စစ်ကိုင်းတိုင်း ဟုမ္မလင်းမြို့နယ်နှင့် ဖောင်းပြင်မြို့နယ်တွင် တိုက်ပွဲများ ဆက်တိုက်ဖြစ်ပွားနေ၍ ပြည်သူများအနေဖြင့် စစ်ရေးသတိရှိကြရန် ဟုမ္မလင်းမြို့နယ် ပြည်သူ့ကာကွယ်ရေးတပ်(PDF)က ယမန်နေ့တွင် သတင်းထုတ်ပြန်သည်။
PDF ပူးပေါင်းမဟာမိတ်တပ်များနှင့် စစ်ကောင်စီ၊ စစ်ကောင်စီ လက်အောက်ခံ ရှမ်းနီတပ်(SNA) ပူးပေါင်းအဖွဲ့များအကြား တိုက်ပွဲများဆက်တိုက်ဖြစ်နေသည်ဟု ဆိုသည်။
နောင်ပိုအောင် – ပင်ခုတ်- နတ်နန်း-ဖောင်းပြင် လမ်းပိုင်း နှင့် ရွှေပြည်အေး – ဟုမ္မလင်း – ဖောင်းပြင် ရေကြောင်းခရီးများအား တိုက်ပွဲများ ပိုမိုပြင်းထန်လာနိုင်ကြောင်း အသိပေးထားသည်။
ထို့ကြောင့် ပြည်သူများအနေဖြင့် ဤလမ်းပိုင်းများအား ယာယီ ဖြတ်သန်းသွားလာခြင်းမပြုကြရန် သတိပေးထားသည်။
Public Service Announcement
စစ်ကောင်စီနှင့် ရှမ်းနီတပ်များ၏ တပ်တည်၊ တပ်လှုပ် သတင်းများနှင့်အတူ ၎င်းတို့၏ အသွားအလာများအား အချိန်မလပ် သတိပြုစောင့်ကြည့်ကာ သတင်းပေးပို့ကြရန်လည်း မေတ္တာရပ်ခံထားပြီး Homalin People’s Defense Force – HPDF 124 Page Messengerမှ သတင်းပေးကြရန် အသိပေးထားသည်။
သတိပေးချက်အား မလိုက်နာ၍ တစုံတရာဖြစ်ပွားခဲ့ပါက တာဝန်ယူမည် မဟုတ်ကြောင်း ထုတ်ပြန်ထားသည်။
