ဆိုင်းမင်း/People’s Spring
မန္တလေးတိုင်း ၊ ကျောက်ဆည်မြို့ ဘိလပ်မြေစက်ရုံ အနီး မနေ့ အောက်တိုဘာ ၁ ရက် ညနေပိုင်း တောင်ကျရေစီးဆင်းချိန် ကားဖြတ်မောင်းရာမှာ ရေထဲ မျောပါပျောက်ဆုံးသွားတဲ့ အမျိုးသား ရုပ်အလောင်းကို ပြန်ရှာတွေ့ပါပြီ ။
မိုးကြီးပြီး တောင်ကျချောင်းရေ စီးဆင်;နေချိန်မှာ အိမ်စီးကားနဲ့ ဖြတ်ကူးရာ ကားရော လူပါ ရေစီးနဲ့ မျောပါသွားတာပါ။
Public Service Announcement
အဲဒီအမျိုးသားကိုလိုက်လံရှာဖွေရာမှာ ဒီမနက်ပိုင်း ၈ နာရီခန့်က အသက်သေဆုံးလျှက်ပြန်ရှာတွေ့တယ်လို့ မြန်မာနိုင်ငံလူမှုကယ်ဆယ်ရေးအဖွဲ့(မန္တလေးတိုင်းဒေသကြီး ကော်မတီရုံး)ကနေ သိရပါတယ်။
ကားကို မျောပါသွားတဲ့ချောင်းထဲမှာ ညတွင်းချင်း ပြန်တွေ့ပေမယ့် ရုပ်အလောင်းကိုတော့ ဒီမနက်မှာ မှ ပြန်တွေ့တာပါ။
မျောပါသွားတဲ့ကားအမျိုးအစားဟာ တိုယိုတာ ပရိုဘောက်စ် အမျိုးအစား ဖြစ်ပြီ ကားတစ်စီးလုံးနီးပါးပျက်စီးသွားတယ်လို့သိရပါတယ်။
မနေ့အောက်တိုဘာလ ၁ ရက်က မန္တလေးတိုင်းထဲ နေရာအချို့မှာ နေရာကွက်ပြီး မိုးကြီးခဲ့လို့ မြေနိမ့်ပိုင်းဒေသတွေမှာ ရေကြီး ရေလျှံမှုတွေ ဖြစ်ပွားခဲ့ပါတယ်။
