Connect with us

Hi, what are you looking for?

သတင်း

ရေစကြိုတွင် စစ်ကောင်စီစစ်ကြောင်း တိုက်ခိုက်ခံရပြီး ခဲယမ်းအချို့ သိမ်းဆည်းရရှိ

မကွေးတိုင်း၊ ရေစကြိုမြို့နယ်တွင် စစ်ကောင်စီစစ်ကြောင်းအား ရေစကြိုပကဖအဖွဲ့က တိုက်ခိုက်ခဲ့ရာ စစ်အုပ်စုဝင် (၄)ဦးသေဆုံးပြီး ခဲယမ်းအချို့ သိမ်းဆည်းရရှိခဲ့​ကြောင်း အဖွဲ့မှတာဝန်ရှိသူက​ပြောသည်။

သိမ်းဆည်းရမိခဲ့သော ခဲယမ်းများအားတွေ့ရစဥ်။ ဓာတ်ပုံ-ရေစကြိုပကဖ

ဟာနာဆန်/People’s Spring

မကွေးတိုင်း၊ ရေစကြိုမြို့နယ်တွင် စစ်ကောင်စီစစ်ကြောင်းအား ရေစကြိုပကဖအဖွဲ့က တိုက်ခိုက်ခဲ့ရာ စစ်အုပ်စုဝင် (၄)ဦးသေဆုံးပြီး ခဲယမ်းအချို့ သိမ်းဆည်းရရှိခဲ့​ကြောင်း အဖွဲ့မှတာဝန်ရှိသူက​ပြောသည်။

ယမန်နေ့ (ဇူလိုင်၃၀ရက်) နံနက်(၈)နာရီခွဲခန့်က ပခုက္ကူမြို့နယ် တပ်မ(၁၀၁)မှ စစ်​ကောင်စီတပ်များနှင့် ရေစကြိုမြို့နယ်၊ ဟင်္သာပျူကျေးရွာမှ ပျူ​စောထီးများ စုစုပေါင်း အင်အား(၆၀)ခန့်ဖြင့် စစ်ကြောင်းထိုးလာရာ ကိုရင့်ကျေးရွာနှင့် ကိုရင့်ကျွန်းကြားအရောက်တွင် အသင့်စောင့်၍ တိုက်ခိုက်ခဲ့ကြောင်းသိရသည်။

Public Service Announcement

Public Service Announcement

ထို့နောက် မနက်ပိုင်းတစ်ပိုင်းလုံး အပြန်အလှန်ပစ်ခတ်ခဲ့ကြပြီး နံနက်(၁၁)နာရီခွဲခန့်တွင် တိုက်ပွဲပြီးဆုံးခဲ့ကြောင်း၊ ထိုစစ်ကြောင်းမှ ပျူစောထီးဟုယူဆရသူ (၄)ဦးသေဆုံးပြီး ထိခိုက်ဒဏ်ရာများလည်း ရရှိသွားကြောင်း ရေစကြိုပကဖအဖွဲ့ ပြန်ကြားရေးတာဝန်ခံက ပြောသည်။

“အဲဒီစစ်ကြောင်းက ပခန်းငယ်ဘက်တက်မယ်လို့ယူဆတယ်။အဲဒီမှာစောင့်ပြီး တိုက်ခိုက်နိုင်ခဲ့တာ။ လေးကောင်သေတယ်။ လေးကောင်ပြင်းထန်ဒဏ်ရာရတယ်။ ရှင်းလင်းရေးသွားတဲ့အချိန်မှာ ခဲယမ်းတွေရတယ်။”ဟု ရေစကြိုပကဖအဖွဲ့ ပြန်ကြားရေးတာဝန်ခံက ပြောသည်။

စစ်​ကောင်စီတပ်စစ်ကြောင်းမှ ကာဘိုင်ကျည် (၂၀၀)၊ ကာဘိုင်ကျည်(၂)ဘောက်၊ (၄၀)မမဗုံးသီး တစ်လုံး၊ G3ကျည်ဘောက်တစ်ဘောက်၊ AK ကျည်(၂)ဘောက် ၇.၆၂မမကျည်(၂၀)တို့သိမ်းဆည်းရမိခဲ့ကြောင်း ရေစကြိုပကဖအဖွဲ့က ထုတ်ပြန်သည်။

ထိုစစ်ကြောင်းမှာ ဟင်္သာပျူကျေးရွာထဲသို့ပြန်လည်ဝင်ရောက်သွားပြီး ပြည်သူ့ကာကွယ်ရေးရဲဘော်များ အထိခိုက်မရှိ ပြန်လည်ဆုတ်ခွာနိုင်ခဲ့ကြောင်း ၎င်းက​ပြောသည်။

ဆက်စပ်သတင်းများ

သတင်း

မကွေးတိုင်း၊ရေစကြိုမြို့နယ်၊ဇီးတောပြည်သူ့စစ်စခန်းက ထွက်လာတဲ့ ပြည်သူ့စစ်ခေါင်းဆောင်ဝင်းမြင့်အောင်နဲ့ တပည့်ဖြစ်သူတို့ ပစ်ခတ်ခံရပြီး သေဆုံးကာ လက်နက်သုံးလက်ရရှိတယ်လို့ ပြည်သူ့ကာ ကွယ်ရေးတပ်ဖွဲ့ရေစကြိုမြို့နယ်ကဒီကနေ့(နိုတင်ဘာ ၁) ထုတ်ပြန်ပါတယ်။

သတင်း

မကွေးတိုင်း၊ ရေစကြိုမြို့နယ်မှာ တိုက်ပွဲဖြစ်ပြီး ဇီးတောကျေးရွာ ပြည်သူ့စစ်ခေါင်းဆောင်အပါအ၀င် သေဆုံးသူများပြီး လက်နက်ခဲယမ်းတချို့သိမ်းရတယ်လို့ ဒေသခံနဲ့ စစ်ရေးသတင်းရင်းမြစ်တွေက ပြောပါတယ်။

သတင်း

မကွေးတိုင်း၊ ရေစကြိုမြို့နယ်၊ သစ်ကြီးတောရွာ လေကြောင်းတိုက်ခိုက်မှုမှာ အသက် တစ်နှစ်ခွဲကလေးငယ်ကနေ အသက် ၈၀ အရွယ် အဘွားအိုအထိ ပါဝင်ပြီး သေဆုံးခဲ့သူ ၁၂ ဦးရဲ့ အချက်အလက်တွေကို ရေစကြိုသတင်းအချက်အလက်ကော်မတီက ထုတ်ပြန်လိုက်ပါတယ်။

ဆောင်းပါး

အောက်တိုဘာလ ၁၆ ရက်နေ့ နေ့လယ်ပိုင်းက မကွေးတိုင်း၊ ရေစကြိုမြို့နယ်မြောက်ပိုင်းက သစ်ကြီးတောဆိုတဲ့ ရွာလေးတစ်ရွာဟာ သာမန်နေ့တွေလိုပဲအမွှေးတိုင်လုပ်သူကလုပ်၊ အိမ်အလုပ် လုပ်သူကလုပ်နဲ့ ဖြတ်သန်းနေကြတယ်။ သစ်ကြီးတောရွာဟာ နာလန်ထတာ သိပ်မကြာသေးဘူးရယ်။ တခြားအညာဒေသက ရွာတွေလိုပဲ သစ်ကြီးတောဟာ အာဏာသိမ်းစစ်တပ်ရဲ့ အကြမ်းဖက်မှု​တွေကို ခံခဲ့ရတယ်။

Facebook