ရှိန်း/People’s Spring
မင်းကွန်းမြို့၊ မြသိန်းတန်စေတီပေါ်မှာ စစ်တပ်ကအင်အားထပ်တိုးနေပြီး အနီးပတ်ဝန်းကျင်မှာလည်း ဒီမနက်လေယာဥ်ဝဲတာတွေဆက်တိုက်ပြုလုပ်နေတယ်လို့ ဒေသခံတွေကပြောပါတယ်။
ဇန်နဝါရီလ၂၇ရက်နေ့က မြသိန်းတန်စေတီရဲ့မြောက်ဘက်မှာတော်လှန်ရေးတပ်တွေနဲ့ တပ်မ (၃၃) လက်အောက်ခံတပ်ခွဲတခုတို့တိုက်ပွဲဖြစ်ပွားခဲ့ပါတယ်။
အဲဒီနောက် ဇန်နဝါရီ ၂၉ ရက်နေ့ ကမင်းကွန်းမြို့ရဲ့မြောက်ဘက်ကကျေးရွာတွေကို စစ်ကြောင်းထိုးဖို့ပြင်နေတဲ့စစ်တပ်ဟာ ပြန်လည်ဆုတ်ခွာခဲ့ပြီး မြသိန်းတန်စေတီပေါ်မှာပဲတပ်စွဲထားတယ်လို့သိရပါတယ်။
Public Service Announcement
“လွန်ခဲ့တဲ့၂လလောက်ကလေ ကျွန်တော်တို့တိုက်ပွဲတွေဖြစ်တယ်။ အဲဒီကတည်းက ဒီနေရာကိုသူတို့ကကင်းသဘောလုပ်ထားတာ။ အခုတော့ အင်အားတေွထပ်တိုးပြီးတပ်စွဲလိုက်တာ”လို့ ဗိုလ်ကျားကြီးတော်လှန်ရေးတပ်ဖွဲ့ခေါင်းဆောင် ဗိုလ်ကျားကြီးကပြောပါတယ်။
ဒါ့အပြင် ဒီနေ့မနက်လည်း မင်းကွန်းမြို့ဘေးကကျေးရွာတွေကို စစ်တပ်ကလေယာဥ်ဆက်တိုက်ဝဲနေတယ်လို့ဆိုပါတယ်။ ဒီနေ့မှာတော့ ပစ်ခတ်မှုမရှိဘဲ ငြိမ်နေပြီး စစ်တပ်ကလည်းမြို့မြောက်ဘက်ကကျေးရွာတွေကိုစစ်ကြောင်းထိုးဖို့ပြင်နေတယ်လို့ဆိုပါတယ်။
“အခုကတော့သူစောင့်ကိုစောင့် စောင့်နေကြတာ။ သူတို့လည်းတက်မလာဘူး”လို့ ဗိုလ်ကျားကြီးကပြောပါတယ်။
မင်းကွန်းမြို့ပတ်လည်ကိုစစ်တပ်က မကြာခဏစစ်ကြောင်းထိုးလေ့ရှိပြီး၂၀၂၄ခုနှစ်ဇူလိုင်လ၂၄ ရက်နေ့ကလည်း မင်းကွန်းဆရာတော်ဘုရားကြီးရဲ့ကျောင်းဘေးကနေအိမ်တွေနဲ့ မြသိန်းတန်ဘုရားအနီးကနေအိမ်၃၀လောက်ကို မီးရှို့ဖျက်ဆီးခဲ့ပါသေးတယ်။
