စစ်ကိုင်းတိုင်း၊ ခင်ဦးမြို့နယ်တွင် စစ်ကောင်စီတပ်၏ လက်နက်ကြီးဖြင့် ပစ်ခတ်မှုကြောင့် နှစ်ရက်အတွင်း ကလေးငယ်တစ်ဦးအပါအဝင် ပြည်သူ ၅ ဦး သေဆုံးခဲ့ကြောင်း ဒေသတွင်းသတင်းရင်းမြစ်များက ပြောသည်။
လက်နက်ကြီးကျည်များသည် ခင်ဦးမြို့နယ်ရှိ မူးသာကျေးရွာအတွင်း ကျရောက်ခဲ့ပြီး ပြည်သူ ငါးဦးလက်နက်ကြီးထိမှန်ကာ အသက်(၂၇)နှစ်အရွယ် အမျိုးသမီး တစ်ဦးနှင့် အသက်(၄၀)ခန့် အမျိုးသား တစ်တို့ သေဆုံးခဲ့ကြောင်း ခင်ဦးမြို့နယ်သတင်းမှန်ပြန်ကြားရေးအဖွဲ့က ပြောသည်။
ယမန်နေ့ကလည်း အဆိုပါ စစ်ကောင်စီတပ်၏ ရမ်းသမ်းပစ်ခတ်မှုကြောင့် မူးသာကျေးရွာဘေးရှိ သက်ပေးရွာ၌ ကျရောက်ပေါက်ကွဲခဲ့ပြီး အသက်(၆)နှစ်အရွယ် ကလေးငယ်တစ်ဦး သေဆုံးခဲ့ကြောင်း၊ ထို့အပြင် ဒဏ်ရာရ၍ ဆေးကုနေသည့် ဒေသခံ နှစ်ဦးလည်း သေဆုံးသွားကြောင်း ဒေသခံများက ပြောသည်။
“သက်ပေးရွာက ဒဏ်ရာရတဲ့သူတွေအပါအဝင် သုံးဦးလည်း သေဆုံးသွားပါပြီ။”ဟု ဒေသခံတစ်ဦးက ပြောသည်။
Public Service Announcement
ဇူလိုင်လ ၆ ရက်နေ့ကလည်းစစ်ကောင်စီက ကုန်းကြီးရွာက ပြည်သူတစ်ဦးကို မီးရှို့သတ်ဖြတ်ခဲ့သည်။ ထို့အပြင်ဇူလိုင်
လ၁၆ရက်နေ့ကလည်း စစ်အုပ်စု၏ လက်နက်ကြီးဖြင့် ပစ်ခတ်ခဲ့မှုကြောင့် အင်းပတ်ကျေးရွာက ဒေသခံအမျိုးသား(၁)ဦးသေဆုံးခဲ့ပြီး (၁)ဦး ဒဏ်ရာရရှိခဲ့သေးသည်။
“နေ့ကောညပါ ရမ်းပစ်နေတာပါ။ တော်တော်များများတော့ မနေရဲတော့ပြောင်းပြေးကုန်ကြပြီ။ တချို့ကတော့ကျန်နေသေးတယ်။”ဟု ခင်ဦးမြို့နယ်သတင်းမှန်ပြန်ကြားရေးအဖွဲ့၏ တာဝန်ရှိသူက ပြောသည်။
စစ်ကောင်စီတပ်သည် ဇူလိုင် ၆ ရက်က ကုန်းကြီးကျေးရွာမှ ပြည်သူတစ်ဦးကိုလည်း မီးရှို့သတ်ဖြတ်ခဲ့သည်။
ယနေ့နံနက် ၈နာရီခန့်တွင် အင်းပတ်ကွေ့နှင့် ရွာသစ်ကုန်းရှိ စစ်ကောင်စီတပ်နှင့် ပျူစောထီးများသည် ပစ်ခတ်စစ်ကြောင်းထိုးနေ၍ ကျေးရွာ ခုနစ်ရွာမှ ဒေသခံပြည်သူ ၅,၀၀၀ ကျော်မှာ ထွက်ပြေးတိမ်းရှောင်နေရကြောင်း သတင်းရရှိသည်။
