စစ်ကိုင်းတိုင်းမှာ သပိတ်အဖွဲ့တွေ၊ ဒေသခံပြည်သူတွေက စစ်အာဏာရှင် ဆန့်ကျင်ရေးသပိတ်တွေ ဒီကနေ့ (ဖေဖော်ဝါရီ ၂၁)မှာ အသီးသီး ချီတက်ဆန္ဒပြခဲ့ပါတယ်။
စစ်ကိုင်းတိုင်း ယင်းမာပင်မြောက်ခြမ်းမှာ နောက်ပြန်မလှည့်ကြေး ဒီတော်လှန်ရေး သပိတ်စစ်ကြောင်းက ဦးဆောင်ကာ စစ်အာဏာရှင်စနစ် ဆန့်ကျင်ရေး လူထုသပိတ် လှုပ်ရှားမှု ပြုလုပ်ခဲ့ကြပါတယ်။
တော်လှန်ပြည်သူတွေက “အထွေထွေဖိနှိပ်မှုကို အံတုကြ ဘုံရန်သူကို ထွက်ပေါက်မပေးနဲ့” စာသား ကိုင်ဆောင်ကာ ချီတက်ဆန္ဒပြခဲ့ပါတယ်။
Public Service Announcement
ယင်းမာပင်မြို့နယ် ကျေးရွာတစ်ရွာမှာလည်း အောင်လံလွှင့်မည် ဒေါင်းသွေးနီ သပိတ် စစ်ကြောင်းသည် စစ်အာဏာရှင်ကို ဆန့်ကျင်ကြောင်း ဆန္ဒထုတ်ဖော်ခဲ့ကြပါတယ်။
ဒါ့အပြင် ပုလဲမြို့နယ်မှာ ပုလဲလူထုသပိတ်တိုက်ပွဲဦးဆောင်ကော်မတီနဲ့ မြောင်မြို့နယ်လူထုသပိတ်တိုက်ပွဲကော်မတီတို့ ပူးပေါင်းကာ ပြည်သူလူထုအား တော်လှန်ရှပ်ရှင် ပြသသည့် လူထုလှုပ်ရှားမှု တစ်ရပ် ပြုလုပ်ခဲ့ကြပါတယ်။ လူထုနိုင်ငံရေးတရား ဟောပြောပွဲအစီအစဥ်တွေကိုပါ တပါတည်း ကျင်းပခဲ့ပြီး တော်လှန်သီချင်း၊ တော်လှန်ရုပ်ရှင် ပြသခြင်းကို အောင်မြင်စွာ ဆောင်ရွက်ခဲ့ပါတယ်။
