(၃၆)နှစ်မြောက် ရှစ်လေးလုံး ပြည်သူ့ဒီမိုကရေစီအရေးတော်ပုံ အထိမ်းအမှတ်အဖြစ် ရန်ကုန် သပိတ်အင်အားစုများက အထွေထွေအကျပ်အတည်းဖြေရှင်းရေးနဲ့ စစ်အာဏာရှင် စနစ် (စစ်သုံးစစ်) အမြစ်ဖြတ်ရေး လူထုလှုပ်ရှားမှု ဒီကနေ့ ပြုလုပ်ခဲ့ပါတယ်။
ရန်ကုန်သပိတ်အင်အားစုတွေက ဒီကနေ့ ဩဂုတ် ၆ ရက်မှာ ရှစ်လေးလုံး ပြည်သူ့ဒီမိုကရေစီအရေးတော်ပုံ (၃၆)နှစ်ပြည့် အထိမ်းအမှတ်အဖြစ် ရန်ကုန်မြို့မှာ “မပြီးဆုံးသေးတဲ့ ၈ လေးလုံး လူထုလွတ်မြောက်ရေး ဒို့အတူရုန်း”၊ “The Future of Our Nation is in Our hand”၊ “ရပ်တန့်၍မရ” စာသားပါ ဘန်နာတွေ ကိုင်စွဲပြီး ပြည်သူလူထုတရပ်လုံး ကြုံတွေ့ခံစားနေရတဲ့ အထွေထွေအကျပ်အတည်းဖြေရှင်းရေးနဲ့ စစ်အာဏာရှင်စနစ် (စစ်သုံးစစ်) အမြစ်ဖြတ်ရေးဆိုင်ရာ လှုံ့ဆော်လှုပ်ရှားမှုတရပ်ကို ရန်သူ့ဖိနှိပ်မှု တင်းကျပ်နေတဲ့ကြားက ပြုလုပ်ခဲ့ပါတယ်။
