သုည/People’s Spring
စစ်ကိုင်းတိုင်းအတွင်းက သပိတ်အဖွဲ့တွေ၊ ဒေသခံပြည်သူတွေက စစ်အာဏာရှင်ဆန့်ကျင်ရေး သပိတ်လှုပ်ရှားမှုတွေ ဒီကနေ့ (စက်တင်ဘာ ၁၅)မှာ အသီးသီး ပြုလုပ်ခဲ့ပါတယ်။
စစ်ကိုင်းတိုင်း ယင်းမာပင်မြို့နယ်မှာ အောင်လံလွှင့်မည်ရွှေရေကြည် လူထုသပိတ်စစ်ကြောင်းက ဒေသတွင်း မြေပြင်မငြိမ်သက်မှုတွေ၊ ရာသီဥတုဆိုးဝါးမှုတွေကြားက အာဏာသိမ်းစစ်တပ်နဲ့ မတရားစစ်မှုထမ်းဥပဒေကို ဆန့်ကျင်ကြောင်း ဆန္ဒဖော်ထုတ်ခဲ့ပါတယ်။
Public Service Announcement
ယင်းမာပင်မြို့နယ် မြောက်ခြမ်းမှာလည်း အောင်လံလွှင့်မည် ဒေါင်းသွေးနီ သပိတ် စစ်ကြောင်းက ရွာပေါင်းစုံသပိတ်စစ်ကြောင်းနဲ့အတူ စစ်အာဏာရှင်စနစ် ဆန့်ကျင်ရေး ချီတက်ဆန္ဒပြခဲ့ပါတယ်။
ကနီမြို့နယ်မှာလည်း လူထုဖက်ဒရယ်အင်အားစုက ၂၀၂၄ ဒီမိုကရေစီနေ့ လူထုစည်းရုံးရေးအဖြစ် ကမ်းပါးနံရံတစ်ခုမှာ “ပြည်သူ့အိပ်မက် တော်လှန်ရေးအသက်” ဘန်နာစာတန်းကို ချိတ်ဆွဲ ဆန္ဒဖော်ထုတ်ခဲ့ပါတယ်။
