အင်ကြင်း/People’s Spring
မန္တလေးတိုင်း၊ မိုးကုတ်မြို့နယ်တွင် စစ်ဘေးရှောင် ပြည်သူများအား ပြည်သူ့ကာကွယ်ရေးအဖွဲ့(ပကဖ)ရဲဘော်များက ကွင်းဆင်း၍ ကျန်းမာရေးစောင့်ရှောက်မှုပေးနေကြောင်း သတင်းရရှိသည်။
မိုးကုတ်မြို့နှင့်အနီးတဝိုက်ရှိ စစ်ရှောင်ပြည်သူများနှင့် ဆေးဝါးကုသရန် ခက်ခဲနေသော ကျေးရွာများကို မိုးကုတ်ပကဖ ရဲဘော်များက ကွင်းဆင်းကာ လိုက်လံကုသပေးနေကြောင်း ပကဖအသံက ယနေ့ စက်တင်ဘာ ၂၆ရက်တွင် ဖော်ပြသည်။
Public Service Announcement
အများစုမှာ ဖျားနာသူများနှင့် ငှက်ဖျားဖြစ်နေသူများဖြစ်ကြောင်း၊ လမ်းပန်းဆက်သွယ်ရေးအခက်အခဲကြောင့် ဆေးရုံဆေးခန်း မပြနိုင်သူ အများအပြားရှိနေပြီး ဆေးဝါးများလည်း လိုအပ်နေသည်ဟု ပကဖအသံက ရေးသားသည်။
မိုးကုတ် ပကဖသည် လက်ရှိ လမ်းပန်းဆက်သွယ်ရေးခက်ခဲနေသော ဒေသများနှင့် ဆေးဝါး အလွယ်တကူမရရှိနိုင်သည့် ဒေသများအား ဦးစားပေးကုသနေကြောင်း သိရသည်။
မိုးကုတ်မြို့ကို ပြီးခဲ့သည့် ဇူလိုင် ၂၄ ရက်က ပြည်သူ့ကာကွယ်ရေးတပ်မတော်(မန္တလေး)နှင့် တအာင်းအမျိုးသားလွတ်မြောက်ရေးတပ်မတော်(TNLA)နှင့်အတူ ပူးပေါင်းတပ်များက သိမ်းပိုက်နိုင်ခဲ့သည်။
