သုည/People’s Spring
မကွေးနဲ့ စစ်ကိုင်းတိုင်းမှာ သပိတ်အဖွဲ့တွေ၊ ဒေသခံပြည်သူတွေက သံအမတ်ကြီးဦးကျော်မိုးထွန်းအား ထောက်ခံရေးနဲ့ စစ်အာဏာရှင်ဆန့်ကျင်ရေး တော်လှန်ဆီမီးသပိတ်တွေ ဒီကနေ့ (အောက်တိုဘာ ၁၉) အသီးသီး ပြုလုပ်ခဲ့ကြပါတယ်။
မကွေးတိုင်း မြိုင်မြို့နယ်တွင်းက ကျေးရွာတစ်ရွာမှာ ဒေသခံပြည်သူက မြန်မာနိုင်ငံရဲ့ သံအမတ်အဖြစ် ဦးကျော်မိုးထွန်းကို ထောက်ခံကြိုဆိုကြောင်း ဆန္ဒထုတ်ဖော်ခဲ့ပါတယ်။
Public Service Announcement
ဆားလင်းကြီးမြို့နယ်မှာလည်း မြို့နယ်ပြည်သူ့အုပ်ချုပ်ရေးအဖွဲ့ (ပအဖ)နဲ့ ၅/လက်ပံတောင်းပင်မသပိတ်တို့ ပူးပေါင်းပြီး ကျောင်းသားလူငယ်ပြည်သူလူထုအင်အားများစွာနဲ့ ဦးကျော်မိုးထွန်းကို သံအမတ်ကြီးအဖြစ် ထောက်ခံကြိုဆိုကြောင်း ပြသခဲ့ပါတယ်။
ယင်းမာပင်မြို့နယ်မြောက်ခြမ်းမှာလည်း နောက်ပြန်မလှည့်ကြေး ဒီတော်လှန်ရေး သပိတ်စစ်ကြောင်းက သံအမတ်ကြီးဦးကျော်မိုးထွန်းကို ထောက်ခံကြောင်း “Our Ambassador Myanmars Voice ငါတို့သံအမတ်ကြီးသည် ငါတို့မြန်မာပြည်ရဲ့အသံ ဖြစ်သည်” စာသားကိုင်ဆောင်ပြီး ဆန္ဒထုတ်ဖော်ခဲ့ကြပါတယ်။
မြင်းမူမြို့နယ်ရှိ ကျေးရွာတစ်ရွာမှာလည်း အရာတော်မြို့နယ် သပိတ်တက်ကြွလှုပ်ရှားသူတွေနဲ့ ဒေသခံပြည်သူလူထုအတူ ပူးပေါင်းဦးဆောင်ပြီး “လူထုအနာဂတ်ကို တော်လှန်ဆီမီးနဲ့ထွန်းညှိကြ” စာတန်းကိုင်ဆွဲကာ စစ်အာဏာရှင်ဆန့်ကျင်ရေး လူထုသပိတ်စစ်ကြောင်း ချီတက်ခဲ့ကြပါတယ်။
ဓာတ်ပုံ – ရွာပေါင်းစုံသပိတ်၊ လက်ပံတောင်းသပိတ်၊ အရာတော်သပိတ်
