နိုင်ပကောင်း/People’s Spring
ကရင်ပြည်နယ် ဖာပွန်မြို့ အနောက်တောင်ဘက် ကရင်ပြည်နယ်နဲ့ မွန်ပြည်နယ် အစပ်နားက စစ်ကောင်စီတပ်ရဲ့ လှဂွန်းပျို (ခိုသွီထွာ) စခန်းကို KNU တပ်မဟာ (၅) က ဇန်နဝါရီလ ၇ ရက်မှာ သိမ်းယူလိုက်နိုင်တယ်လို့ သိရပါတယ်။
အဲဒီ တပ်စခန်းဟာ ဘီးလင်း – ဖာပွန်ကားလမ်း အနီးဝန်းကျင် မှာ တည်ရှိတာဖြစ်ပြီး ဇန်နဝါရီလ ၇ ရက်ညနေပိုင်းမှာ သိမ်းယူလိုက်နိုင်တာလို့ တပ်မဟာ (၅)ပြောရေးဆိုခွင့်ရှိသူ ဗိုလ်မှုးကြီး စောကလယ်ဒိုက ပြောပါတယ်။
“လှဂွန်းပျိုစခန်း သိမ်းလို့ရပြီ၊ (၇)ရက်နေ့ ညနေမှာနော်၊လက်နက်ခဲယမ်းအချို့လည်းရရှိတယ်၊စကစတပ်စွန့်ခွာလို့ ထိခိုက်ဒဏ်ရာရရှိမှုအခြေအနေတော့ မသိရဘူး ” လို့ ဗိုလ်မှုးကြီး စောကလယ်ဒိုက ဆိုပါတယ်။
Public Service Announcement
စစ်ကောင်စီတပ်ဖွဲ့ဝင်အချို့ လက်နက်ချသလို ၊ တချို့လည်းထွက်ပြေးသွားတယ်လို့ ဗိုလ်မှုးကြီး စောကလယ်ဒိုက အသိပေးပါတယ်။
စခန်းသိမ်းတိုက်ပွဲမှာ ဗိုလ်မှုးအဆင့်အပါအဝင် ၁၆ ဦး လက်နက်ချခဲ့သလို လက်နက်မချဘဲ ထွက်ပြေးသွားသူ ၆ဦး ရှိနေတယ်လို့ သိရပါတယ်။
ဖာပွန်ခရိုင်ထဲမှာ ဖာပွန် – ကမမောင်းလမ်းပိုင်းက ကတိုင်တိစခန်းကိုလည်း သိမ်းယူနိုင်ဖို့ KNU တပ်မဟာ (၅) က ဆက်လက်တိုက်ခိုက်နေပါတယ်။
