အီယိုရီ/People’s Spring
မြန်မာ့စစ်အာဏာသိမ်းမှုက အမေရိကန်ပြည်ထောင်စုရဲ့ အမျိုးသားလုံခြုံရေးနဲ့ နိုင်ငံခြားရေးမူဝါဒကို ပုံမှန်မဟုတ်၊ ထူးကဲစွာခြိမ်းခြောက်နေပြီး ကိုင်တွယ်ဖြေရှင်းဖို့ အရေးပေါ်ကာလသက်တမ်း ၁နှစ်တိုးမြှင့်ကြောင်း အမေရိကန်သမ္မတဒေါ်နယ်ထရန့်က လက်မှတ်ရေးထိုး ထုတ်ပြန်ပါတယ်။
ပြီးခဲ့တဲ့ ၂၀၂၁ ဖေဖော်ဝါရီ ၁၀ ရက်မှာ ထိုစဉ်က သမ္မတ ဂျိုးဘိုင်ဒန်က မြန်မာ့စစ်အာဏာ သိမ်းမှုကြောင့် ဖြစ်ပေါ်လာတဲ့ နောက်ဆက်တွဲအခြေအနေများက အမေရိကန်ပြည်ထောင်စုရဲ့ အမျိုးသားလုံခြုံရေးနဲ့ နိုင်ငံခြားရေးမူဝါဒအပေါ် ပုံမှန်မဟုတ် ထူးကဲသောခြိမ်းခြောက်မှုများကို ကိုင်တယ်ဖြေရှင်းဖို့ အပြည်ပြည်ဆိုင်ရာအရေးပေါ်စီးပွါးရေးဆိုင်ရာအာဏာများအက်ဥပဒေအရ အရေးပေါ်အခြေအနေ အတည်ပြုပြဌာန်းခဲ့ပါတယ်။ အဲဒါကို စစ်အာဏာ သိမ်းမှု ၄ နှစ်အတွင်း နှစ်စဉ်သက်တမ်းတိုးခဲ့ရာ လက်ရှိသမ္မတ ထရန့်ကလည်း ဖေဖော်ဝါရီ ၄ရက်မှာ လက်မှတ်ရေးထိုး သက်တမ်းတိုးခဲ့တာပါ။
“မြန်မာ့စစ်အာဏာသိမ်းမှုနဲ့ပတ်သက်လို့ အမေရိကန်က လုံးလုံးပစ်မထားဘူးလို့ မျှော်လင့်ရတယ်။ ထရန့်အစိုးရကလည်း စစ်အာဏာသိမ်းမှုကို လက်မခံဘူးဆိုတာကို ပြသတာဖြစ်တယ်။ အခုလို သက်တမ်းတိုးတာက အာဏာသိမ်းမှုနောက်ပိုင်းလုပ်ဆောင်ခဲ့တဲ့ ပစ်မှတ်ထား ပိတ်ဆို့ဒဏ်ခတ်မှုတွေ ဆက်လုပ်မယ့်သဘောပဲ” လို့ နိုင်ငံရေးအကဲခတ်တစ်ဦးက သုံးသပ်ပါတယ်။
Public Service Announcement
၂၀၂၁ ဖေဖေါ်ဝါရီ၁ ရက်အာဏာသိမ်းမှုက မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ရဲ့ ဒီမိုကရေစီနည်းကျ ရွေးကောက်တင်မြှောက်ထားတဲ့ အရပ်သားအစိုးရကို ဖြုတ်ချပြီး အစိုးရခေါင်းဆောင်များ၊ နိုင်ငံရေးသမားများ၊ လူ့အခွင့်အရေး ကာကွယ်စောင့်ရှောက်သူများ၊ သတင်းစာဆရာများနဲ့ ဘာသာရေးခေါင်းဆောင်များကို မတရားဖမ်းဆီး ချုပ်နှောင်ကာ မတရားသဖြင့် ဖမ်းဆီးထိန်းသိမ်းခြင်း၊ အမေရိကန်ပြည်ထောင်စုရဲ့ အမျိုးသားလုံခြုံရေးနှင့် နိုင်ငံခြားရေးမူဝါဒကို ထူးထူးခြားခြား ခြိမ်းခြောက်နေတယ်လို့ အမေရိကန်ပြည်ထောင်စုက သတ်မှတ်ပါတယ်။
