“လက်နက်မပြည့်စုံတဲ့ စစ်ကိုင်းမှာတိုက်တာတောင် ခင်ဗျားတို့လက်နက်ပြည့်စုံတဲ့ မင်းအောင်လှိုင် စစ်တပ်ကြီးက မနိုင်ဘူး။လိုင်ဇာဌာနချုပ်ဆို ပြောမနေနဲ့”
ကချင်လွတ်လပ်ရေးအဖွဲ့/ကချင်လွတ်လပ်ရေးတပ်မတော်(KIO/KIA) ဌာနချုပ် လိုင်ဇာအနီး နန်ဆန်ယာန်ဒေသ တိုက်ပွဲများတွင် စစ်ကောင်စီတပ်က သေဆုံးထိခိုက်များပြားခဲ့ကြောင်း KIA နယ်မြေ ရှေ့တန်းရောက် ကချင်ဒေသပြည်သူ့ကာကွယ်ရေးတပ်(PDF) ရဲဘော်တစ်ဦးက ပြောသည်။
လိုင်ဇာဌာနချုပ်ကို တိုက်ခိုက်ရာတွင် စစ်ကောင်စီက အောင်မြင်မှုများရနေကြောင်း စစ်ကောင်စီ လော်ဘီများက ဝါဒဖြန်နေ့ခြင်းနှင့်ပတ်သတ်သက်ပြီး အဆိုပါ ရဲဘော်က မြေပြင်အခြေအနေကို ပြောပြလာခြင်း ဖြစ်သည်။
“တကယ်တန်းက စစ်ခွေးရဲခွေးတွေ အတုန်းအရုန်းသေပြီးမှ သူတို့ပဲ ခွေးပြေး ဝက်ပြေး ပြေးရတာ။ ဒါလက်ရှိ စစ်မြေပြင်တစ်ရပ်မှာပေါ့” ဟု ကချင်ဒေသ PDF ရဲဘော်က ပြောသည်။
အဝေးကနေ လော်ဘီမလုပ်ဘဲ ကိုယ်တိုင်လာကြည့်ရန်လည်း စစ်ကောင်စီ လော်ဘီများကို ဖိတ်ခေါ်ခဲ့သည်။
Public Service Announcement
“ဘယ်သူက ကျားလည်း၊ ဘယ်သူက သားကောင်လည်းဆိုတာ ခင်ဗျားတို့သိအောင်ပြောပြတာ”ဟု ၎င်းက ဆိုသည်။
အင်အားကြီးသည့် စစ်တပ်ကျရှုံးရခြင်းမှာ မင်းအောင်လှိုင်က အာဏာရူးပြီး ပြည်သူလူထုကို တိုက်ခိုက်နေခြင်းကြောင့်ဖြစ်သည်ဟု ပြောသည်။
“အခု ခင်ဗျားတို့ သိထားဖို့က ပြည်သူမပါရင် ဘယ်စစ်ပွဲမျိုးမဆို တိုက်လို့မနိုင်ဘူး။ ဘာဖြစ်လို့လဲဆိုရင် ပြည်သူ့ဘက်မှာ ခင်ဗျားတို့ မရပ်တည်လို့။ ပြည်သူက ခင်ဗျားတို့ကို မထောက်ခံလို့။ခင်ဗျားတို့က လက်နက်မပြည့်စုံတဲ့ စစ်ကိုင်းမှာ တိုက်တာတောင် ခင်ဗျားတို့ လက်နက်ပြည့်စုံတဲ့ မင်းအောင်လှိုင် စစ်တပ်ကြီးက မနိုင်ဘူး။ ခင်းဗျားတို့ လော်ဘီ ဘယ်လောက်လုပ်လုပ် ကျနော်တို့ ပြည်သူတွေကလည်း သိတယ်။ မြေပြင်မှာ လက်ရှိတိုက်နေတဲ့ ကျနော်တို့ PDF တွေကလည်းသိတယ်။ လိုင်ဇာဌာနချုပ်ဆိုပြောမနေနဲ့”ဟု ကချင်ဒေသ PDF ရဲဘော်က ပြောသည်။
နောက်ထပ် အင်အားအများအပြား အသုံးပြုလာတိုက်လည်း စစ်ကောင်စီတပ် အနိုင်ရမည်မဟုတ်ဟု ဆိုသည်။
“ဘာဖြစ်လို့လည်းဆိုတော့ ဒီနယ်တစ်ဝိုက်မှာက ကချင်ပြည်နယ် လိုင်ဇာတစ်ဝိုက်မှာ ကျနော်တို့ PDFတွေ တိုင်းရင်းသား တပ်ပေါင်းစု အစုံအကုန်ရှိယ်။ကျနော်တို့ဘက်က အကျအရှုံးနည်းတယ်ဆိုတာကျနော်တို့က တိုင်းပြည်နဲ့ ပြည်သူအတွက်ကို ကိုယ်ကျိုးပြုပြီးမှ ကျနော်တို့က ပြည်သူ့ကာကွယ်ရေးတပ်မတော်(PDF)၊ တိုင်းရင်းသားတွေနဲ့ဖက်ဒရယ်ပြည်ထောင်စုဒီမိုကရေစီနိုင်ငံကိုသွားမယ့်တော်လှန်ရေးတပ်တွေဖြစ်တယ်။ အဲဒီတော့ခင်ဗျားတို့ မင်းအောင်လှိုင် ဘယ်လောက်ပဲ ကမ်းကုန်အောင် နောက်ဆုံးအထိ မိုက်ရူးရဲဆန်ပါစေ မနိုင်ဘူးခင်ဗျားတို့လုံး၀မနိုင်ဘူးစိတ်ချ”ဟု KPDF ရဲဘော်က ပြောသည်။
မင်းအောင်လှိုင်အနေဖြင့် မည်သည့်အခါမှ အုပ်ချုပ်ခွင့်ရမည်မဟုတ်ကြောင်း ၎င်းက ဆိုသည်။
“အုပ်ချုပ်ခွင့်လည်း အခုအချိန်လည်း မရဘူး။ဘာဖြစ်လို့လည်းဆိုတော့ တစ်တိုင်းပြည်လုံး တစ်နိုင်ငံလုံးက လှည်းနေလှေအောင်း မြင်းဇောင်းမကျန်တော်လှန်နေလို့ ဆိုတာ ခင်ဗျားတို့ သိဖို့ ပြောပြတာ”ဟု KPDFရဲဘော်က ပြောသည်။
ယမန်နေ့(ဇူလိုင် ၂၅ရက်)တွင် နမ်ဆန်ယာန်ဒေသသို့လာသည့် စစ်ကောင်စီတပ် စစ်ကြောင်းများကို KIAက ကြားဖြတ်တိုက်ခိုက်ရာ စစ်ကောင်စီတပ်များ ပြန်လည်ဆုတ်ခွာသွားရကြောင်း KIA သတင်းပြန်ကြားရေးဌာန တာဝန်ခံ ဗိုလ်မှူးကြီးနော်ဘူက ပြောပြသည်။
