Connect with us

Hi, what are you looking for?

သတင်း

မင်းကွန်း​ဒေသတွင် တိုက်ပွဲဖြစ်

စစ်ကိုင်းတိုင်း၊မင်းကွန်းမြို့၊မြသိန်းတန်စေတီအနီးမှာ စစ်ကောင်စီရဲ့စစ်ကိုင်းတပ်မ(၃၃) လက်​အောက်ခံ စစ်​​ကြောင်းနဲ့ တော်လှန်ရေးတပ်တွေ ဒီက​နေ့ (ဇန်နဝါရီ ၂၉ )မနက်အထိ တိုက်ပွဲတွေဖြစ်ပွားနေတယ်လို့ ဒေသခံတချို့က​ပြောပါတယ်။

မြသိန်းတန်​စေတီ နဲ့ မင်းကွန်းပုထိုး​တော်ကြီးကို အ​ဝေးမှဖူး​တွေ့ရစဥ်။ ဓါတ်ပုံ- CJ

ရှိန်း/People’s Spring

စစ်ကိုင်းတိုင်း၊ မင်းကွန်းမြို့၊ မြသိန်းတန်စေတီအနီးမှာ စစ်ကောင်စီရဲ့စစ်ကိုင်းတပ်မ(၃၃) လက်​အောက်ခံ စစ်​​ကြောင်းနဲ့ တော်လှန်ရေးတပ်တွေ ဒီက​နေ့ (ဇန်နဝါရီ ၂၉ )မနက်အထိ တိုက်ပွဲတွေဖြစ်ပွားနေတယ်လို့ ဒေသခံတချို့က​ပြောပါတယ်။

ဇန်နဝါရီလ၂၇ရက်နေ့ မင်းကွန်းရွာကိုတပ်စွဲထားတဲ့စစ်ကြောင်းဟာ ရှားစောင်းကျေးရွာကနေ မြောက်ဘက်ကို အင်အား၇၀လောက်နဲ့စစ်ကြောင်းထိုးဖို့ကြိုးစားခဲ့ပါတယ်။ ရှားစောင်းကျေးရွာဟာ မြသိန်းတန်စေတီအနီးမှာရှိတာပါ။

စစ်​ကြောင်းထိုးလာတဲ့ စစ်​ကြောင်းကို မြသိန်းတန်စေတီရဲ့ မြောက်ဘက်မှာတော်လှန်ရေးတပ်တွေက မိုင်းဆွဲလိုက်ပြီးတဲ့နောက် နှစ်ဖက်အပြန်အလှန်ပစ်ခတ်တိုက်ခိုက်ခဲ့ကြတာလို့ ဝက်လက်မြို့နယ်၊ဗိုလ်ကျားကြီးတော်လှန်ရေးတပ်ဖွဲ့ရဲ့ တာဝန်ရှိသူက​ပြောပါတယ်။

Public Service Announcement

Public Service Announcement

“အခုလည်း ကျွန်တော်တို့အဖွဲ့တွေကာထားတယ်။စစ်တပ်ကတော့ မြသိန်းတန်မှာရှိနေတယ်။မြောက်ဘက်ကို စစ်ကြောင်းထိုးဖို့ပြင်ဆင်နေတာတွေတော့အများကြီးရှိတယ်”လို့ ဗိုလ်ကျားကြီးကပြောပါတယ်။

ဇန်နဝါရီ ၂၉ ရက်မနက်ပိုင်းမှာ စစ်တပ်ကမြသိန်းတန်စေတီဘက်ကနေ မြောက်ဘက်က ကင်းရွာဘက်ကို လက်နက်ငယ်တွေနဲ့ပစ်ခတ်နေတယ်လို့ဆိုပါတယ်။

“ဆက်ထိုးလာရင်တော့ အထိ အတွေ့ဆက်ဖြစ်ဖို့ရှိတယ်။အသေးစိတ်တော့ ပြောလို့မရသေးပါဘူး “လို့ဗိုလ်ကျားကြီးကဆက်ပြောပါတယ်။

မင်းကွန်းမြို့ကို စစ်တပ်ကမကြာခဏစစ်ကြောင်းထိုးလေ့ရှိပြီး ၂၀၂၄ခုနှစ်ဇူလိုင်လ၂၄ရက်နေ့ကလည်း မင်းကွန်းဆရာတော်ဘုရားကြီးရဲ့ကျောင်းဘေးကနေအိမ်တွေ နဲ့ မြသိန်းတန်ဘုရားအနီးကနေအိမ်၃၀လောက်ကို စစ်တပ်ကမီးရှို့ဖျက်ဆီးခဲ့ပါသေးတယ်။

ဆက်စပ်သတင်းများ

သတင်း

မင်းကွန်းမြို့၊ မြသိန်းတန်​စေတီပေါ်မှာ စစ်တပ်ကအင်အားထပ်တိုး​နေပြီး အနီးပတ်ဝန်းကျင်မှာလည်း ဒီမနက်လေယာဥ်ဝဲတာတွေဆက်တိုက်ပြုလုပ်နေတယ်လို့ ဒေသခံတွေက​ပြောပါတယ်။