▪︎စစ်သားနှင့်BGF များသေဆုံးမှုများပြီး လက်နက်ခဲယမ်းများစွာရရှိဟု Lion Battalion ထုတ်ပြန်
ရွှေကုက္ကိုလ်မြို့သစ်တွင် စစ်ကောင်စီတပ်နှင့် BGF ပူးပေါင်းတပ်စွဲထားသည့် စခန်းကုန်းငါးခုကိုပူးပေါင်းတပ်က စီးနင်းတိုက်ခိုက်ဖျက်ဆီးခဲ့ပြီး စစ်သားနှင့် BGFတပ်ဖွဲ့ဝင် ၈၀ကျော်သေဆုံးပြီး ၆၀ ကျော် ဒဏ်ရာရခဲ့သွားကြောင်း Lion Battalionကွန်မန်ဒိုစစ်ကြောင်း က ယနေ့(ဧပြီလ ၆ရက်)ည ထုတ်ပြန်သည်။
ကရင်ပြည်နယ်၊ မြ၀တီမြို့နယ်၊ရွှေကုက္ကိုလ်မြို့ထီးဝါးပလော |ထီးကော်ထောကျေးရွာများအတွင်း တပ်စွဲထားသည့် စစ်ကောင်စီတပ်နှင့် BGF ပူးပေါင်းစခန်းကုန်းငါးခုကို ဗိုလ်အယ်ဆေးဝါးဦးဆောင်သောLion Battalionဗျုဟာစစ်ကြောင်းနှင့်တော်လှန်းရေးပူးပေါင်တပ်များက ဧပြီလ ၅ရက် နံနက်မှစ၍ တိုက်ခိုက်ခဲ့ခြင်းဖြစ်သည်။
” အဆိုပါတိုက်ပွဲအတွင်း ရန်သူဘက်မှလက်တလောသိရှိရမှုအရစစ်ေ-နှင့်BFGတပ်များမှသေဆုံး(၈၅)ယောက်ကျော်၊ ဒဏ်ရာရှိမှု(၆၀) ကျော်နှင့်ထိခိုက်ကျဆုံးများစွာဖြင့် ၎င်းတို့စခန်းကုန်း (၅) ကုန်းအားကျွန်ုပ်တို့ဘက်မှ သိမ်းပိုက်ရရှိနေလျှက်ရှိပြီးဆက်လက်ထိုးဖောက်တိုက်ခိုက်လျှက်ရှိပါသည်” ဟုLion Battalion က ယနေ့(ဧပြီလ ၆ရက်)ည ၈တွင် ထုတ်ပြန်ထားသည်။
ယခုတိုက်ခိုက် သိမ်းပိုက်သည့်နေရာသည် ရွှေကုက္ကိုလ်ဒေသအတွင်း ဒုစရိုက်လုပ်ငန်းများ၊မာဖီယား ဂိုဏ်းများနှင့်မူးယစ်ဆေးဝါးလုပ်ငန်းများအားလုပ်ကိုင်နေသည့်အကြမ်းဖက်စစ်တပ်လက်အောက်ခံ BGF ထိန်းချုပ်ထားသောနယ်မြေဟုလည်းဖော်ပြထားသည်။
Public Service Announcement
ထို့အပြင်စစ်ကောင်စီတပ်နှင့် BGFထံမှလက်နက်မျိုးစုံ(၇၅) လက်ကျော်ရရှိခဲ့ပြီး ဖြစ်စဥ်အသေးစိတ်အား တိုက်ပွဲပြီးဆုံးမှသာအသေးစိတ်ထုတ်ပြန်မည်ဟု Lion Battalion က ထုတ်ပြန်ထားသည်။
သတင်းထုတ်ပြန်ချက်နှင့်အတူ ၅ မိနစ်ကျော်သော ရုပ်သံမှတ်တမ်းကိုပါဖော်ပြရာ BGF ဂိတ်အချို့ကို မီးရှို့ဖျက်ဆီးနေပုံ ၊BGF ကားအချို့ကို သိမ်းပိုက်လာပုံ နှင့် BGF များထံမှ သိမ်းဆည်းရရှိသောလက်နက်များကို ပြရာ တစ်နေရာတည်းတွင် လက်နက်မျိုးစုံ ၁၃ လက်ကျော်နှင့် ခဲယမ်းများသိမ်းဆည်းရရှိသည်ကိုလည်းပြသထားသည်ကိုတွေ့ရသည်။
စစ်တပ်နှင့် BGF များသေဆုံးမှုများသည်မှာမှန်ကန်ကြောင်းဒေသခံအချို့ကပြောသည်။ BGF နှင့်စစ်သားများ အများအပြားသေဆုံးနေသော သတင်းဓါတ်ပုံများလည်း ဖေစ်ဘွခ်တွင်ပျံ့နှံ့လာသည်။
စစ်သားနှင့် BGF မည်မျှသေဆုံးသည်ကို People’s Spring ကသီးခြားအတည်မပြုနိုင်သေးပါ။
” အနာဂတ်ဒီမိုကရေစီတိုက်ပွဲအတွက်ဆက်လက်တိုက်ပွဲဝင်ပေးကျရန်နှင့် ရန်သူမှရန်သူပီသချိန်တွင် ကျွန်ုပ်တို့သည်လည်း ပြတ်သားစွာ ဆောင်ရွက်ကြပါရန်လည်းတိုက်တွန်းနှိုးဆော်အပ်ပါသည်” ဟုထုတ်ပြန်ချက်တွင်ဖော်ပြထားသည်။
ရွှေကုက္ကိုဒေသတိုက်ပွဲတွင်KNLA ၏ နာမည်ကြီးစစ်ကြောင်းဖြစ်သော Cobra Column အပါအဝင် ကရင်ပူးပါင်းတပ်များက ၂ ရက်ဆက်အပြင်းအထန်တိုက်ခိုက်နေသည်။
□စစ်တပ်နှင့် BGF ရုပ်အလောင်းများထံမှ လက်နက်များသိမ်းဆည်းနေသောရုပ်သံဖိုင်များကို တယ်လီဂရန်တွင်ကြည့်ရူနိုင်ပါသည်။ https://t.me/PeopleSpring
