Connect with us

Hi, what are you looking for?

LuduNwayOo

သတင်း

ပန်လုံဗျူဟာကုန်းတိုက်ပွဲစစ်​ကောင်စီတပ်မ ၉၉ တပ်မမှူး​သေဆုံး

​နွေဦး​တော်လှန်​ရေးတိုက်ပွဲများတွင် စစ်​ကောင်စီတပ်မှ ​သေဆုံးသူများတွင် အရာရှိများစွာပါဝင်​နေပြီဖြစ်​သော်လည်း တပ်မမှူး ​သေဆုံးခြင်းမှာ ပထမဆုံးအကြိမ်ဖြစ်သည်။

(ပန်လုံဗျူဟာကုန်းသိမ်းပိုက်ပြီး​နောက် ညီ​နောင်မဟာမိတ်တပ်ဖွဲ့ဝင်များကို သိမ်းဆည်းရရှိ​သော လက်နက်ခဲယမ်းများနှင့်အတူ​တွေ့ရစဥ်။ဓါတ်ပုံ-The Kokang)
(ပန်လုံဗျူဟာကုန်းသိမ်းပိုက်ပြီး​နောက် ညီ​နောင်မဟာမိတ်တပ်ဖွဲ့ဝင်များကို သိမ်းဆည်းရရှိ​သော လက်နက်ခဲယမ်းများနှင့်အတူ​တွေ့ရစဥ်။ဓါတ်ပုံ-The Kokang)

ရှမ်းပြည်နယ် မြောက်ပိုင်း ၊ပန်လုံဗျူဟာကုန်း ကို ညီ​နောင်မဟာမိတ်သုံးဖွဲ့က တိုက်ခိုက်သိမ်းပိုက်ခဲ့​သောတိုက်ပွဲတွင်စစ်​ကောင်စီတပ် တပ်မ ၉၉ တပ်မမှူး ​သေဆုံးခဲ့​ကြောင်း စစ်​​ရေးသတင်းရင်းမြစ်များက အတည်ပြုသည်။

​နွေဦး​တော်လှန်​ရေးတိုက်ပွဲများတွင် စစ်​ကောင်စီတပ်မှ ​သေဆုံးသူများတွင် အရာရှိများစွာပါဝင်​နေပြီဖြစ်​သော်လည်း တပ်မမှူး ​သေဆုံးခြင်းမှာ ပထမဆုံးအကြိမ်ဖြစ်သည်။

“ကျွန်​တော်တို့ရရှိတဲ့ ရင်းမြစ်​တော်​တော်များများအရ ​သေချာတယ်”ဟုစစ်​ရေးသတင်းရင်းမြစ်တစ်ဦးကအတည်ပြုသည်။

(ပန်လုံဗျူဟာကုန်းသိမ်းပိုက်ပြီး​နောက် ညီ​နောင်မဟာမိတ်တပ်ဖွဲ့ဝင်များကို သိမ်းဆည်းရရှိ​သော လက်နက်ခဲယမ်းများနှင့်အတူ​တွေ့ရစဥ်။ဓါတ်ပုံ-The Kokang)
(ပန်လုံဗျူဟာကုန်းသိမ်းပိုက်ပြီး​နောက် ညီ​နောင်မဟာမိတ်တပ်ဖွဲ့ဝင်များကို သိမ်းဆည်းရရှိ​သော လက်နက်ခဲယမ်းများနှင့်အတူ​တွေ့ရစဥ်။ဓါတ်ပုံ-The Kokang)

​သေဆုံးခဲ့​​သော တပ်မမှူးမှာဗိုလ်မှူးကြီး အောင်ကျော်လွင်ဖြစ်ပြီး ပင်လုံဗျူဟာကုန်းတိုက်ပွဲတွင် ဒဏ်ရာအပြင်းအထန်ရပြီး ​ဆေးကုရန် ရဟတ်ယာဥ်ဖြင့်သယ်​ဆောင်စဥ်လမ်း၌ ​သေဆုံးခြင်းဖြစ်​ကြောင်း အခြားသတင်းရင်းမြစ်တစ်ဦးက​ပြောသည်။ အဆိုပါတိုက်ပွဲတွင် ဌာနချုပ်ခွဲမှူး ဗိုလ်မှူးတစ်​ယောက်ပါ​သေဆုံးခဲ့​ကြောင်း၎င်းက ဆက်​ပြောသည်။

သို့​သော် အဆိုပါသတင်းရင်းမြစ်က ဗိုလ်မှူးကြီး​အောင်​ကျော်လွင်မှာ တပ်မမှူး မဟုတ်ဘဲ ဗျူဟာမှူး ဖြစ်​ကြောင်း​ပြောသည်။ အခြားသတင်းရင်းမြစ်များကမူ စကခ-၈(စစ်ဆင်ရေးကွပ်ကဲမှုဌာနချုပ်) မှ တပ်မ ၉၉ တပ်မမှူးအဖြစ် ရာထူးတိုးဖြင့်ယခုနှစ် ဩဂုတ်လတွင်မှ ပြောင်းရွှေ့လာသူဖြစ်ပြီး ဗိုလ်မှူးအဖြစ်မှ ဗိုလ်မှူးချုပ်အပွင့်တင်ရန် ​စောင့်ဆိုင်း​နေသူဖြစ်​ကြောင်း​ပြောသည်။

Public Service Announcement

Public Service Announcement

People’s Spring အတည်ပြု​မေးမြန်း​​သော စစ်​ရေးသတင်းရင်းမြစ် ၅ ဦးတွင် ၃ ဦးက တပ်မမှူးဖြစ်​ကြောင်းအတည်ပြုပြီး တစ်ဦးက ဗျူဟာမှူးဖြစ်​ကြောင်း​ပြောသည်။

ကျန်တစ်ဦးဖြစ်​​သော MNDAA ​ပြော​ရေးဆိုခွင့်ရှိသူ လီကျာဝင်းက ” သတင်း​တော့ကြားမိတယ် အတည်ပြုလို့​တော့ မရ​သေးဘူး”ဟု ​ပြောသည်။

ကိုးကန့်တပ်မတော် (MNDAA) နှင့် ရက္ခိုင့်တပ်တော် (AA) တို့သည် စစ်ကောင်စီ၏ပန်လုံဗျူဟာကုန်း (အဓိကပင်မကုန်း) ကို နိုဝင်ဘာ ၅ ရက်တွင် တိုက်ခိုက်သိမ်းပိုက်နိုင်ခဲ့ခြင်းဖြစ်သည်။

MNDAA နှင့် AA တို့က နိုဝင်ဘာ ၄ ရက်တွင် ပန်လုံဗျူဟာကုန်း ၏ အောက်ဘက်တွင်ရှိသော “ကာကင်း” ဗျူဟာစခန်း (၂) ခုအား နိုဝင်ဘာလ (၄) ရက်​နေ့တွင်စတင်တိုက်ခိုက်ခဲ့သည်။

ထို​နောက် တပ်မ (၉၉) လက်အောက်ခံ စစ်ကောင်စီတပ်ဖွဲ့ဝင်များ စခန်းထိုင်ထားသော “ပန်လုံဗျူဟာကုန်း” အား နိုဝင်ဘာလ (၅) ရက်နေ့၊ နံနက် ၅ နာရီမှစ၍ စတင်ထိုးစစ်ဆင်တိုက်ခိုက်ခဲ့ပြီး ညနေ ၅အချိန်ခန့်တွင် အပြီးသတ် ချေမှုန်းသိမ်းပိုက်ခဲ့သည်ဟု စစ်ဆင်​ရေး ၁၀၂၇ က နိုဝင်ဘာ ၆ ရက်တွင်ထုတ်ပြန်သည်။

(ပန်လုံဗျူဟာကုန်းသိမ်းပိုက်ပြီး​နောက် ညီ​နောင်မဟာမိတ်တပ်ဖွဲ့ဝင်များကို သိမ်းဆည်းရရှိ​သော လက်နက်ခဲယမ်းများနှင့်အတူ​တွေ့ရစဥ်။ဓါတ်ပုံ-The Kokang)
(ပန်လုံဗျူဟာကုန်းသိမ်းပိုက်ပြီး​နောက် ညီ​နောင်မဟာမိတ်တပ်ဖွဲ့ဝင်များကို သိမ်းဆည်းရရှိ​သော လက်နက်ခဲယမ်းများနှင့်အတူ​တွေ့ရစဥ်။ဓါတ်ပုံ-The Kokang)

အဆိုပါ “ကာကင်း” ဗျူဟာစခန်း (၂) ခုနှင့် ၎င်း၏ ပင်မ “ပန်လုံ” ဗျူဟာစခန်းတို့အား ရက္ခိုင့်တပ်တော်တပ်ဖွဲ့ဝင်များမှ အဓိကဦးဆောင်ထိုးစစ်ဆင်ခဲ့ကြပြီး စစ်ရေးအရ ခက်ခက်ခဲခဲတိုက်ပွဲဝင်ခဲ့ရသော စခန်းသိမ်းတိုက်ပွဲတစ်ခုလည်း ဖြစ်သည်။ စစ်​ကောင်စီတပ်က ရဟတ်ယာဉ်၊ ဂျက်တိုက်လေယာဉ်တို့ဖြင့် အကြိမ်ပေါင်းများစွာ ခုခံကာကွယ်တိုက်ခိုက်နေသည့်ကြားမှ ​တော်လှန်​ရေး တပ်ဖွဲ့ဝင်များ၏ ဗျူဟာမြောက်ထိုးစစ်နှင့်အတူ ပေးဆပ်မှုများစွာဖြင့် “ပန်လုံဗျူဟာကုန်း” အား အပြီးသတ်သိမ်းပိုက်ရယူနိုင်ခဲ့ ခြင်း ဖြစ်သည် ဟု ၁၀၂၇ စစ်ဆင်​ရေးက တိုက်ပွဲအ​ကြောင်း​ဖော်ပြထားသည်။

ဗျူဟာကုန်းသိမ်းတိုက်ပွဲအတွင်း အသက်ပေးဆပ်စွန့်လွှတ်ခဲ့ရသော ရဲဘော်များအား လေးနက်စွာ မှတ်တမ်းတင် ဂုဏ်ပြုအပ် သကဲ့သို့ ၁၀၂၇ စစ်ဆင်ရေးကာလတစ်လျှောက် အသက်၊ ခန္ဓာပေးဆပ်စွန့်လွှတ်ခဲ့ကြရသော အဖွဲ့အစည်းအသီးသီးမှ ရဲဘော် တစ်ယောက်ချင်းစီကိုလည်း မှတ်တမ်းတင်ဂုဏ်ပြုအပ်ပါသည်ဟုလည်း ဆက်လက်​ဖော်ပြထားသည်။

စစ်​ကောင်စီ၏ တပ်မ ၉၉ သည် ရှမ်းပြည်နယ်​မြောက်ပိုင်းတပ်ပွဲတွင် မုံးကိုးတွင် အ​ခြေပြု၍ လက်​အောက်ခံ ၁၀ ရင်းအား ကိုးကန့်နယ်​မြေများတွင် ခွဲဖြန့်ထားပြီး ညီ​နောင်မဟာမိတ်တပ်ဖွဲ့များနှင့် တိုက်ခိုက်​နေသည်။ ၁၀၂၇ စစ်ဆင်​ရေး စတင်ပြီး​နောက် တပ်မ ၉၉ မှ အရာရှိများ ၊စစ်သားများ ​သေဆုံးမှု အလွန်များ​နေ​ကြောင်းလည်းသိရသည်။