ဧပြီ-၂၉၊၂၀၂၆။ဆလိုင်းမာန်/People’s Spring
ချင်းပြည်နယ်၊ ကျင်ဒွေးမြို့ကို စစ်တပ်ကလေကြောင်းကနေဗုံးကြဲတိုက်ခိုက်လို့ လမ်းတံတားပြင်ဆင်နေတဲ့ ဆောက်လုပ်ရေးလုပ်သား၉ဦး သေဆုံးပြီး ၂ဦးဒဏ်ရာရရှိတယ်လို့ ဒေသခံတွေက ပြောပါတယ်။။
ဒီနေ့ဧပြီ ၂၉ရက်မနက် ၁၀နာရီခန့်မှာ ကျင်းဒွေးမြို့အနီးက ချောင်းကူတံတား ဆောက်လုပ်ရေးလုပ်ငန်းခွင်နေရာတစ်ခုကို စစ်တက်ကလေယာဉ်နဲ့ ဗုံးကြဲသွားတာ ဖြစ်ပါတယ်။
” ဆောက်လုပ်ရေးလုပ်သားတွေ ကိုးဦးသေဆုံးသွားတယ်။ဒဏ်ရာတွေက ဆိုးဆိုး ရွားရွားရပြီးသေဆုံးကြတာပါ။ ရုပ်ပျက်ဆင်းပျက်အခြေနေပါ”လို့ ဒေသခံတစ်ဦးက ပြောပါတယ်။
Public Service Announcement
မနက် ၁၀နာရီခန့်မှာ စစ်တပါက လေယာဉ် ၂စီးနဲ့ ပေါင်၃၀၀ ဗုံး ၂လုံးကြဲလို့ အမျိုးသမီးတစ်ဦး၊ အမျိုးသားခုနစ်ဦးသေဆုံးခဲ့ပြီး သုံးဦး ဒဏ်ရာရခဲ့တယ်လို့ ကန်ပက်လက်မြို့နယ် လူသားစာနာဘေးစီမံဌာနက ထုတ်ပြန်ထားပါတယ်။
နောက်ဆုံးရရှိထားတဲ့အခြေအနေအရ သေဆုံးသူ တစ်ဦးတိုးလာတာလို့ ဒေသခံသတင်းရင်းမြစ်ကပြောပါတယ်။
ချင်းပြည်နယ်မှာ စစ်တပ်က လေကြောင်းတိုက်ခိုက်မှုတွေရှိနေပြီး ဖလမ်းမြို့ကိုလည်း ပြန်လည်ထိန်းချုပ်ထားပါတယ်။
ချင်းကာကွယ်ရေးတပ်တွေ ထိန်းချုပ်ထားတဲ့မြို့နယ်တွေမှာ လေကြောင်းအန္တရာယ်သတိပြုကြဖို့ တော်လှန်ရေးတပ်တွေက သတိပေးထားပါတယ်။လေကြောင်းသတိပေးချက်တွေ နားစွင့်ပြီး ဗုံးခိုကျင်းတွေမဖြစ်မနေတူးထားကြဖို့လည်း ကန်ပက်လက်မြို့နယ် လူသားစာနာဘေးစီမံဌာနကထုတ်ပြန်ထားပါတယ်။
ကျင်ဒွေးမြို့ဟာ ကန်ပက်လက်မြို့နယ်မှာရှိပြီး ချင်းကာကွယ်ရေးတပ်တွေနဲ့ မဟာမိတ်တွေက ချင်းညီနောင်စစ်ဆင်ရေးအဖြစ် ၂၀၂၄ ဧပြီ ၂၉ရက်မှာ တိုက်ခိုက်သိမ်းပိုက်ထားတာဖြစ်ပါတယ်။ မြို့သိမ်းတိုက်ပွဲတိုက်ခိုက်ခဲ့စဉ်က စစ်ကိုင်းတိုင်း၊ မကွေးတိုင်းနဲ့ မန္တလေးတိုင်းမှ ပြည်သူ့ကာကွယ်ရေးတပ်ဖွဲ့တွေအပြင် ဒအာရက္ခတပ်တော်(AA)ကလည်း ပူးပေါင်းတိုက်ခိုက်ခဲ့ကြောင်း ချင်းကာကွယ်ရေးတပ်တွေက သတင်းထုတ်ပြန်ခဲ့ပါတယ်။
