အမေရိကန်ရောက် မြန်မာပြည်သူများနှင့် တွေ့ဆုံပွဲကို တက်ရောက်ရန် ဒေါ်အောင်ဆန်းစုကြည်၏ သားဖြစ်သူ Kim Aris (ခေါ်) ကိုထိန်လင်း နယူးယောက်သို့ ယနေ့ရောက်ရှိလာပြီဖြစ်သည်။
Suu 80th Birthday Campaign အတွက်မြန်မာပြည်သူများနှင့်တွေ့ဆုံပွဲကို Kim Aris နှင့်အတူ၊ ကုလသမဂ္ဂဆိုင်ရာမြန်မာသံအမတ်ကြီး ဦးကျော်မိုးထွန်း၊ အမျိုးသမီး၊ လူငယ်နှင့် ကလေးသူငယ်ရေးရာဝန်ကြီး နော်စူစန်နာလှလှစိုး၊ ဒေါ်အောင်ဆန်းစုကြည်၏စီးပွါးရေးအကြံပေး Sean Turnell တို့ တက်ရောက်ကြမည်ဖြစ်သည်။
တွေ့ဆုံပွဲကို မတ်လ ၁၅ ရက် မွန်းလွဲ ၁ နာရီကနေ ၄ နာရီအထိ ကျင်းပမည်ဖြစ်သည်။
Public Service Announcement
“ကျွန်တော့်ရဲ့ မေမေ့ကို အမြန်ဆုံးလွတ်မြောက်စေချင်တဲ့ မီးတောက်လိုပြင်းပြတဲ့ ဆန္ဒကြောင့် အမေရိကန်ခရီးစဉ်ကို စတင်ခဲ့ပါတယ်” လို့ ကင်မ်ကသူ့ခရီးစဥ်နဲ့ပတ်သက်ပြီး ပြောသည်။
ယခုခရီးစဉ်မှာ သူ့မိခင်နှင့်အတူ မတရားဖမ်းဆီးခံထားရသည့် နိုင်ငံရေးအကျဉ်းသားများအားလုံးလွတ်မြောက်ရေး၊ မြန်မာနိုင်ငံရှိ စစ်ဘေးခံပြည်သူတွေ အမြန်ဆုံး လူသားခြင်းစာနာထောက်ထားမှုဆိုင်ရာ အကူအညီရရှိစေရေးတို့ကို ဦးစားပေးလုပ်ဆောင်ပြီး အမေရိကန်ရောက် မြန်မာနွယ်ဖွားများ၊ ကူညီထောက်ပံ့ပေးသူများနှင့်တွေ့ဆုံသွားမှာဖြစ်ကြောင်း သူ့ရဲ့ ဖေ့စ်ဘွတ်စာမျက်နှာကနေ အသိပေးထားသည်။
