မိထက်၊ဟန်နွေ/People’s Spring
တအာင်းတပ်မတော်(TNLA)ထိန်းချုပ်ထားသည့် နမ့်ဆန်မြို့ကို စစ်ကောင်စီက ယမန်နေ့(သြဂုတ် ၁၂ရက်) ညပိုင်းတွင် လေကြောင်းမှ ဗုံးကြဲတိုက်ခိုက်ခဲ့သည်။
ယမန်နေ့ည ၁၁နာရီ၄၁မိနစ်တွင် တစ်ကြိမ်၊ ၁၁နာရီ၄၅မိနစ်တွင် တစ်ကြိမ်၊ ၁၁နာရီ၅၁မိနစ်တွင် တစ်ကြိမ် စုစုပေါင်းသုံးကြိမ် လာရောက်ပြီး ဂျက်လေယာဥ်ဖြင့် ဗုံးခြောက်လုံးကြဲချတိုက်ခိုက်ခဲ့ခြင်းဟု TNLAက သတင်းထုတ်ပြန်ထားသည်။လူထိခိုက်သေဆုံးမှုနှင့် ပျက်စီးမှုအခြေအနေများအား ထပ်မံဖော်ပြသွားမည်ဟု ဆိုသည်။
Public Service Announcement
TNLAသည် နမ့်ဆန်မြို့ကို ၁၀၂၇စစ်ဆင်ရေးပထမပိုင်းအတွင်း သိမ်းယူခဲ့ပြီး အုပ်ချုပ်ရေးယန္တရားလည်ပတ်နေပြီဖြစ်သည်။
ယခုအခါ TNLA က စစ်ကောင်စီထိန်းချုပ်ထားသည့် ရှမ်းပြည်နယ်မြောက်ပိုင်းနှင့် မန္တလေးတိုင်းမှ မြို့များကို ၁၀၂၇စစ်ဆင်ရေးအပိုင်း(၂) အဖြစ်ဆက်လက်တိုက်ခိုက်နေပြီး ကျောက်မဲ၊ မိုးကုတ်၊မိုးမိတ်မြို့တို့ကို ထပ်မံသိမ်းယူထားသည်။
သီပေါမြို့ကိုလည်း ထိုးစစ်ဆင်တိုက်ခိုက်နေသည်။
စစ်ကောင်စီသည် ၁၀၂၇စစ်ဆင်ရေးအပိုင်း(၂)တွင် အထိနာနေစဉ် မြောက်ပိုင်းမဟာမိတ်သုံးဖွဲ့ ထိန်းချုပ်ထားသည့် မြို့များကို လေကြောင်းမှ မကြာခဏတိုက်ခိုက်နေသည်။
