ထားမြတ်/People’s Spring
ရှမ်းပြည်နယ်မြောက်ပိုင်း လားရှိုးမြို့နှင့်သိန္နီမြို့ကို စစ်ကောင်စီက ယနေ့ ညနေပိုင်း၌ လေကြောင်းတိုက်ခိုက်ခဲ့ကြောင်း စစ်ရေးသတင်းရင်းမြစ်က ပြောသည်။
ဇူလိုင် ၂၅ရက် ညနေပိုင်းတွင် လေကြောင်း တိုက်ခိုက်မှုကြောင့် အဆောက်အအုံထိခိုက် ပျက်စီးမှုများ ရှိခဲ့ပြီး လူထိခိုက်သေဆုံးရှိ၊မရှိ ဆက်လက်စုံစမ်းနေဆဲဖြစ်သည်။
Public Service Announcement
“လားရှိုးက အခုလေးတင် လေယာဉ် ဗုံးကြဲသွားတယ်။ သိန္နီလည်း အခုပဲကြဲသွားတယ်တဲ့။ သိန္နီ ရှင်းလီဟိုတယ် ထိသွားတယ်။ လမ်းတွေလည်း ပျက်စီးကုန်ပြီတဲ့။ထိခိုက်မှုတော့ မသိလောက်ဘူး။ နေရာဝေးတယ်။ သိန္နီမှာက ရဲစခန်းမှာလည်း ထိတယ်တဲ့”ဟု သတင်းရင်းမြစ်က ပြောသည်။
သိန္နီမြို့ကို ကိုးကန့်တပ်မတော်(MNDAA)က သိမ်းပိုက်ထားခြင်းဖြစ်ပြီး လားရှိုးမြို့ကိုလည်း သိမ်းနိုင်ပြီ ဖြစ်ကြောင်း MNDAAက ယနေ့ မနက်တွင် ကြေညာထားသည်။
သို့ရာတွင် လားရှိုးမြို့၌ တိုက်ပွဲများဆက်ဖြစ်နေကြောင်း ဒေသသတင်းရင်းမြစ်နှင့် စစ်ရေးသတင်းရင်းမြစ်တို့က ပြောသည်။
MNDAAက လားရှိုးမြို့ကို ဇူလိုင် ၃ရက်က စတင်ထိုးစစ်ဆင်ခဲ့ပြီးသည့်နောက်ပိုင်းစစ်ကောင်စီက တိုက်ပွဲဖြစ်ပွားမှုမရှိသည့် သိန္နီကို လေကြောင်း တိုက်ခိုက်မှုမကြာခဏ လုပ်ဆောင်ခဲ့၍ အရပ်သားထိခိုက်မှုများ ရှိခဲ့သည်။
(လားရှိုးမြို့ တနေရာ လေကြောင်းတိုက်ခိုက်ခံရပြီး တွေ့ရစဉ်။ ဓာတ်ပုံ – CJ
