Connect with us

Hi, what are you looking for?

LuduNwayOo

သတင်း

သံတောင်မြို့ (၁၃) မိုင်တွင် နေအိမ် ၇ လုံးမီးရှို့ခံရ

မတ်လ(၄)ရက် မွန်းလွဲနှစ်နာရီအချိန်ခန့်တွင် သံတောင်မြို့(၁၃)မိုင်၌ တော်လှန်ရေးတပ်ဖွဲ့နှင့် စစ်ကောင်စီတပ်များအကြား တိုက်ပွဲဖြစ်ပွားခဲ့ပြီးနောက် နေအိမ်(၇)လုံးခန့်ကို မီးရှို့ဖျက်ဆီးသွားခဲ့‌ကြောင်း ဒေသခံအချို့ကပြောသည်။

သံတောင်မြို့ (၁၃) မိုင်တွင် နေအိမ် ၇ လုံးမီးရှို့ခံရ
သံတောင်မြို့ (၁၃) မိုင်တွင် နေအိမ် ၇ လုံးမီးရှို့ခံရ

ကရင်ပြည်နယ် သံတောင်မြို့(၁၃)မိုင်တွင် မတ်လ(၄)ရက်က တော်လှန်ရေးတပ်ဖွဲ့နှင့် စစ်ကောင်စီတပ်အကြား တိုက်ပွဲဖြစ်ပွားခဲ့ပြီး ပြည်သူ့နေအိမ်(၇)လုံးခန့်ကို စစ်ကောင်စီဘက်က မီးရှို့ဖျက်ဆီးသွားခဲ့သည်ဟု သံတောင်သတင်းရင်းမြစ်များထံမှ သိရသည်။

မတ်လ(၄)ရက် မွန်းလွဲနှစ်နာရီအချိန်ခန့်တွင် သံတောင်မြို့(၁၃)မိုင်၌ တော်လှန်ရေးတပ်ဖွဲ့နှင့် စစ်ကောင်စီတပ်များအကြား တိုက်ပွဲဖြစ်ပွားခဲ့ပြီးနောက် နေအိမ်(၇)လုံးခန့်ကို မီးရှို့ဖျက်ဆီးသွားခဲ့‌ကြောင်း ဒေသခံအချို့ကပြောသည်။

ထိတွေ့ပစ်ခတ်မှုများ မကြာခဏဖြစ်ပွားနေသော သံတောင်မြို့(၁၃)မိုင်တွင် ဒေသခံပြည်သူလူထုများ၏ နေအိမ်အဆောက်အဦးနှင့် ကား၊ ဆိုင်ကယ်များကို စစ်ကောင်စီတပ်ဘက်က မီးရှို့ဖျက်ဆီးခြင်းများ မကြာခဏလုပ်‌လေ့ရှိပြီး လက်နက်ကြီး၊ လက်နက်ငယ်များဖြင့် ရမ်းသမ်းပစ်ခတ်ခြင်းများလည်း မကြာခဏ လုပ်ဆောင်လျက်ရှိသည်ဟုဆိုသည်။

Public Service Announcement
Public Service Announcement

ယင်းသို့ ရမ်းသမ်းပစ်ခတ်ခြင်းကြောင့် သံတောင်မြို့(၁၃)မိုင်ရှိ ခရစ်ယာန်ဘုရားကျောင်းတစ်ကျောင်းအပါအဝင် ဒေသခံနေအိမ်များ ထိခိုက်ပျက်စီးမှုများရှိခဲ့သလို ပြီးခဲ့သည့်ရက်ပိုင်းက ဘိုတဲကုန်းကျေးရွာတွင်လည်း ကလေးငယ်တစ်ဦး ထိခိုက်ဒဏ်ရာရရှိခဲ့ပြီး ဆိုင်ကယ်(၄)စီး မီးရှို့ဖျက်ဆီးခံခဲ့ရသည်ဟု သံတောင်ဒေသခံများထံမှ သိရသည်။

Public Service Announcement

Public Service Announcement

စစ်ကောင်စီတပ်သည် သံတောင်မြို့(၁၃)မိုင်အပါအဝင် တောင်ငူ-လိပ်သိုလမ်းတစ်လျှောက်တွင် စစ်ဆေးဖမ်းဆီးမှုများ တင်းကြပ်စွာလုပ်ဆောင်နေပြီး ဖေဖေါ်ဝါရီလကုန်ပိုင်းမှစ၍ စစ်ကောင်စီတပ်မှ စစ်ဆင်ရေးဆောင်ရွက်မှု ပိုမိုလုပ်ဆောင်လာနေသောကြောင့် သံတောင်၊ လိပ်သို ဒေသအတွင်းရှိ ဒေသခံပြည်သူအများအပြား ထွက်ပြေးတိမ်းရှောင်နေခဲ့ရသည်။

ကရင်လူမှုအဖွဲ့အစည်းတစ်ခုဖြစ်သည့် ကရင်ငြိမ်းချမ်းရေးအထောက်အကူပြုကွန်ယက်(KPSN)၏ ထုတ်ပြန်ထားချက်အရ ကေအဲန်ယူ-ကရင်အမျိုးသားအစည်းအရုံး တောအူး(တောင်ငူ)ခရိုင် တပ်မဟာ(၂)နယ်မြေတွင် စစ်ကောင်စီတပ်၏ စစ်ဆင်ရေးလှုပ်ရှားဆောင်ရွက်မှုများကြောင့် ဒေသခံပြည်သူလူထု(၃၇၄၃၅)ဦး စစ်ဘေးရှောင်နေရသည်ဟု သိရသည်။

ဆက်စပ်သတင်းများ

သတင်း

စစ်ကောင်စီသည် AA အလိုမရှိကြောင်း ဆန္ဒထုတ်ဖော်မှုများကို ဘူးသီးတောင်နှင့်မောင်တောမြို့နယ်တွင်လည်း အတင်းအကျပ် ဖိအားပေးခိုင်းစေခဲ့သည်ဟု ရိုဟင်ဂျာအရေးဆောင်ရွက်သူများကပြောသည်။

သတင်း

စစ်ကောင်စီက မြဝတီမြို့ကို ဆက်သွယ်ရေးဖုန်းလိုင်းများ ဖြတ်တောက်ထားကြောင်းလည်း ဒေသခံများက ပြောသည်။

သတင်း

၂၀၂၃ ဩဂုတ်တွင် မီးရှို့ဖျက်ဆီးခံရသည့် နေအိမ်အရေအတွက်က ၁,၀၀၀အောက်အထိ ကျဆုံးခဲ့သော်လည်း ၂၀၂၃ ဒီဇင်ဘာမှစ၍ တဖြေးဖြေး ပြန်မြင့်တက်လာခဲ့ရာ မတ်လအတွင်း နေအိမ် ၂,၈၃၁လုံး မီးရှို့ခံခဲ့ရကြောင်း အသိပေးသည်။

သတင်း

ကံငယ်အုပ်စုအုပ်ချုပ်ရေးမှူး မျိုးမြင့်သိန်းဆိုသူကို ၎င်းနေထိုင်ရာ သာလှပင်စီရွာရှိနေအိမ် ၌ ရေချိုးနေစဥ် မတ်လ ၁၇ရက် ညနေ ၆ နာရီခန့်တွင် PPDF တပ်ခွဲ(၄)မှ ရဲဘော်များက ဝင်ရောက်ပစ်ခတ်ခဲ့ခြင်း ဖြစ်သည်။