ဆဏ်း / People’s Spring
ပြည်သူထောင်နဲ့ချီသေဆုံးခဲ့တဲ့ ငလျင် ကြောင့် ဒုက္ခ ရောက်နေသူတွေအတွက် အလှူငွေတွေလှူဒါန်းတဲ့ အကြောင်းကို တော်လှန်အနုပညာရှင် ဖြူဖြူကျော်သိန်းနဲ့ ပိုင်ဖြိုးသုတို့က အသိပေးထားပါတယ်။
ဖြူဖြူကျော်သိန်းက လန်ဒန်မှာပြုလုပ်ခဲ့တဲ့ တစ်ကိုယ်တော်ဖျော်ဖြေပွဲ ကရရှိခဲ့တဲ့ငွေတွေထဲက ကျပ်သိန်းတစ်ထောင်ကို အမျိုးသားညီညွှတ်ရေးအစိုးရရဲ့ လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာစီမံခန့်ခွဲရေး ဝန်ကြီးဌာနကို လှူဒါန်းခဲ့တယ်လို့ ရေးသားထားပါတယ်။
“Disaster ဖြစ်မှရယ် မဟုတ်၊ လိုအပ်တဲ့နေရာတွေ ကတော့အများကြီးပါ။ သိန်းတစ်ထောင်ဆိုတာလည်း လိုအပ်နေတာနဲ့ယှဉ်ရင် နည်းနည်းလေးပါ။
Public Service Announcement
နိုင်ငံတကာအကူအညီတွေ တရားဝင်မရနိုင်ရှာတဲ့ နေရာတွေကိုပဲ အဓိကထားပြီး ကူပါရစေနော်။” လို့ဖြူဖြူကျော်သိန်းက ပြောပါတယ်။
သရုပ်ဆောင်ပိုင်ဖြိုးသုကတော့ သူမရဲ့ အကယ်ဒမီရုပ် ကမ်ပိန်းကနေ ရရှိတဲ့ငွေတွေထဲက ငလျင်အတွက် သိန်းငါးရာလှူဒါန်းခဲ့တယ်လို့ အသိပေးလာတာပါ။
” အကယ်ဒမီရုပ်”ကမ်ပိန်း ပြုလုပ်ခဲ့ရတဲ့ရည်ရွယ်ချက်ကလည်း ဒုက္ခရောက်နေတဲ့ ပြည်သူတွေကို ကူညီပေးနိုင်ဖို့ပါ။ အခု ငလျင်ဒဏ်သင့်ဒေသတွေကို ဒီကမ်ပိန်းကနေ သိန်း (၅၀၀) ကူညီသွားဖို့ စီစဉ်နေပါတယ်။ ပါဝင်ကူညီကြသူ တယောက်ချင်းစီတိုင်းကို ကျေးဇူးတင်ပါတယ်။” လို့ ပိုင်ဖြိုးသုကပြောပါတယ်။
ဒါ့အပြင် ဖြူဖြူကျော်သိန်းက ဧပြီ ၅ရက်နေ့ ဆစ်ဒနီမြို့မှာ ပြုလုပ်တဲ့ ဖျော်ဖြေပွဲမှာ လွတ်မြောက်နယ်မြေက ငလျင်ဒဏ်ခံစားရသူတွေအတွက် လှူဒါန်းဖို့ ရည်ရွယ်ပြီး အမှတ်တရပစ္စည်းသုံးမျိုးကို လေလံတင်သွားမယ်လို့ Phyu Phyu in Australia ကအသိပေးထားပါတယ်။
လေလံတင်မယ့် ပစ္စည်းတွေကတော့ ဖြူဖြူကျော်သိန်း ကိုယ်တိုင်တီးခတ်ပြီး လက်မှတ်ရေးထိုးထားတဲ့ ဂစ်တာတစ်လက် ၊ ထားထက်ထက် ကိုယ်တိုင်ထိုးထားတဲ့ handmade တစ်ချောင်းထိုးအရုပ်တစ်ရုပ် နဲ့ မငြိမ်းငြိမ်းကျော် လှူဒါန်းထားတဲ့ ကံကော်ပင် တစ်ပင် ပါဝင်တယ်လို့ အသိပေးထားပါတယ်။
