ရွှေပြည်သာ အမှတ်(၂)အုပ်ချုပ်ရေးမှူးရုံး အဝေးထိန်းမိုင်းဖြင့်တိုက်ခိုက်

သတိုး/People’s Spring

ရန်ကုန်မြို့ ရွှေပြည်သာမြို့နယ် အမှတ်(၂) ရပ်ကွက်အုပ်ချုပ်ရေးမှူးရုံးကို အဝေးထိန်းမိုင်း နှစ်လုံးဖြင့် တိုက်ခိုက်ခဲ့ကြောင်း Black Tiger UG Teamက အသိပေးထားသည်။

ပြည်သူများဒုက္ခပေးနေသည့် စစ်ကောင်စီလက်အောက်ခံ အုပ်ချုပ်ရေးမှူးများနှင့် ပျူစောထီးများစုစည်းနေသည့် အထက်ပါရုံးကို စက်တင်ဘာ ၇ ရက် ည ၇နာရီခန့်တွင် တိုက်ခိုက်ခဲ့ခြင်းဖြစ်ကြောင်း သတင်းထုတ်ပြန်ထားသည်။

Public Service Announcement

ယင်းတိုက်ခိုက်မှုကို Black Tiger UG Team နှင့် ရွှေပြည်သာမြို့နယ်ပကဖ ရဲဘော်များပူးပေါင်းလုပ်ဆောင်ခဲ့ခြင်းဖြစ်ပြီး ထိခိုက်မှုကို စုံစမ်းနေဆဲဖြစ်ကြောင်း Black Tiger UG Team က ထုတ်ပြန်ထားသည်။

ဆက်လက်၍လည်း စစ်ကောင်စီနှင့်ပူးပေါင်း၍ ပြည်သူကို ဒုက္ခပေးနေသူများကို အရေးယူသွားမည်ဟု ယင်းအဖွဲ့က သတိပေးထားသည်။

“အသံတော်တော်ကျယ်တယ်အိမ်ခေါင်မိုးပေါ်အုံးသီးကျတယ်ထင်တာ”ဟု ရွှေပြည်သာမြို့နယ်တွင် နေထိုင်သူတစ်ဦးက ပြောသည်။

စက်တင်ဘာ ၅ ရက် ညကလည်း မြောက်ဥက္ကလာပမြို့နယ် စိန်ပန်းမြိုင် ယာဉ်ထိန်းရုံးကို လက်ပစ်ဗုံးနှစ်လုံးဖြင့် ပစ်ခတ်တိုက်ခိုက်ခဲ့ကြောင်း Yangon UG People Army (YUPA)၏ တာဝန်ခံ Joe ကပြောသည်။