မြဝတီမြို့မှ ခရိုင်ရဲတပ်ဖွဲ့မှူးရုံးနှင့် မြို့မရဲစခန်းကို KNLAနှင့် PDF ပူးပေါင်းတပ်က ယမန်နေ့(ဒီဇင်ဘာ ၆ )ည ၆နာရီခန့်တွင် ဒရုန်းဖြင့် ဗုံးကျဲတိုက်ခိုက်ခဲ့ကြောင်း မြို့ခံများကပြောသည်။
“ခရိုင်ရုံးရော၊ ရဲစခန်းရော ဗုံးကျဲတာ။ တစ်မြို့လုံး ကြားရတယ်။ သူတို့(စစ်ကောင်စီ)ဘန်ကာ ပြိုတယ်”ဟု ခရိုင်ရုံးအနီး နေသူတစ်ဦးကပြောသည်။
ပြိုကျသွားသော ဘန်ကာသည် စစ်ကောင်စီက သိန်းတစ်ထောင်ကျော် အကုန်ခံ၍ တည်ဆောက်ထားသည့် ဘန်ကာဟု PDF ရဲဘော်တစ်ဦးကပြောသည်။ တိုက်ခိုက်မှုကြောင့် ထိခိုက်သေဆုံးမှု ရှိ ၊မရှိကိုမူ မသိရသေးပေ။
ယနေ့(ဒီဇင်ဘာလ ၇ရက်)နံနက်ပိုင်းတွင် မြို့တွင်းအခြေအနေငြိမ်သက်နေပြီး စစ်ကောင်စီကလည်း ၎င်းတို့တပ်စွဲထားသည့် နေရာများ၌သာ ရှိနေပြီး ယခင်ကကဲ့သို့ ပြင်ပသို့ ထွက်ခွာခြင်းမရှိဟု ဒေသံခံများကပြောသည်။
Public Service Announcement
ပြီးခဲ့သည့် စက်တင်ဘာလအတွင်းက မြ၀တီမြို့နယ် အထွေထွေအုပ်ချုပ်ရေးဦးစီးဌာနရုံးကို KNLA၊PDF ပူးပေါင်းတပ်ဖွဲ့က ဒရုန်းဖြင့် ဗုံးနှစ်လုံးကြဲချတိုက်ခိုက်ခဲ့ရာစစ်ကောင်စီယာယီတပ်ရင်းမှူးဗိုလ်မှူးနှင့်မြ၀တီခရိုင်အုပ်ချုပ်ရေးမှူးအပါအဝင် ငါးဦးထက်မနည်း သေဆုံးပြီး အများအပြားဒဏ်ရာရခဲ့သည်။
