Connect with us

Hi, what are you looking for?

LuduNwayOo

သတင်း

ဆန်​ရောင်းဝယ်ရာတွင် ပြည်ပဘဏ်​ငွေစာရင်းဖြင့် ငွေကြေးလက်ခံသည်ဆိုကာ ကုမ္ပဏီသုံးခုကို စစ်ကောင်စီက အမည်ပျက်စာရင်းသွင်း

နိုင်ငံခြားငွေလိုအပ်ချက်ကြီးမားနေသည့် စစ်ကောင်စီက ဆန်တင်ပို့ရာမှ ရရှိသည့် နိုင်ငံခြားငွေဒေါ်လာများကို ပိုမိုတင်းကြပ်နေပြီး ၎င်းတို့ ချုပ်ချယ်မှုများကို လက်မခံသည့် ကုမ္ပဏီကို ပြင်းပြင်းထန်ထန်အရေးယူနေခြင်းဖြစ်သည်ဟုစီးပွားရေးလုပ်ငန်းရှင်များက​ပြောသည်။

(​စစ်တိုက်ရန် ဒေါ်လာအမြဲလိုအပ်​နေ​သောစစ်​ကောင်စီက ဆန်ကို ပြည်ပသို့များနိုင်သမျှ များများတင်ပို့ရန် ကြိုးစား​နေသဖြင့် ပြည်တွင်းဆန်​ဈေးများပိုကြီးလာသည်။ ဓါတ်ပုံ-BTD)
(​စစ်တိုက်ရန် ဒေါ်လာအမြဲလိုအပ်​နေ​သောစစ်​ကောင်စီက ဆန်ကို ပြည်ပသို့များနိုင်သမျှ များများတင်ပို့ရန် ကြိုးစား​နေသဖြင့် ပြည်တွင်းဆန်​ဈေးများပိုကြီးလာသည်။ ဓါတ်ပုံ-BTD)

ပြည်တွင်း၌ ဆန်အ​ရောင်းအဝယ်ပြုလုပ်ရာတွင် ပြည်ပဘဏ်​ငွေစာရင်းဖြင့်ငွေကြေးလွှဲ​ပြောင်းလက်ခံခဲ့သည်ဆိုကာကုမ္ပဏီသုံးခုကိုစစ်​ကောင်စီက အမည်ပျက်စာရင်းသွင်းလိုက်ကြောင်းယနေ့ထုတ်ပြန်လိုက်သည်။

နိုင်ငံခြားငွေလိုအပ်ချက်ကြီးမားနေသည့် စစ်ကောင်စီက ဆန်တင်ပို့ရာမှ ရရှိသည့် နိုင်ငံခြားငွေဒေါ်လာများကို ပိုမိုတင်းကြပ်နေပြီး ၎င်းတို့ ချုပ်ချယ်မှုများကို လက်မခံသည့် ကုမ္ပဏီကို ပြင်းပြင်းထန်ထန်အရေးယူနေခြင်းဖြစ်သည်ဟုစီးပွားရေးလုပ်ငန်းရှင်များက​ပြောသည်။

စစ်ကောင်စီက အမည်ပျက်စာရင်းသွင်းလိုက်သည့် ကုမ္ပဏီ သုံးခုမှ Paing Family International , Millionaire Phyo Trading နှင့် ဧရာသုခစံကုမ္ပဏီတို့ဖြစ်​ကြောင်းစစ်ကောင်စီ၏ ရင်းနှီးမြှပ်နှံမှုနှင့်ကုမ္ပဏီများညွန့်ကြားမှုဦးစီးဌာနကထုတ်ပြန်သည်။ ထိုကုမ္ပဏီ ၃ ခုမှာ ပြည်တွင်း၌ ဆန်​ရောင်းဝယ်ရာတွင် ပြည်ပ​​ဘဏ်ငွေစာရင်းများသို့လွှဲ​ပြောင်းမှုလက်ခံခဲ့သည်ဟုစစ်​ကောင်စီကစွပ်စွဲထားသည်။

“စစ်ကောင်စီက ဆန်တင်ပို့ရာက ဒေါ်လာအမြောက်အများရနေတာ။ ဒီရပေါက်ကိုယိုပေါက်မရှိစေချင်လို့ပြင်းပြင်းထန်ထန်လုပ်နေတာ”ဟုလုပ်ငန်းရှင်တစ်ဦးကပြောသည်။

Public Service Announcement

Public Service Announcement

စစ်ကောင်စီက ကုမ္ပဏီ ၄၁ခုကတဆင့် ၂၀၂၃ မေတစ်လတည်းမှာပင် ပြည်ပသို့ ဆန်ချိန် တသိန်းကျော်တင်ပို့ခဲ့သည်။

၂၀၂၁၂-၂၃ဘဏ္ဍာနှစ်တွင် စစ်ကောင်စီက ပြည်ပကို ဆန်တန်ချိန် ၂ ဒသမ ၆ သန်းတင်ပို့ခဲ့ပြီး ဒေါ်လာ ၈၅၃ သန်းရရှိခဲ့သည်။ ယခုဘဏ္ဍာနှစ်တွင်လည်း ဆန်တန်ချိန် ၂ ဒသမ ၅ သန်းတင်ပို့ပြီး ဒေါ်လာ တစ်ဘီလီယံရှာဖွေရန် စီစဥ်​နေသည်။

စစ်ကောင်စီထိန်းချုပ်ထားသည့် ဗဟိုဘဏ်က ပို့ကုန်တင်ပို့သူများသည် ၆လအတွင်း ပို့ကုန်ရငွေ(နိုင်ငံခြားငွေ)များကို ပြည်တွင်းကို မပျက်မကွက် ပြည်လည်ယူဆောင်ရမည်ဟု သတ်မှတ်ထားသည်။ လက်ရှိတွင် ထိုခြောက်လအစား ၃ လအဖြစ်ပြောင်းလဲသတ်မှတ်ထားသည်။

ထို့အပြင်စစ်​ကောင်စီက ပို့ကုန် ကုမ္ပဏီများကို ၎င်းတို့ထိန်းချုပ်ထား​သော MFTB ဘဏ်တွင် မဖြစ်မ​နေ ​ငွေစာရင်းဖွင့်​စေသည်။ထို​နောက်ပြည်ပသို့ပို့ကုန်တင်ပို့ရမှ ရရှိ​သောပို့ကုန်ရ​ငွေ ​ဒေါ်လာများထဲမှ ၆၅ ရာခိုင်နှုန်းအား ၁ ​ဒေါ်လာလျှင် ၂၁၀၀ ကျပ်နှုန်းဖြင့် စစ်​ကောင်စီကို မဖြစ်မ​နေ​ရောင်း

ချခိုင်းသည်။လက်ရှိတွင် ၁​ ​ဒေါ်လာလျှင် ၃၀၀၀ ကျပ်အထက်​ဈေး​ပေါက်သဖြင့် ၁ ​ဒေါ်လာ​ရောင်းတိုင်းလုပ်ငန်းရှင်များမှာ ကျပ် ၉၀၀ ​ကျော်ဆုံးရှုံးပြီး စစ်​ကောင်စီက ​ခေါင်းပုံဖြတ်ယူထားခြင်းဖြစ်သည်။ထို​ကြောင့် ဆန်များများတင်ပို့နိုင်လျှင် စစ်​ကောင်စီလိုအပ်နေ​သောဒေါ်လာရသလို ၊​ဒေါ်လာလဲနှုန်း​လျော့ထားပြီး ​ခေါင်းပုံဖြတ်ရာမှ ရ​သော​ငွေလည်းပိုရ​လေဖြစ်သည်။

စစ်ကောင်စီက ပို့ကုန်ရငွေများ ပြန်လည်မယူဆောင်လာသည့် ကုမ္ပဏီ ၁၅၈ ခု၏ ဒါရိုက်တာများကို အမည်ပျက်စာရင်းသွင်းထားသည်။

အထက်မြန်မာနိုင်ငံ၏ စပါးကျီ စစ်ကိုင်းတိုင်းတွင်စစ်​ကောင်စီတပ်က ရွာများကိုမီးရှို့ ၊ပြည်သူများကို သတ်ဖြတ်အကြမ်းဖက်သဖြင့် ပြည်သူသိန်း​ပေါင်းများစွာထွက်​ပြေး​နေရသည်။နိုင်ငံတစ်ဝန်းစစ်တပ် အကြမ်းဖက်မှု​ကြောင့် ပြည်သူများသန်းနှင့်ချီ ထွက်​ပြေး​နေရပြီး လယ်ယာလုပ်ငန်းများ​ကောင်းစွာမလုပ်နိုင်ချိန်တွင် ​ဒေါ်လာလို​နေသည့် စစ်​ကောင်စီနှင့် ဆန်စပါးအသင်းချုပ်တို့က ယခင်နှစ်များထက် ဆန်ကိုပြည်ပ​တင်ပို့​နေခြင်းဖြစ်သည်။ ရသမျှ ဆန်ကို ပြည်ပတိုးပို့​နေ​သောကြောင့်ပြည်တွင်း၌ ဆန်​ဈေးများကြီးလာပြီး ဆန်ပိုရှားပါးလာ​နေသည်။

စစ်​ကောင်စီက အာဏာသိမ်းပြီး ​နောက်ပိုင်း ပြည်ပမှ လက်နက်များကို ​ဒေါ်လာ ၁ ဘီလီယံ​ကျော်ဖိုးဝယ်ယူတင်သွင်းခဲ့သည်။ထို့အပြင်စစ်​ကောင်စီက ​လေယာဥ်ဆီဝယ်ယူရန်အတွက်ကိုလည်း​ဒေါ်လာသန်းရာချီအသုံးပြုထားသည်။

ဆက်စပ်သတင်းများ

သတင်း

ပြည်ပသို့ စနစ်တကျ ဆန်တင်ပို့ရောင်းချနိုင်ရေးနှင့် ဆန်စပါးဈေးကွက် တည်ငြိမ်မှန်ကန်စေရေးအတွက် ဆိုကာ ဆန်စပါးသို့လှောင်မှုအခြေအနေကို သိရှိလို၍ဖြစ်သည်ဟုစစ်ကောင်စီကအ​ကြောင်းပြထားသည်။

သတင်း

ဆန်ဈေးနှုန်းမြင့်တက်လာခြင်းကြောင့် ဆိုကာ စစ်​ကောင်စီက ဆန်စပါးလုပ်ငန်းရှင် ခေါ်ယူစစ်ဆေး​နေခြင်းဖြစ်သည်ဟု ဆန်လုပ်ငန်းရှင်တစ်ဦးကပြောသည်။

ဆောင်းပါး

စစ်အုပ်စုဟာနိုင်ငံတစ်ဝန်းခုခံ​တော်လှန်မှု​တွေကို တိုက်ခိုက်နိုင်ဖို့ စစ်တပ်ရဲ့ အဓိကအားသာချက်ဖြစ်တဲ့ ​လေ​ကြောင်းက​နေတိုက်ခိုက်ဖို့ ​လေယာဥ်ဆီ၊ လက်နက်ခဲယမ်း ၊​ခေတ်မီ စစ်အသုံးအ​ဆောင်​တွေဝယ်ယူနိုင်ဖို့အတွက် ​ဒေါ်လာနဲ့ နိုင်ငံခြား​ငွေ အမြဲလိုအပ်​နေတာဖြစ်ပါတယ် ။

သတင်း

ပြည်တွင်း၌ ဆန်​ဈေးတက်ပြီး ပြည်သူအများစုစားဝတ်​နေ​ရေး ခက်ခဲ​နေချိန်တွင် စစ်ကောင်စီက နိုင်ငံခြားငွေရရှိရန် ဆန် ပြည်ပတင်ပို့မှုကို တိုး၍ တင်ပို့နေသည်။