ရဲခေါင်/People’s Spring
အရှေ့အလယ်ပိုင်းတိုင်းစစ်ဌာနချုပ်(ခိုလမ်) သို့ လက်ရုံးတပ်များ စစ်ကောင်စီက အင်အားဖြည့်နေကြောင်း တပ်တွင်းသတင်းရင်းမြစ်က လူထုနွေဦးသို့ ပြောသည်။
ရလခ(ခိုလမ်) ကို အင်အားဖြည့်တင်းခြင်းသည် မကြာသေးမီက ကျသွားခဲ့သော အရှေ့မြောက်တိိုင်း(ရမခ)လားရှိုးသို့ စစ်အင်အားဖြည့်တင်းရန် သို့မဟုတ် ရလခပါအ တိုက် ခံရပါကခုခံရန် ကြိုတင်ပြင်ဆင်ခြင်းဖြစ်နိုင်သည်ဟု တပ်တွင်းသတင်းရင်းမြစ်အချို့ကပြောသည်။
တောင်ကြီး ရပခ(အရှေ့ပိုင်းတိုင်းစစ်ဌာနချုပ်)လက်အောက်ရှိ လက်ရုံးတပ်များထဲမှ ဆသရ(ဆက်သွယ်ရေးတပ်)၊ဆအတ(ဆောက်လုပ်ရေးအင်ဂျင်နီယာတပ်)နှင့် အဆရ (အဆင့်မြင့်ဆက်သွယ်ရေးတပ်ရင်း)များကို ရလခ သို့ရွှေ့နေခြင်းဟု သိရသည်။
Public Service Announcement
“တိုင်းတွေထဲမှာ ရလခ က စစ်မဲ့ဇုန် ဖြစ်နေတာပဲ သိကြတာပေါ့။တကယ်သာ တိုက်လာခဲ့ရင် ခိုလမ် မှာအခြေစိုက်တပ် အင်အားထက် လက်နက်ကိုင်အင်အားက ပိုများနေတယ်။ရမခ လိုမျိုးသာ တကယ် တိုက်လာခဲ့ရင် တိုင်းတစ်တိုင်းလုံးပျောက်သွားမှာ”ဟု အထက်ပါတပ်တွင်းသတင်းရင်းမြစ်က ရှင်းပြသည်။
ရလခ (ခိုလမ်)ကို ၂၀၁၂ ခုနှစ်တွင် စစ်တပ်က စတင်ဖွဲ့စည်းအခြေစိုက်ခဲ့ခြင်းဖြစ်ပြီး ထိုဒေသတွင် ရှမ်းပြည်တိုးတက်ရေးပါတီ SSPP/SSA နှင့် ရှမ်းပြည်ပြန်လည်ထူထောင်ရေးကောင်စီ RCSS/SSA တို့ စစ်ရေးလှုပ်ရှားမှုများ ရှိ နေသည်။
သို့သော် စစ်တပ်အာဏာသိမ်းပြီးနောက်ပိုင်းလက် နက်ကိုင်နှစ်ဖွဲ့ဖြစ်သော SSPP နှင့် RCSS တို့သည် စစ် ကောင်စီကို တိုက်ခိုက် ခြင်းမရှိဘဲ ၎င်းတို့နှစ်ဖွဲ့ ကြားတွင်သာ တိုက်ပွဲများ မကြာခဏဖြစ်ခဲ့သည်။ အထူးသဖြင့် RCSS/SSA သည်
စစ်ကောင်စီ ၏ ဆွေးနွေးပွဲများကိုပုံမှန်တက်ရောက်ပြီး စစ်ကောင်စီနှင့် ပုံမှန်ထိတွေ့နေသောအဖွဲ့ဖြစ်သည်။ရှမ်းတပ် နှစ်ဖွဲ့ဖြစ်သော RCSS နှင့် SSPP တို့သည် အပစ်ရပ် သဘောတူပြီးနောက်ပိုင်းတွင်ပင် နှစ်ဖက်တပ်များကြားတိုက်ပွဲငယ်များဖြစ်ပွားခဲ့သေးသည်။
လားရှိုး(ရမခ)အလုံးစုံ မကျရှုံးမီ ဇူလိုင်လ ၃၀ ရက်ကအရှေ့အလယ်ပိုင်းတိုင်းစစ်ဌာနချုပ် (ရလခ) မှ တိုင်းစစ်ဦးစီး ဗိုလ်မှူးချုပ်သန်းထွန်းအောင်ဦးစီးသည့် စစ် ကူယာဥ်တန်းကို တန့်ယန်း နှင့် လားရှိုးမြို့ကြားတွင် MNDAA နှင့် ပူးပေါင်းအဖွဲ့က ကြားဖြတ်တိုက်ခိုက်ခဲ့ပြီး စစ်ကောင်စီတပ်သား ရာနှင့်ချီသေဆုံးဒဏ်ရာရရှိ ခဲ့သည်။
စစ်တပ်၏ စစ်အတိုက်ရဆုံးတိုင်းစစ်ဌာနချုပ်တစ်ခုဖြစ်သော ရမခ(လားရှိုး)ကို သြဂုတ် ၃ ရက်တွင် MNDAA ဦးဆောင်သော ပူးပေါင်းတပ်များက အပြီးသတ် သိမ်းပိိုက်ခဲ့ရာတွင် စစ်ကောင်စီ၏ ဗိုလ် ချုပ်၊ဗိုလ်မှူးချုပ်အဆင့်ရှိသူများကို ဖမ်းမိခဲ့ပြီး စစ်ကောင်စီ တပ်သား ရာနှင့်ချီ လက်နက်ချအညံ့ခဲ့သည်။
ရမခ နှင့် ရလခ တို့မှာအမှတ် (၂)စစ်ဆင်ရေးအထူးအဖွဲ့ (ကစထ ၂ )လက်အောက်တွင်ရှိသည်။
ကစထ-၂ သည် ရှမ်းပြည်နယ်မှအရှေ့ပိုင်းတိုင်းစစ်ဌာနချုပ် (တောင်ကြီး)-၊ တြိဂံဒေသတိုင်းစစ်ဌာနချုပ် (ကျိုင်းတုံ)၊အရှေ့မြောက်တိုင်းစစ်ဌာနချုပ် (လားရှိုး)နှင့်အရှေ့အလယ်ပိုင်းတိုင်းစစ်ဌာနချုပ် (ခိုလမ်)တို့ကို ကွပ်ကဲရခြင်းဖြစ်သည်။ရမခ ကျပြီးနောက် ကစထ (၂) မှူး
ဒုဗိုလ်ချုပ်ကြီးနိုင်နိုင်ဦးအားရာထူးမှ ထုတ်ပယ်ပြီးစစ်ကောင်စီ ပြည်ထဲရေးဝန်ကြီးဌာန ဒုတိယဝန်ကြီးနှင့် ရဲချုပ် တာဝန်ထမ်းဆောင်ခဲ့သောဒုတိဗိုလ်ချုပ်ကြီး နီလင်းအောင်ကို စစ်ကောင်စီကခန့်အပ်ထားကြောင်း သိရသည်။
