Connect with us

Hi, what are you looking for?

LuduNwayOo

သတင်း

ဝိုင်းမော်မြို့နှင့် ရပ်ကွက်၊ကျေးရွာများနေရာယူထားသည့် စစ်ကောင်စီတပ်အားလုံးကို ရှင်းလင်းပြီးဖြစ်ဟု KIAပြော

ဝိုင်းမော်၌ ကျန်နေသည့် စစ်ကောင်စီတပ်စခန်းများကို KIAက မေလ ၁၈ရက်တွင် တပြိုင်တည်း ထိုးစစ်ဆင်ခဲ့ခြင်းဖြစ်ပြီး ယနေ့(မေလ ၂၀ရက်)နံ နက်အချိန်ထိ စစ်ကောင်စီတပ်စခန်း ၁၂ခုထက်မနည်း ရရှိထားသည်။

(ရှေ့တန်းတနေရာတွင် တွေ့ရသော KIA ရဲဘော်များ။ ဓာတ်ပုံ - CJ)
(ရှေ့တန်းတနေရာတွင် တွေ့ရသော KIA ရဲဘော်များ။ ဓာတ်ပုံ - CJ)

▪️စစ်ကောင်စီတပ်စခန်းလေးခု KIA ထပ်မံသိမ်းပိုက်နိုင်ခဲ့ရာ စစ်ဆင်ရေးသုံးရက်အတွင်း စခန်း ၁၂ခုထက်မနည်းရရှိ

▪️ဝိုင်းမော် ရွှေညောင်ပင်အခြေစိုက် ခမရ(၃၂၁) တပ်ရင်းကို ယနေ့ ဆက်လက်ထိုးစစ်ဆင်၊ တိုက်ပွဲပြင်းထန်

ဟန်နွေ/People’s Spring

ကချင်ပြည်နယ် ဝိုင်းမော်မြို့နယ်အတွင်းရှိ စစ်ကောင်စီတပ်စခန်းများကို ကချင်လွတ်လပ်ရေးတပ်မတော်(KIA) ဦးဆောင်သည့် ပူးပေါင်းတပ်ဖွဲ့က ထိုးစစ်ဆင်တိုက်ခိုက်လျက်ရှိရာ စစ်ကောင်စီတပ်စခန်းများကို သိမ်းပိုက်ရရှိထားကြောင်း KIA သတင်းပြန်ကြားရေး တာဝန်ရှိသူနှင့် စစ်ရေးသတင်းရင်းမြစ်တို့က ပြောသည်။

ဝိုင်းမော်၌ ကျန်နေသည့် စစ်ကောင်စီတပ်စခန်းများကို KIAက မေလ ၁၈ရက်တွင် တပြိုင်တည်း ထိုးစစ်ဆင်ခဲ့ခြင်းဖြစ်ပြီး ယနေ့(မေလ ၂၀ရက်)နံ နက်အချိန်ထိ စစ်ကောင်စီတပ်စခန်း ၁၂ခုထက်မနည်း ရရှိထားသည်။

ဝိုင်းမော်မြို့
ဝိုင်းမော်မြို့

“ဝိုင်းမော်မြို့နယ် အောင်မြေ(၁)၊ အောင်မြေ(၂)၊ ခါချီရွာ အဲဒီတကြောလုံးမှာ တိုက်ပွဲဖြစ်တာရှိပါတယ်။ စကစ စစ်သားတွေ ရွာထဲမှာ ဘုန်းကြီးကျောင်းတို့ စာသင်ကျောင်းတို့မှာ သူတို့က နေရာယူထားတာကိုတော့ အကုန်လုံးရှင်းလင်းရေးလုပ်လိုက်ပါပြီ။ အဲဒီ ရပ်ကွက်အတွင်းမှာ မြို့တွင်းမှာကတော့ မရှိသလောက်ဖြစ်နေပြီ။ရွှေညောင်ပင် (၃၂၁) စခန်းကိုလည်း ကျနော်တို့ စစ်ဆင်နေတုန်းဖြစ်ပါတယ်။ နောက် ရွှေညောင်ပင်နားက ကချင်လိုခေါ်တာကတော့ လုံဇက်ဘွမ်ဆိုတဲ့ ပို့စ်တစ်ခုကိုလည်း သိမ်းပိုက်လိုက်ပြီ။ နောက် ကဇူးကိုလည်း မနေ့က သိမ်းပိုက်လိုက်ပြီ။ ဝိုင်းမော်မြို့ ရဲ့ အရှေ့ဘက် တရုတ်နယ်စပ်ဘက်မှာ တပ်စွဲထားတဲ့ ဝါးထောင်ဘွမ်ဆိုတဲ့ နေရာနဲ့ ဗျင်ပိုကောင်ဆိုတဲ့ တပ်စခန်းကိုလည်းမနေ့က အပြီးအပိုင် သိမ်းဆည်းရမိပါပြီ။ နယ်မြေရှင်းလင်းရေးလည်းလုပ်လိုက်ပါပြီ” ဟု KIA သတင်းပြန်ကြားရေးဌာန တာဝန်ခံဗိုလ်မှူးကြီးနော်ဘူက ယနေ့နံနက်တွင် ပြောသည်။

Public Service Announcement

Public Service Announcement

ကျန်နေသေးသည့် စစ်ကောင်စီတပ်စခန်းများကို ဆက်လက် စစ်ဆင်ရေးလုပ်နေ၍ တိုက်ပွဲ ဆက်ဖြစ်နေသည့် အခြေအနေဟု ဗိုလ်မှူးကြီးနော်ဘူက ပြောသည်။

မေလ ၁၈ရက်တွင် စစ်ကောင်စီတပ်စခန်း ၈ခုကို သိမ်းပိုက်ရရှိခဲ့ကြောင်း KIAကအသိပေးထားသည်။ ထို့ပြင် မေလ ၁၉ရက်တွင်လည်း ဗျင်ပိုကောင်စခန်း၊ လိုင်ဖောင်စခန်း၊ ကဇူးစခန်း၊ ခါးရှီးရွာ စခန်းတို့ကို သိမ်းပိုက်နိုင်ခဲ့သည်ဟု စစ်ရေးသတင်းရင်းမြစ်က ပြောသည်။

“ရွှေညောင်ပင်ရွာရှိ ခမရ(၃၂၁)တပ်ရင်း ဌာနချုပ် စခန်းကြီးကို ဆက်လက်ထိုးစစ်ဆင်နေပါတယ်။ဒီမနက် ရွှေညောင်ပင်မှာ တိုက်ပွဲတော်တော် ပြင်းထန်နေပါတယ်”ဟု စစ်ရေးသတင်းရင်းမြစ်က ပြောသည်။

KIA အနေဖြင့် မတ်လ ၇ရက်က စစ်ရှိန်မြှင့်သည့် ထိုးစစ်အတွင်း စစ်ကောင်စီတပ်စခန်း ၇၀ ကျော်သိမ်းပိုက်နိုင်ခဲ့သည်။ မေလဆန်းတွင်လည်း ဂီဒွန်၊ ဆမား၊ ကဂမ် အပါအဝင် စစ်ကောင်စီတပ်စခန်းများ၊ မိုးမောက်၊ မံစီနှင့် ဗန်းမော်ရှိ စစ်ကောင်စီတပ်စခန်းများ၊ရဲစခန်းများကို တပြိုင်တည်း ထပ်မံ ထိုးစစ်ဆင်ခဲ့ရာ စစ်ကောင်စီတပ်စခန်း ၁၀ ခုကျော် သိမ်းပိုက်ရရှိခဲ့ပြီး ယခု စစ်ရှိန်ထပ်မြှင့်သည့် မေလ ၁၈ရက် ထိုးစစ်တွင်လည်း စစ်စခန်း ၁၂ခုထက်မနည်းရရှိထားသည်။ ထို့ကြောင့် စစ်ကောင်စီတပ်စခန်း ၁၀၀ ခန့်ကို KIAက စစ်ဆင်ရေး ၂လခွဲအတွင်းသိမ်းပိုက်ရရှိခဲ့ခြင်းဖြစ်သည်။

ဆက်စပ်သတင်းများ

သတင်း

ဒရုန်းများကို ပိုမိုအသုံးပြုနိုင်လေ စစ်ဆင်ရေးအောင်မြင်စေရန် ပိုမိုအထောက်အကူပြုနိုင်လေဖြစ်ပြီး ရဲဘော်များ ထိခိုက်ဒဏ်ရာရရှိမှုကိုလည်း လျော့ချနိုင်လေဖြစ်သည်ဟု အသိပေးသည်။

သတင်း

တွန်းဇံမြို့သိမ်းတိုက်ပွဲကို ချင်းအမျိုးသားတပ်မတော်(CNA) နှင့် ချင်းကာကွယ်ရေး ပူးပေါင်းတပ်များက မေလ ၁၇ရက်တွင် ဖော်ဆောင်ခဲ့ရာ တစ်ပတ်အတွင်း မြို့ကို သိမ်းနိုင်ခဲ့ပြီး စစ်ကောင်စီတပ်ဖွဲ့ဝင် ၄ဦးခန့် အရှင်ဖမ်းမိကာ လက်နက် ၁၀၀ ကျော်သိမ်းပိုက်ရရှိခဲ့သည်။

သတင်း

စစ်​ကောင်စီဝါဒဖြန့် တယ်လီဟရန်ချန်နယ်များကမူ စစ်တပ်စစ်​ကြောင်းသည် လွိုင်​ကော်မြို့ကိုထိန်းချုပ်နိုင်ပြီဖြစ်​ကြောင်း ဝါဒဖြန့်​နေကြသည်။

သတင်း

ZRA နှင့် စစ်ကောင်စီ အရာရှိပိုင်းအကြား အဆက်အသွယ်ရှိကြောင်း၊ ZRA တပ်ဖွဲ့ဝင်များနှင့် ပြဿနာမဖြစ်စေရန် စစ်ကောင်စီ အရာရှိများက အောက်ခြေကို မှာထားကြောင်း ပြောသည်။