အီယိုရီ/People’s Spring
စစ်ကောင်စီက တရုတ်မုန်းတီးရေး လှုံ့ဆော်မှုများပြုလုပ်နေချိန်တွင် မြန်မာနိုင်ငံဆိုင်ရာ တရုတ်သံအမတ်အသစ်အဖြစ် မစ္စမာကျားအား တရုတ်နိုင်ငံ၏ အဆိုပြုချက်အပေါ် အာဏာသိမ်းစစ်ကောင်စီက သဘောတူပြီးဖြစ်ကြောင်း သိရသည်။
တရုတ်သံအမတ်အဖြစ် ၅နှစ်ကြာ တာဝန်ထမ်းဆောင်ခဲ့သူ မစ္စတာချန်ဟိုင်းသည် ဇူလိုင်လဆန်းတွင် တာဝန်ပြီးဆုံးသဖြင့် မြန်မာနိုင်ငံမှ ပြန်လည်ထွက်ခွါသွားပြီးနောက် ၁လကျော်အကြာတွင် တရုတ်က အမျိုးသမီးသံအမတ်တစ်ဦးကို ခန့်အပ်တာဝန်ပေးခြင်းဖြစ်သည်။
Public Service Announcement
တရုတ်နယ်စပ် ရှမ်းပြည်မြောက်ပိုင်းတွင်တော်လှန်ရေးတပ်များက အရှေ့မြောက်တိုင်းစစ်ဌာနချုပ်အပါအဝင် မြို့များကို ဆက်တိုက် သိမ်းပိုက်နေရာ စစ်ကောင်စီဝါဒဖြန့် တယ်လီဂရန်များက တရုတ်ဆန့်ကျင်ရေးအရှိန်မြှင့်လုပ်ဆောင်နေချိန် တရုတ်က သံအမတ်တစ်ဦးကို ခန့်အပ်လိုက်ခြင်းလည်း ဖြစ်သည်။
အမျိုးသမီးသံအမတ်ဖုစ်သည့် မစ္စမာကျားသည် အိန္ဒိယနိုင်ငံဆိုင်ရာ တရုတ်သံမှူးကြီးနှင့် သံအမတ်အဖြစ် ၂၀၁၉ မှ ယခုအချိန်အထိ တာဝန်ထမ်းဆောင်နေကာ ၁၉၉၅-၉၈ ကာလတွင် မြန်မာနိုင်ငံ တရုတ်သံရုံး၌ တတိယအတွင်းဝန်အဖြစ် တာဝန်ထမ်းဆောင်ခဲ့ဖူးကြောင်း သိရသည်။
အထက်ပါတရုတ်သံအမတ်သည် ပါကစ္စတန်၊ ဂျပန်၊ စင်ကာပူ၊ ဗြိတိန်၊ မြောက်အိုင်ယာလန်၊ မလေးရှားနိုင်ငံများသို့ သံတမန်ရာထူးအဆင့်ဆင့် သွားရောက်တာဝန်ထမ်းဆောင်ခဲ့သည်ကို တွေ့ရသည်။
တရုတ်နိုင်ငံသည် မြန်မာ့အရေးနှင့်ပတ်သက်၍ ငြိမ်းချမ်းစွာဆွေးနွေးရန် ဆက်လက် တက်တက်ကြွကြွတိုက်တွန်းသွားမည်ဖြစ်ကြောင်းနှင့် မြန်မာနိုင်ငံ ငြိမ်းချမ်းရေးလုပ်ငန်းစဉ်အတွက် တတ်စွမ်းသမျှပံ့ပိုးကူညီမှုများ လုပ်ဆောင်သွားမည်ဖြစ်ကြောင်း ထုတ်ဖော်ပြောကြားထားသည်။
သို့သော်သြဂုတ် ၈ ရက်တွင်တရုတ်၏ ကမကထပြုမှုဖြင့် ညီနောင်မဟာမိတ် ၃ ဖွဲ့နှင့် စစ်ကောင်စီကြား ဟိုက်ဂင်ဆွေးနွေးပွဲကိုတရုတ်တွင်ပြုလုပ်ရန် စီစဥ်ခဲ့သော်လည်း စစ်ရှုံးနေသည့် စစ်ကောင်စီက
ရှမ်းမြောက်အရေးအာရုံစိုက်ရန်အကြောင်းပြပြီး မတက်သဖြင့် ဆွေးနွေးပွဲပျက်ခဲ့သည်။ ထိုနောက် သြဂုတ် ၈ ရက်တွင် တရုတ်အထူး ကိုယ်စားလှယ်သည် နေပြည်တော်သို့လာရောက်၍ အာဏာသိမ်းခေါင်းဆောင်နှင့် ဆွေးနွေးခဲ့သည်။
