ရဲခေါင်/People’s Spring
ရှမ်းပြည်နယ်၊လားရှိုးမြို့သိမ်းတိုက်ပွဲမှာ ပါဝင်တိုက် ခိုက်ခဲ့ကြောင်း စစ်ကိုင်းတိုင်း ယင်းမာပင်မြို့နယ်အခြေစိုက် Yoma Fighter PDF တာဝန်ရှိသူက လူထုနွေဦးသို့ ပြောသည်။
“ကျွန်တော်တို့ ဟာ ယင်းမာပင်ခရိုင်တပ်ရင်း ၃၄ NUG ကာကွယ်ရေးဝန်ကြီးဌာန(MOD)ရဲ့ အောက်ကတပ်ရင်းဖြစ်ပါတယ်။MNDAA ကို ရောက်ရတာကတော့ MOD ရဲ့ ချိတ်ဆက်ညွှန်ကြားမှု့နဲ့ တစ်နိုင်ငံလုံးမှာ စစ်အာဏာရှင်စနစ် အမြစ်ပြတ်ချေမှုန်းနိုင်ရေးအတွက် ကျရာနေရာကနေ တာဝန်ထမ်းဆောင်ဖို့အတွက်ဖြစ်ပါတယ်”ဟု အထက်ပါတာဝန်ရှိသူက လားရှိုးမြို့သိမ်းတိုက်ပွဲ၌ ပါဝင်ဖြစ်ခဲ့သည်ကို ရှင်းပြ သည်။
တိုင်းရင်းသားလက်နက်ကိုင် EAO များနှင့် တိုက်ပွဲ အတူဝင်ရောက်ရာမှ အတွေ့အကြုံနှင့်စစ်လက်နက် အထောက်အပံ့များရရှိမည်ဟုလည်း အသိပေးသည်။
Public Service Announcement
အရှေ့မြောက်တိုင်းစစ်ဌာနချုပ် ထိုးစစ်ဆင်သိမ်းပိုက်စဥ်အတွင်း ဟိုယရွာအနီး တိုက်ပွဲ၌ Yoma Fighter PDF အဖွဲ့မှ ရဲဘော်ခင် မောင်မောင်(ခ)ချဲလေးမြင့်မြတ်စွာ ကျဆုံးခဲ့သည်ဟု အဖွဲ့မှသိရသည်။
စစ်တပ်၏ တိုင်းစစ်ဌာနချုပ်တစ်ခုဖြစ်သော ရမခ (လားရှိုး)ကို သြဂုတ် ၃ ရက်တွင် MNDAA ဦးဆောင်သော ပူးပေါင်းတပ်များက အပြီးသတ်သိမ်းပိိုက်ခဲ့ရာတွင် စစ်ကောင်စီ၏ ဗိုလ် ချုပ်၊ဗိုလ်မှူးချုပ်အဆင့်ရှိသူများကို ဖမ်းမိခဲ့ပြီး စစ်ကောင်စီ တပ်သား ထောင်နှင့် ချီ လက်နက်ချအညံ့ခဲ့သည်။
ရမခ ကျပြီးနောက် ကစထ (၂) မှူး ဒုဗိုလ်ချုပ်ကြီးနိုင်နိုင်ဦးအားရာထူးမှ ထုတ်ပယ်ပြီးစစ်ကောင်စီ ပြည် ထဲရေးဝန်ကြီးဌာန ဒုတိယဝန်ကြီးနှင့် ရဲချုပ် တာဝန်ထမ်းဆောင်ခဲ့သောဒုတိဗိုလ်ချုပ်ကြီး နီလင်းအောင်ကိုစစ်ကောင်စီကခန့်အပ်ထားကြောင်းသိရသည်။
