Connect with us

Hi, what are you looking for?

LuduNwayOo

သတင်း

ပုလဲမြို့ကို တော်လှန်ရေးတပ်ဖွဲ့များစီးနင်းတိုက်ခိုက်ပြီး မြို့ကိုနာရီပိုင်းကြာ ထိန်းချုပ်

ပြည်သူ့လွတ်မြောက်ရေးတပ်မတော်(PLA)နှင့် ပူးပေါင်းတပ်များသည် ဇွန်လ ၂၇ ရက်ကလည်း ဘုတလင်မြို့ပေါ်ရှိ စစ်ကောင်စီအထိုင်စခန်း ၅ ခုအား သွားရောက်တိုက်ခိုက်ခဲ့သေးသည်။

(ပုလဲမြို့ပေါ် စစ်ကောင်စီတပ်စွဲရာနေရာများအား PDFများတိုက်ခိုက်နေစဥ်။ ဓာတ်ပုံ - File Video)
(ပုလဲမြို့ပေါ် စစ်ကောင်စီတပ်စွဲရာနေရာများအား PDFများတိုက်ခိုက်နေစဥ်။ ဓာတ်ပုံ - File Video)

▪︎ပျူ​စောထီးအမျိုးသမီး ၂ ဦးကိုဖမ်းမိပြီး၊ စစ်​ဆေးရန်မြို့နယ် ပကဖ သို့လွှဲ​ပြောင်း​ပေး

ဇေအောင်၊မိထက်/People’s Spring

စစ်ကိုင်းတိုင်း ပုလဲမြို့ရှိ စစ်ကောင်စီစခန်းများကို တော်လှန်ရေးတပ်ဖွဲ့များက စီးနင်းတိုက်ခိုက်ခဲ့ပြီး မြို့ကို နာရီပိုင်းအကြာ ထိန်းချုပ်ခဲ့သည်။

ဇူလိုင် ၇ရက် နံနက်တွင် ပြည်သူ့လွတ်မြောက်ရေးတပ်မတော်(PLA)၊မြန်မာနိုင်ငံလုံးဆိုင်ရာကျောင်းသားများဒီ​မိုကရက်တစ်တပ်ဦး(ABSDF)၊ ဗမာ့လွတ်မြောက်ရေးဒီမိုကရက်တစ်တပ်ဦး(BLDF)၊ဒေါင်းနက်-နယ်စည်းမခြားပြောက်ကျားတပ်ဖွဲ့ နှင့် ရပ်ရွာတော်လှန်ရေးတပ်ဖွဲ့ဝင်ပူးပေါင်းတပ်များက ပုလဲမြို့ရှိ မြို့နယ်အထွေထွေအုပ်ချုပ်ရေးမှူးရုံး၊ ရဲစခန်းအပါအဝင် စစ်ကောင်စီတပ်စွဲရာ နေရာများကို တပြိုင်းတည်း ဝင်ရောက်စီးနင်းတိုက်ခိုက်ခဲံခြင်းဖြစ်​ကြောင်း PLA ကထုတ်ပြန်သည်။

(ပုလဲမြို့ပေါ် စစ်ကောင်စီတပ်စွဲရာနေရာများအား PDFများတိုက်ခိုက်နေစဥ်။ ဓာတ်ပုံ - File Video)
(ပုလဲမြို့ပေါ် စစ်ကောင်စီတပ်စွဲရာနေရာများအား PDFများတိုက်ခိုက်နေစဥ်။ ဓာတ်ပုံ – File Video)

” မြို့ရဲ့တောင်ဘက်နဲ့ မြောက်ဘက်မှာရှိတဲ့ စခန်းနှစ်ခုကို ဝင်တိုက်တာ။ ပြည်သူ့စစ်နှစ်ယောက်ဖမ်းမိလာတယ်။ စစ်ဆေးစရာတွေရှိတာမို့ ပကဖကို ပြန်အပ်ထားပါတယ်”ဟု ပုလဲမြို့နယ်ပြည်သူ့အုပ်ချုပ်ရေးအဖွဲ့တာဝန်ခံ ဦးဇော်ထက်က ပြောသည်။

Public Service Announcement

Public Service Announcement

ပုလဲမြို့နယ်အထွေထွေအုပ်ချုပ်ရေးမှူးရုံးနှင့် ရဲစခန်းများအား ဝင်ရောက်တိုက်ခိုက်ခဲ့ခြင်းဖြစ်ပြီး အမျိုးသမီးပြည်သူ့စစ်(ပျူစောထီး)အဖွဲ့ဝင် ၂ ဦး ဖမ်းဆီးရမိကြောင်း အနောက်မြောက်စစ်ဒေသ-အမှတ်(​၈၁၅)တပ်ဖွဲ့၏ ပြောရေးဆိုခွင့်ရှိသူ ကိုမြင့်နိုင်က ပြောသည်။

“ဘန်ကာတွေဘာတွေတော့ဖြိုနိုင်တယ်။ ရှေ့တခေါက်တွေနဲ့မတူတဲ့ ရန်သူ့စခန်းနဲ့အနီးကပ်ဆုံး မီတာတစ်ရာအကွာလောက်အထိ ကပ်ပြီးတော့ပစ်နိုင်ခဲ့တယ်။ လောလောဆယ်အထဲမှာရှိတဲ့သူတွေရဲ့ထိခိုက်မှုတော့ စုံစမ်းလို့မရသေးဘူး”ဟု ကိုမြင့်နိုင်က ရှင်းပြသည်။

တိုက်ပွဲမှာ ၃နာရီခန့်ကြာမြင့်ခဲ့ပြီး ပုလဲမြို့အား ၂နာရီကျော်ထိန်းချုပ်နိုင်ခဲ့သည်ဟု ဒေသတွင်းတပ်ပေါင်းစုများက ပြောသည်။

“ဖမ်းမိတာ အမျိုးသမီးတွေပါ။ တိုက်ပွဲတွင်းကနေထွက်လာကြတာ။ ထွေအုပ်ရုံးထဲမှာရှိတဲ့စစ်သားတွေကို ထောက်တိုင်ပြုနေတဲ့သူတွေ။ ပုလဲမြို့မှာ ပြည်သူ့စစ်တို့ပျူစောထီးတို့​နေတာ နာမည်ကြီးတဲ့ ရပ်ကွက်ကလူတွေဖြစ်နေတယ်။”ဟု ကိုမြင့်နိုင်က ပြောသည်။

ABSDF-Column 3 ပြန်ကြားရေးတာဝန်ခံက ” ရုံးတွေကို စီးနင်းပြီး ထိန်းချုပ်နိုင်ခဲ့ပါတယ်။ဒါပေမဲ့အခြေအနေအရ ပြန်ဆုတ်ခဲ့ကြပါတယ်”ဟု ပြောသည်။

(ပုလဲမြို့ပေါ် စစ်ကောင်စီတပ်စွဲရာနေရာများအား PDFများတိုက်ခိုက်နေစဥ်။ ဓာတ်ပုံ - File Video)
(ပုလဲမြို့ပေါ် စစ်ကောင်စီတပ်စွဲရာနေရာများအား PDFများတိုက်ခိုက်နေစဥ်။ ဓာတ်ပုံ – File Video)

တိုက်ပွဲအတွင်း စစ်ကောင်စီ၏ ဘန်ကာအချို့ ရရှိခဲ့ပြီး အရှင်ဖမ်းမိထားသည့် ပြည်သူ့စစ် နှစ်ဦးအား ပုလဲမြို့နယ်ပြည်သူ့ကာကွယ်ရေးတပ်ဖွဲ့က ဆက်လက် စစ်ဆေးနေဆဲဖြစ်သည်။

ထိုစစ်ဆင်​ရေးကို ပြည်သူ့လွတ်မြောက်ရေးတပ်မတော်(PLA)၏ အနောက်မြောက်စစ်ဒေသ-အမှတ်(​၈၁၅)တပ်ဖွဲ့ ၊ မြန်မာနိူင်ငံလုံးဆိုင်ရာကျောင်းသားများဒီ​မိုကရက်တစ်တပ်ဦး(ABSDF)-Column 3 တပ်ရင်း ၁၄(ချင်းတွင်းဒေသ)၊ဗမာ့လွတ်မြောက်ရေးဒီမိုကရက်တစ်တပ်ဦး(BLDF)၊ဒေါင်းနက်-နယ်စည်းမခြားပြောက်ကျားတပ်ဖွဲ့ နှင့် ရပ်ရွာတော်လှန်ရေးတပ်ဖွဲ့ဝင်များပူးပေါင်းကာ တိုက်ခိုက်ခဲ့ခြင်းဖြစ်သည်။ဗမာ့လွတ်မြောက်ရေးဒီမိုကရက်တစ်တပ်ဦး – BLDF ကို မုံရွာမြို့နယ် ပြည်သူ့ကာကွယ်ရေးတပ်ဖွဲ့ Monywa People Defence Force(MPDF)မှတဆင့် တပ်ခွဲ ၆ ခုဖြင့်၂၀၂၂ ခုနှစ်အစပိုင်းတွင် ပြောင်းလဲဖွဲ့စည်းခဲ့သည်။

ပြည်သူ့လွတ်မြောက်ရေးတပ်မတော်(PLA)နှင့် ပူးပေါင်းတပ်များသည် ဇွန်လ ၂၇ ရက်ကလည်း ဘုတလင်မြို့ပေါ်ရှိ စစ်ကောင်စီအထိုင်စခန်း ၅ ခုအား သွားရောက်တိုက်ခိုက်ခဲ့သေးသည်။

ဆက်စပ်သတင်းများ

သတင်း

စဉ့်ကူးမြို့တိုက်ပွဲတွင် ဧရာဝတီမြစ်အတွင်း ဆီပုံးများဖြင့် ထွက်ပြေးသွားသော ဗိုလ်အဆင့်အရာရှိနှစ်ဦးအပါအဝင် စစ်ကောင်စီတပ်ဖွဲ့ဝင် ခုနစ်ဦးကို ယမန်နေ့(ဇူလိုင် ၁၈ရက်)ညနေက ဖမ်းမိထားသည်။

သတင်း

မန္တလေးတိုင်း၊ မြင်းခြံ​မြို့အထွက် မြင်းခြံ - တောင်သာလမ်းပိုင်းရှိ တိုးဂိတ်၌ တပ်စွဲထားသော စစ်ကောင်စီတပ်သားများ တိုက်ခိုက်ခံရမှုအတွင်းစစ်အုပ်စုဝင်များ ထိခိုက်သေဆုံးမှာရှိကြောင်း ဒေသကာကွယ်ရေးအဖွဲ့များက ဇူလိုင် ၁၇ရက်တွင် သတင်းထုတ်ပြန်သည်။

သတင်း

ကရင်အမျိုးသားကာကွယ်ရေးတပ်ဖွဲ့သည် တော်လှန်ရေး၏ ကျောရိုးဖြစ်စေပြီး KNU၏ နိုင်ငံရေးလှုပ်ရှားဆောင်ရွက်မှု ပိုမိုအားကောင်းခိုင်မာလာစေရန် ရည်ရွယ်ဖွဲ့စည်းခဲ့ခြင်းဖြစ်သည်။

သတင်း

စစ်ကိုင်းတိုင်း၊ ရွှေဘိုမြို့နယ်၊ ညောင်ကိုင်းပျူစောထီးရွာအနီးတွင် ကင်းစောင့်ရန်ထွက်လာသော စစ်အုပ်စုဝင်များအား ပစ်ခတ်တိုက်ခိုက်ရာ လေးဦးသေဆုံးပြီး သေနတ်၂လက်နှင့် ခဲယမ်းများသိမ်းဆည်းနိုင်ခဲ့ကြောင်း ဗိုလ်ကျားရိုင်း ပြည်သူ့ကာကွယ်ရေးတပ်ဖွဲ့ - ရွှေဘို၏ ပြန်ကြားရေးတာဝန်ခံက ပြောသည်။