Connect with us

Hi, what are you looking for?

LuduNwayOo

သတင်း

သံတောင်မြို့ စာတိုက်ရုံးလမ်းဆုံတွင် စစ်ဆေးမှုလုပ်နေသည့် စစ်ကောင်စီအဖွဲ့ကို PDFက စနိုက်ပါဖြင့် ပစ်ခတ်

ပစ်ခတ်ခံရပြီးနောက် စစ်​ကောင်စီတပ်က ရမ်းသမ်းပစ်ခတ်မှုများပြုလုပ်ခဲ့ပြီး တရားမဝင်ဖမ်းဆီးစစ်ဆေးမှုများ ဆက်လက်လုပ်ဆောင်နိုင်သဖြင့် ပြည်သူများအနေဖြင့် သတိရှိစွာနေထိုင်ရန် တိုက်တွန်းသည်။

(PDF Thandaung ၏ စနိုက်ပါ တပ်သားတစ်ဦးအား ​တွေ့ရစဥ်)
(PDF Thandaung ၏ စနိုက်ပါ တပ်သားတစ်ဦးအား ​တွေ့ရစဥ်)

ကရင်ပြည်နယ်၊ သံတောင်မြို့ စာတိုက်ရုံးလမ်းဆုံတွင် စစ်ဆေးမှုပြုလုပ်နေသည့် စစ်ကောင်စီအဖွဲ့ကို စနိုက်ပါဖြင့် ပစ်ခတ်ရာတစ်ဦးသေဆုံးကြောင်း PDF Thandaungက ထုတ်ပြန်သည်။

ယနေ့(ဇွန် ၂၀ရက်) နံနက် နံနက်၉နာရီ မိနစ်၄၀ခန့်က စစ်ဆေးမှုပြုလုပ်နေသော အကြမ်းဖက်စစ်ကောင်စီတပ် သားများအနက် တစ်ဦးကိုပစ်ခတ်ရာ နေရာတွင်ပွဲချင်း ပြီး သေဆုံးသွားသည်ဟု ဆိုသည်။

သေဆုံးသွားသူမှာ စစ်ကောင်စီတပ်၏ တပ်ကြပ်ကြီးအဆင့်ရှိသူဖြစ်ကြောင်း PDF Thandaungက အသိပေးသည်။

ပစ်ခတ်ခံရပြီးနောက် စစ်​ကောင်စီတပ်က ရမ်းသမ်းပစ်ခတ်မှုများပြုလုပ်ခဲ့ပြီး တရားမဝင်ဖမ်းဆီးစစ်ဆေးမှုများ ဆက်လက်လုပ်ဆောင်နိုင်သဖြင့် ပြည်သူများအနေဖြင့် သတိရှိစွာနေထိုင်ရန် တိုက်တွန်းသည်။

“သံတောင်မှာ ၉နာရီ၄၅မိနစ်ဝန်းကျင်က စကစတစ်ဦးပစ်သတ်ခံရတယ်လို့သတင်းကြားပါတယ်။ နောက် ပိုင်း လက်နက်ငယ်အပြန်အလှန်ပစ်သံထပ်ကြားရပါတယ်တဲ့ အခုလက်ရှိ အမက (၂) ကျောင်းဘက်မှာ စစ်သား ၁၅ ယောက်ခန့်တက်လာပြီး စစ်ဆေးမှုတွေလုပ်ဆောင်နေတယ်လို့ သိရပါတယ်”ဟုဒေသခံသတင်းရင်းမြစ် Thandaung Mupoeက ပြောသည်။

ယခုလ ၇ ရက်ကလည်း သံတောင်မြို့ (၁၃)မိုင် စစ်ကောင်စီတပ်စခန်းအတွင်းရှိသော စစ်ကောင်စီအရာရှိတစ်ဦးအား စနိုက်ပါဖြင့် ပစ်ခတ်ရှင်းလင်းနိုင်ခဲ့ကြောင်း PDF Thandaung က ထုတ်ပြန်ထားသည်။