ထားမြတ်/People’s Spring
ညီနောင်မဟာမိတ်များ၏ စစ်ဆင်ရေးကြောင့် ဇွန်လ ၂၅ရက်မှ လက်ရှိအချိန်ထိ ရှမ်းပြည်တိုးတက်ရေးပါတီ(SSPP/SSA) ထိန်းချုပ် လှုပ်ရှားရာနယ် မြေဒေသအတွင်း ရောက်ရှိခိုလှုံလာကြသည့် စစ်ဘေးရှောင်ပြည်သူ စုစုပေါင်း (၁၄၀၀၀) ကျော် ရှိကြောင်း SSPP က သတင်းထုတ်ပြန်သည်။
SSPP ဌာနချုပ်သို့ ရောက်ရှိလာကြသည့် စစ်ဘေးရှောင်များကို SSPP/SSA မှ စားနပ်ရိက္ခာများ သွားရောက်ကူညီထောက်ပံ့ပေးသည့် သတင်းဖော်ပြရာ၌ အထက်အတိုင်း အသိပေးခဲ့ခြင်းဖြစ်သည်။
Public Service Announcement
ပြီးခဲ့သည့် ဇွန်လ ၂၅ ရက်နေ့မှ စတင်ခဲ့သည့် စစ်ကောင်စီတပ်နှင့် ညီနောင်မဟာမိတ် တပ်များဖြစ်ကြသော တအာင်းတပ်ဖွဲ့ (TNLA) ၊ကိုးကန့်တပ်ဖွဲ့ (MNDAA) တို့အကြား တိုက်ပွဲများသည် သြဂုတ်လ (၇) ရက်နေ့ အထိ စစ်ရေး ပြင်းထန်နေလျက်ရှိပြီး အဆိုပါ စစ် ဆင်ရေးကြောင့် SSPP နယ်မြေအတွင်း ရောက်ရှိလာသည့် စစ်ရှောင်များကို အကူအညီများ ပေးလျက်ရှိသည်ဟု ဆိုသည်။
SSPP/SSA ထိန်းချုပ် လှုပ်ရှားရာ နယ်မြေဒေသအတွင်း ရောက်ရှိခိုလှုံနေကြသည့် စစ်ဘေးရှောင်ပြည်သူများအ တွက် SSPP/SSA တပ် အပြင် ရှမ်းလူမှုအဖွဲ့အစည်းများ၊ နိုင်ငံရေးအစုအဖွဲ့များ နှင့် ပြင်ပအဖွဲ့အစည်းများကိုပါ ချိတ်ဆက်ပြီး စစ်ဘေးရှောင်များ အတွက် ကျန်းမာ ရေး၊ စားဝတ်နေရေး နှင့် နေရာထိုင်ခင်းရရှိရေးများ နှင့် ဝင်ငွေများ ရရှိရေးအတွက် ကူညီထောက်ပံ့ပေးမှုများ လုပ် ဆောင်ပေးနေကြောင်းထုတ်ပြန်သည်။
ထိုသို့ ကူညီပေးရာတွင် SSPP/SSA ဌာနချုပ် တည်ရှိရာ ကျေးသီးမြို့နယ်၊ ဝမ်ဟိုင်းသို့ ရောက်ရှိလာကြသည့် စစ်ဘေးရှောင် ပြည်သူ များကို SSPP/SSA မှ ဩဂုတ် ၆ရက်တွင် စားနပ်ရိက္ခာများ သွားရောက်ကူညီ ထောက်ပံ့ပေးကြောင်း သိရသည်။
SSPP ဌာနချုပ်ရှိရာဒေသအတွင်းစစ်ရှောင်ထွက်ပြေးလာကြသည့် ပြည်သူများသည်လားရှိုးမြို့နယ်မှ ဒေသခံများ၊ မိုင်းရယ်မြို့နယ်မှ ဟိုယကျေးရွာ၊ မန်ဖြတ်ကျေးရွာ စသည့် ဒေသတို့မှ ဒေသခံများဖြစ်ကြပြီး စုစုပေါင်း (၃၂၂) ဦး ရှိသည်ဟုဆိုသည်။
