People’s Spring
ထိုင်းအမျိုးသား လုံခြုံရေးကောင်စီ အတွင်းရေးမှူးချုပ်ဟာ ထိုင်း-မြန်မာ နယ်စပ်မှာရှိတဲ့ အွန်လိုင်း ငွေလိမ်ဂိုဏ်း (ကျားဖြန့်)တွေဆီကို ဓာတ်အား မရောက်ရှိတာ သေချာအောင် ဖြတ်တောက်ရေးဆိုင်ရာ အရေးပါတဲ့ အစည်းအဝေး တစ်ခုကို ဖေဖော်ဝါရီ ၃ ရက်နေ့မှာ ဦးဆောင် ပြုလုပ်သွားမှာ ဖြစ်ပါတယ်။
အဲဒီ အစည်းအဝေးကို စစ်တပ်၊ နိုင်ငံခြားရေး ဝန်ကြီးဌာန၊ လျှပ်စစ်စွမ်းအားဌာနတို့ အပါ အဝင် အဖွဲ့အစည်း ၈ ခုက ကိုယ်စားလှယ်တွေ တက်ရောက်မှာဖြစ်ပြီး ဓာတ်အားဖြတ်တောက်ရေးကိစ္စကို ဒေသစိတ် ဓာတ်အား ကွပ်ကဲရေးအဖွဲ့ (PAS)ဆီ ထောက်ခံ တင်ပြမှုတွေ မပို့ဆောင်ခင် လိုအပ်မယ့် လုံခြုံရေး အချက်အလက်တွေကို ကနဦး ညှိနှိုင်း ဆွေးနွေးကြမှာ ဖြစ်ပါတယ်။ လုပ်ထုံးလုပ်နည်း မှန်သမျှဟာ ဥပဒေက သတ်မှတ်ထားတဲ့ စံနှုန်းတွေနဲ့ အညီပဲ ကိုင်တွယ်မယ်လို့လည်း အာဏာပိုင်တွေက ပြောကြားထားပါတယ်။
