သံလွင်မြစ်​ဘေးအပစ်ခံရပြီး စစ်​ကောင်စီ ​လေယာဥ်​ပျက်ကျသွား​သည်ဆိုသော နေရာပုံကို ကလလတထုတ်ပြန်

ကရင်နီပြည်နယ်၊ ဘောလခဲမြို့နယ်၊ ရွာသစ်မြို့နယ်ခွဲအတွင်းဇွန် ၃၀ ရက်ကဖြစ်ပွားခဲ့သည့် တိုက်ပွဲ တွင်ကရင်နီပူး​ပေါင်းတပ်က တာဆန်းလဲရွာအနီး၌ စစ်ကောင်စီတပ်၏ အပေါ့စားတိုက်ခိုက်ရေးလေယာဉ်တစ်စီးကိုပစ်ချခဲ့ရာ ​လေယာဥ်ပျက်ကျခဲ့သည်ဆို​​​​သော​နေရာဓါတ်ပုံကို ကလလတ က ယနေ့ညဦးပိုင်းတွင်ထုတ်ပြန်သည်။

ကရင်နီလူမျိုးပေါင်းစုံလွတ်မြောက်ရေးတပ်ဦး(ကလလတ)က” သံလွင်နားပစ်ထိပြီးပျက်ကျသွားသည့်ဂျက်ဖိုင်တာနေရာ” ဟု​ရေးသား၍ ဒရုန်းဖြင့်ရိုက်ကူးထားသည်ဟုယူဆရ​သော အ​ပေါ်စီးမှရိုက်ထားသည့် သတင်းဓါတ်ပုံ သုံးပုံထုတ်ပြန်ထားရာ ​လေယာဥ်ကိုမ​တွေ့ရ​သော်လည်း သစ်ပင်ခပ်ကျဲကျဲ​ပေါက်​သောသစ်​တောအတွင်းကြီးမား​သော​ပေါက်ကွဲပျက်စီးမှု​ကြောင့် ဖြစ်​ပေါ်​နေ​သောအလျှိုရာကြီးကို​​တွေ့ရသည်။ထို​နေရာ အနီးရှိ သစ်ပင် ၄၊၅ ပင်ခန့်မီးစွဲ လောင်ထားသကဲ့သို့ ပျက်စီး​နေသည်ကိုလည်း​တွေ့ရသည်။​လေယာဥ်ပျက်ကျသည်ဟု​ပြောပြီး ၆ ရက်အကြာတွင် ကလလတ က ခုဓါတ်ပုံများကိုထုတ်ပြန်ခြင်းဖြစ်သည်။

အဆိုပါဓါတ်ပုံနှင့် ပတ်သက်၍ ကလလတ သို့မှတ်ချက်​မေးမြန်းရန် People’s Spring ကဆက်သွယ်ရန်ကြိုးစား​နေ​သော်လည်း ဆက်သွယ်မရ​သေးပါ။

အဆိုပါ​လေယာဥ်ကို ကလလတ ၏တပ်ဖွဲ့ဝင်များက ဇွန် ၃၀ ရက်​နေ့​နေ့ခင်းပိုင်းတိုက်ပွဲအပြင်းအထန်ဖြစ်​နေချိန် အ​နိမ့်ပျံသန်း​နေစဥ် ရှိ​​သောလက်နက်များဖြင့် ပစ်ခတ်တိုက်ခိုက်ခဲ့ခြင်းဖြစ်​ကြောင်း ကလလတ က မီဒီယာများသို့ဖြေကြားထားသည်။

Public Service Announcement

အဆိုပါ​လေယာဥ်ပျက်ကျသွား​သော​နေရာသည် နယ်ခြား​စောင့်တပ်စခန်း ၁၀၀၅ ​အောက်နား သံလွင်မြစ်​ဘေးတွင်ဖြစ်ပြီး ​လေယာဥ် ပျက်ကျပြီး​နောက် စစ်​ကောင်စီတပ် ကတိုက်​လေယာဥ်နှင့် ရဟတ်ယာဥ်များတစ်​နေကုန် ပျံဝဲ တိုက်ခိုက်​နေ၍ ​တော်လှန်​ရေးအင်အားစုများ ​လေယာဥ်ပျက်ပုံ ချက်ချင်းသွားယူရန် မဖြစ်နိုင်ခဲ့​ကြောင်း ကရင်နီ​တော်လှန်​ရေးအင်အားစုများက​ပြောသည်။

စစ်​ရေးရင်းမြစ်အချို့က ပျက်ကျ​သော​လေယာဥ်မှာ တရုတ်နိုင်ငံထုတ်K-8အမျိုးအစား အ​ပေါ့စားတိုက်ခိုက်​ရေးလေယာဉ်ဖြစ်သည်ဟု​ပြောသည်။