မလေးရှားဝန်ကြီးချုပ် Anwar Ibrahim က ယနေ့ တိုက်တွန်းပြောကြားသည်။
ဖိလစ်ပိုင်နိုင်ငံသို့ နှစ်ရက်ကြာအလည်အပတ်ခရီးစဥ်ရောက်ရှိနေသည့် မလေးရှားဝန်ကြီးချုပ်သည် Philippines-Ddiliman တက္ကသိုလ်က ပေးအပ်သည့် ဥပဒေ ဂုဏ်ထူးဆောင် ဒေါက်တာဘွဲ့ လက်ခံရယူအပြီးတွင် အာဆီယံအသင်းကြီးအနေဖြင့် ငြိမ်းချမ်းရေးနှင့် တရားမျှတမှုကို ခေတ်တိုင်း သယ်ပိုးနေရမည်ဖြစ်ကြောင်း ပြောသည်။
“ပွင့်ပွင့်လင်းလင်းပြောရရင် ကြားဝင်မစွက်ဖက်ရေးဟာ ဥပက္ခာပြုဖို့ လိိုင်စင်မဟုတ်ပါဘူး။ သိပ်မကြာခင်က ကျွန်တော် ဘန်ကောက်မှာ ပြောခဲ့တဲ့ မြန်မာကို(အာဆီယံကနေ)ဖယ်ထုတ်ထားဖို့ဆိုတာ ဗြောင်ကျကျလူ့အခွင့်အရေးချိုးဖောက်မှုတွေအပေါ် အရေးယူခြင်းပါပဲ။ ဒါက အာဆီိယံရဲ့ အရေးပါတဲ့ စံနှုန်းတွေထဲက တစ်ခုကို ခိိုင်ခိိုင်မာမာကျယ်ကျယ်ပြန့်ပြန့်ရပ်တည်တာကိို ပြသတာပါ။ ဒီလိုမှမဟုတ်ရင် တရားမျှတမှုနဲ့ ဥပဒေစိုးမိုးရေး အကြောင်းတရားကို ထိိန်းသိိမ်းဖို့ မဖြစ်နိုင်သလောက်ပါပဲ” ဟု မလေးရှားဝန်ကြီးချုပ်က ဆိုသည်။
စစ်တပ်အာဏာသိမ်းမှုနောက်ပိုင်းမြန်မာနိုင်ငံရှိ လူ့အခွင့်အရေးချိုးဖောက်မှုများကို ထိရောက်စွာကိိုင်တွယ်ဖြေရှင်းနိုင်ရနန် အာဆီယံအနေဖြင့် ဘုံဆုံးဖြတ်ချက် အသစ်တစ်ရပ်ကို ထပ်မံချမှတ်ရမည်ဟု မလေးရှားဝန်ကြီးချုပ်က ဖိလစ်ပိုင်သမ္မတ မားကို့စ်ဂျူနီယာနှင့်တွေ့ဆုံစဥ် ပြောကြားခဲ့သည်ဟု သိရသည်။
Public Service Announcement
ကိုးကား – GMA News
