နွေဦးဘဏ်ဖော်ဆောင်နေသည့် Betaဝက်ဘ်အပလီကေးရှင်း (Web Application)သည် သုံးဆွဲသူပမာဏ ခန့်မှန်းထားသည့်ထက်ပိုများနေ၍ အဆင့်မြှင့်တင်ရန် ခေတ္တရပ်ဆိုင်းမည်ဟု အမျိုးသားညီညွတ်ရေးအစိုးရ၏ နွေဦးဘဏ်က ယနေ့ထုတ်ပြန်သည်။
ရပ်ဆိုင်းမည့် အချိန်မှာ ဇူလှိုင် ၂၆ ရက် မြန်မာစံတော်ချိန် နံနက် ၄နာရီမှ စတင်ပြီး Beta App (ဘီတာအပလီကေးရှင်း)ကို ခေတ္တခဏရပ်ဆိုင်းမည်ဟု ဆိုသည်။
ပြင်ဆင်မွမ်းမံချိန် ၁နာရီခန့်ကြာမြင့်မည်ဖြစ်ပြီးအပ်နှံငွေများလုံခြုံစွာသိမ်းဆည်းထားမည်ဖြစ်၍စိုးရိမ်စရာမလိုကြောင်းလည်းနွေဦးဘဏ်ကထုတ်ပြန်ထားသည်။
ကနဦးစမ်းသပ်အသုံးပြုသူ အရေအတွက် ၁၀၀၀ ကန့်သတ်ထားပြီးဘဏ်စနစ်တည်ငြိမ်စွာလည်ပတ်နိုင်ရန်ပြင်ဆင်မွမ်းမံထားခြင်းဖြစ်သည်ဟု အမျိုးသားညီညွတ်ရေးအစိုးရ၏ နွေဦးဘဏ်က ထုတ်ပြန်ထားသည်။ ဖွင့်လှစ်ရာတွင်မအောင်မြင်သေးပါကလည်း အရေအတွက်တိုးချဲ့ သည့် အချိန်အား စောင့်ဆိုင်းပေးပါရန် မေတ္တာရပ်ခံထားသည်။
Public Service Announcement
“၂၂ရက် မနက်ကတည်းက အကောင့် ၁၀၀၀ကို အစမ်းဖွင့်ပေးတာပါ။ အခုအထိ ဖွင့်ချင်တဲ့သူတွေ ဖွင့်လိုရအောင် နည်းပညာပိုင်းပြင်ဆင်နေပါတယ်”ဟုဘဏ်ကိုယ်စားလှယ်တစ်ဦးကပြောသည်။
အမျိုးသားညီညွတ်ရေးအစိုးရကစစ်ကောင်စီကဝင်ငွေရလမ်းကို ပိတ်ဆို့ရန်နှင့် တော်လှန်ရေးကို ရန်ပုံငွေထောက်ပံ့ရန်အတွက် နွေဦးဘဏ်ကို ဇူလှိုင် ၂၂ ရက်တွင် စမ်းသပ်ဖွင့်လှစ်ခဲ့ခြင်းဖြစ်သည်။
