မဲပလီဗျူဟာစခန်းကြီးကို မဟာမိတ်တပ်​တွေကသိမ်းပိုက်ပြီး အာဏာသိမ်းမှု ၄ နှစ်ပြည့်​နေ့မှာ ပြည်သူ့အတွက်လက်​ဆောင်​ပေး

မွန်ပြည်နယ်၊ ဘီးလင်းမြို့နယ်၊ မဲပလီကျေးရွာအနီးက စစ်ကောင်စီတပ်ရဲ့ မဲပလီဗျူဟာစခန်းကြီးကို ဒီက​နေ့ (ဖေဖော်ဝါရီ ၁ ရက်နေ့)မှာ KNLA ဦး​ဆောင်တဲ့ မဟာမိတ်တပ်​တွေက သိမ်းပိုက်လိုက်ပါတယ် ။

“အာဏာသိမ်းမှု(၄)နှစ်ပြည့်တဲ့နေ့မှာ မဟာမိတ်ပူးပေါင်းအဖွဲ့ရဲ့ ညီညွတ်စွာကြိုးပမ်းအားထုတ်မှုနဲ့ မဲပလီဗျူဟာစခန်းကြီးကို အပြီးသတ်သိမ်းပိုက်ကာ ပြည်သူလူထုထံ လက်ဆောင်အဖြစ်ပေးလိုက်ပါတယ်” လို့ BPLA ကွပ်ကဲ​ရေးမှူး ကို​ဆောင်းခက​ဖေစ်ဘွခ်လူမှုကွန်ယက်မှာ ​ရေးသားထားပါတယ်။

စစ်တပ်ထံက သိမ်းဆည်းရရှိတဲ့ ​ဟောင်ဝစ်ဇာ အ​မြောက် နဲ့ မဟာမိတ်တပ်ဖွဲ့က ရဲ​ဘော်​တွေ​အောင်ပွဲခံ​​နေတဲ့ ဓါတ်ပုံ နဲ့ “ငါတို့ခေတ်မှာ အာ

ဏာရှင်စနစ် အဆုံးသတ်ဖြစ်စေရမယ်”လို့လည်း​ရေးသားထားပါတယ် ။

Public Service Announcement

ဗျူဟာစခန်းကို စစ်ကောင်စီတပ်ရဲ့ အမှတ် ၄၀၅​ခြေမြန်တပ်ရင်(၄၀၅) ကနေ လက်နက်ကြီးပစ်ကူ၊ လေကြောင်းပစ်ကူ​ပေး​နေတဲ့ကြားကနေ KNLA ဦး​ဆောင်တဲ့ မဟာမိတ်တပ်တွေက သိမ်းပိုက်ရရှိခဲ့တာလို့ စုံစမ်းသိရပါတယ်။