ဇေအောင်/People’s Spring
မန္တလေးတိုင်း၊ ကျောက်ဆည်မြို့နယ်တွင် စစ်တပ်ပိုင် ဆင်မင်းဘိလပ်မြေစက်ရုံမှ ဒုဗိုလ်မှူးကြီးညီဇော်သည် တောင်ကျချောင်းရေကျော်နေချိန် ကားဖြတ်မောင်းရာမှ ရေစီးဖြင့် မျောပါသေဆုံးသွားကြောင်း သတင်းရရှိသည်။
ယမန်နေ့(အောက်တိုဘာ ၁ရက်) ည ၇နာရီခွဲခန့်က ဒုဗိုလ်မှူးကြီးညီဇော်၏ ပရိုဘောက်စ်ကားချောင်းရေစီးဖြင့် မျောပါသွားခဲ့ပြီး သေဆုံးခဲ့ခြင်းဖြစ်ကြောင်း ဒေသခံများက ပြောသည်။
Public Service Announcement
သေဆုံးသူ ဒုဗိုလ်မှူးကြီးညီဇော်သည် ဆင်မင်းဘိလပ်မြေစက်ရုံမှ ဒု-စက်ရုံမှူးဖြစ်ပြီး Officer Training School-OTS အပတ်စဥ်(၇၉) ကျောင်းဆင်းဟု သိရကြောင်း စက်ရုံနှင့် နီးစပ်သူများက ပြောသည်။
၎င်း၏ ရုပ်အလောင်းနှင့်ကားအား ယနေ့ (အောက်တိုဘာ ၂ ရက်)နံနက်က ဆယ်ယူရရှိခဲ့ကြောင်း သိရသည်။
“ဆင်မင်း စက်ရုံမှူးပါ။ မျောသွားတဲ့နေရာကနေ တစ်မိုင်လောက်အကွာမှာမှ ပြန်တွေ့တာပါ။”ဟု ဒေသခံတစ်ဦးက ပြောသည်။
အာဏာသိမ်းပြီးနောက်ပိုင်း စစ်ခေါင်းဆောင်မင်းအောင်လှိုင်သည် အရပ်ဖက်မှ ဘွဲ့တစ်ခုရပြီး စစ်ဗိုလ်ဖြစ်လာသော Officer Training School-OTS ကျောင်းဆင်း အရာရှိကြီးများအား စစ်တပ်ပိုင် စက်ရုံအလုပ်ရုံများ၌ ရွှေ့ပြောင်းတာဝန်ချထားပေးလေ့ရှိကြောင်း စစ်တပ်နှင့်နီးစပ်သူများက ဆိုသည်။
