သုည/People’s Spring
အမေရိကန်နိုင်ငံ နယူးယောက်မြို့ရောက်မြန်မာများ စုပေါင်း၍ နွေဦးတော်လှန်ရေးအား နည်းလမ်းမျိုးစုံဖြင့် နှောက်ယှက်ဟန့်တားနေသော တရုတ်အစိုးရအား ကန့်ကွက်ရှုံ့ချကြောင်းကို ယနေ့ (ဇူလိုင် ၃၁) ဆန္ဒပြခဲ့ကြသည်။
ယင်းဆန္ဒပြပွဲကို နယူးယောက်မြို့ရှိ ကုလသမဂ္ဂဆိုင်ရာ တရုတ်အမြဲတမ်းကိုယ်စားလှယ်ရုံး (China Mission)ရှေ့တွင် ပြုလုပ်ခဲ့ပြီး The New York City Burmese Community (NYCBC) နှင့် မြန်မာ့အရေးတက်ကြွလှုပ်ရှားသူများ ပူးပေါင်းပါဝင်ခဲ့ကြသည်။
Public Service Announcement
အဆိုပါဆန္ဒပြပွဲတွင် မြန်မာများက “ကိုယ်အိမ်ကိုယ်ပြန်တဲ့လမ်း ဘယ်သူမှ တားဆီးခွင့်မရှိ” ၊ “တို့နိုင်ငံအနာဂတ် ပြည်သူတွေ ကိုယ်တိုင် ဆုံးဖြတ်မယ်” ၊ “ပြည်သူ့တော်လှန်ရေး ဘယ်ပွဲစားမှ ကြေးဖြတ်ခွင့်မရှိ အရာရာဟာ ပြည်သူ့သဘောထားအတိုင်း ဖြစ်ရမယ်” ၊ “Our way back home is unstoppable” ၊”The future of our nation is in our hands”၊ “The people’s revolution is not for sale” ၊”The people’s will shall prevail” စသည့်ကြွေးကြော်သံများ ဟစ်ကြွေးကာ ဆန္ဒပြသခဲ့ကြသည်။
ထို့အပြင် တရုတ်မစ်ရှင်ရုံးနှင့်တကွ သက်ဆိုင်သည့်ဌာနများကိုလည်း အိတ်ဖွင့်ပေးစာများ ပေးပို့ခဲ့ကြောင်း NYCBCက ဆိုသည်။
