စစ်တပ်၏ ပြည်သူများအပေါ် ကျူးလွန်ခဲ့သည့် ရက်စက်ယုတ်မာမှုများကို ရှုတ်ချပြီး မြန်မာနိုင်ငံတွင် အရပ်သားအုပ်ချုပ်ရေး ပြန်လည်ထူထောင်ရန် ဥရောပသမဂ္ဂ(EU)က တောင်းဆိုလိုက်သည်။
ယနေ့ကျရောက်သော ဖက်ဆစ်တော်လှန်ရေးနေ့(စစ်ကောင်စီ၏ တပ်မတော်နေ့)တွင် တပ်မတော်တိုင်း၏ အဓိက တာဝန်မှာ နိုင်ငံသားများကို ကာကွယ်စောင့်ရှောက်ရန်ဖြစ်သည်ကို သတိိရဆင်ခြင်မိကြောင်း အီးယူနိုင်ငံခြားရေးရာဌာန ပြောရေးဆိုခွင့်ခေါင်းဆောင် Peter Stano က ပြောသည်။
“ဥရောပသမဂ္ဂဟာ မြန်မာစစ်တပ်ရဲ့ ပြည်သူများအပေါ် ကျူးလွန်ခဲ့တဲ့ ရက်စက်ယုတ်မာမှုများကို ရှုတ်ချပြီး မြန်မာနိုင်ငံမှာ တရားဝင် အရပ်သားအုပ်ချုပ်ရေးနဲ့ တည်ငြိမ်ရေး၊ ဒီမိုကရေစီတို့ကို ပြန်လည်ထူထောင်ဖို့ တောင်းဆိုလိုက်ပါတယ်” ဟု အထက်ပါ အီးယူပြောရေးဆိုခွင့်ရှိသူ အကြီးအကဲက ပြောသည်။
မြန်မာနိုင်ငံဆိုင်ရာ ကနေဒါသံရုံးကလည်း စစ်တပ်တစ်တပ်၏ တာဝန်မှာ ပြည်သူများကို ကာကွယ်ရန်ဖြစ်ပြီး မြန်မာစစ်တပ်အနေဖြင့် ၎င်းကျူးလွန်နေသာ ရက်စက်သောအကြမ်းဖက်မှုများကို ရပ်တန့်ရန် ယနေ့ တောင်းဆိုထားသည်။
Public Service Announcement
