ဧရာဝတီတိုင်း၊ အင်္ဂပူမြို့နယ်၊ မဲဇလီကုန်းမြို့တွင်စစ်ကောင်စီရဲနှင့်ပျူစောထီး အဖွဲ့ကို ပြည်သူ့ကာကွယ်ရေးမဟာမိတ်တပ်ဖွဲ့ နှစ်ဖွဲ့က မိုင်းဆွဲတိုက်ခိုက်ခဲ့ကြောင်း ဒေသခံအချို့ကပြောသည်။
မဲဇလီကုန်းမြို့၊ အမှတ် (၂) ရပ်ကွက်အုပ်ချုပ်ရေးမှူးရုံးရှေ့တွင်မတ်လ ၈ ရက် နေ့လည် ၁၂ နာရီခန့်က ရဲတပ်ဖွဲ့နှင့်ပျူစောထီးအဖွဲ့ကို မိုင်းဆွဲတိုက်ခိုက်ခြင်းဖြစ်သည်။
” သူတို့ကလုံခြုံရေးအကြောင်းပြပြီး မြို့ထဲလမ်းသလားနေတဲ့အဖွဲ့။ စုစုပေါင်း ရဲငါးယောက်၊ ပျူစောထီးတစ်ယောက်ပါတယ်။ ထိခိုက်တာတွေ ရှိပေမယ့် အတည်ပြုသတင်းကို စောင့်နေဆဲပါ”ဟု အင်္ဂပူမြို့နယ် ပြည်သူ့ကာကွယ်ရေးတပ်ဖွဲ့နှင့်နီးစပ်သောဒေသခံတစ်ဦးကပြောသည်။
စွန်ရဲနီနွေဦးတော်လှန်ရေးအောင်ဆန်းတပ်ရင်းနှင့် အင်္ဂပူမြို့နယ်(ပကဖ)တို့ ပူးပေါင်းတိုက်ခိုက်ခဲ့ခြင်းဖြစ်သည်ဟုသိရသည်။ ၎င်းတို့နှစ်ဖွဲ့သည် မတ်လ ၂ရက်ကလည်း မဲဇလီကုန်းဒေသနှင့်ထိစပ်နေသော ရိုးမပေါ်တွင် စစ်ကောင်စီတပ်ကားတစ်စီးကို မိုင်းဆွဲ တိုက်ခိုက်ခဲ့သေးသည်။
Public Service Announcement
ဧရာဝတီတိုင်းတွင် ပြီးခဲ့သည့် ဖေဖော်ဝါရီလမှစတင်ပြီး စစ်ကောင်စီပစ်မှတ်များကိုတိုက်ခိုက်မှုနှင့်စစ်အာဏာရှင်ဆန့်ကျင်လေး လူထုသပိတ်များ မကြာခဏပေါ်ပေါက်နေသည်။ ပြီးခဲ့သည့် ဖေဖော်ဝါရီလ ၂ဝရက်က ဧရာဝတီတိုင်း၊ ကွင်းကောက်မြို့တွင် ရပ်ကွက်အုပ်ချုပ်ရေးမှုးရုံးတစ်ရုံးကို ပြည်သူ့ကာကွယ်ရေးတပ်ဖွဲ့များက ဗုံးကခွဲတိုက်ခိုက်ခဲ့သည်။ အလာတူမော်လမြိုင်ကျွန်းမြို့မှ မဘသဥက္ကဌလည်းဖြစ် ၊ဒေသတွင်းပျူခေါင်းဆောင်တစ်ဦးကိုလည်း တော်လှန်ရေးအဖွဲ့များကပစ်ခတ်ရှင်းလင်းခဲ့သည်။
ထို့အပြင် ကြံခင်းမြို့တွင်လည်း စကြဝတေးမင်းကြီးသပိတ်ကောင်မတီအဖွဲ့ဝင်များက စစ်အာဏာရှင်ဆန့်ကျင်လေး လူထုသပိတ်များ နေ့စဉ်လိုလို ပြုလုပ်နေသည်။
