ဧပြီ ၂၊ ၂၀၂၅။ People’s Spring
ထိုင်နိုင်ငံမှာ ဧပြီ ၂ ရက်ကနေ ၄ ရက်အတွင်း ကျင်းပမယ့် BIMSTEC ထိပ်သီးအစည်းအဝေးကို မြန်မာအာဏာသိမ်းစစ်ခေါင်းဆောင် လူကိုယ်တိုင်တက်ရောက်မယ်လို့ ထိုင်းနိုင်ငံခြားရေးဝန်ကြီးဌာန ပြောရေးဆိုခွင့်ရှိသူက ပြောကြားလိုက်ပါတယ်။
အဲဒီပြောရေးဆိုခွင့်ရှိသူက စစ်ခေါင်းဆောင်ဟာ ညီလာခံနေ့ကိုလာတက်ဖို့ရှိတယ်လို့သာအတည်ပြုပြီး သူ့ခရီးစဥ်နဲ့ပတ်သက်လို့တော့ အသေးစိတ်ပြောကြားသွားတာမရှိပါဘူး။
လောလောလတ်လတ်အသေအဆုံးအပျက်အဆီးအလွန်များတဲ့ငလျင်ကြီးလှုပ်အပြီး အရေးပေါ်ကူညီကယ်ဆေးရေးတွေဆောင်ရွက်နေချိန်မှာ စစ်ခေါင်းဆောင်ဟာ နိုင်ငံပြင်ပကိုထွက်မှာ ဖြစ်ပါတယ်။
Public Service Announcement
နှစ်ပေါင်းတစ်ရာကျော်အတွင်း အကြီးမားဆုံးငလျင်ဘေးကြောင့် ဗုဒ္ဓဟူးနေ့အထိစာရင်းတွေအရ ၂,၈၈၆ ဦး သေဆုံးခဲ့ပြီလည်းဖြစ်ပါတယ်။
စစ်ခေါင်းဆောင်ရဲ့အခုခရီးစဥ်ဟာ အာဏာသိမ်းခဲ့တဲ့ ၂၀၂၁ ခုနှစ်နောက်ပိုင်း မင်းအောင်လှိုင်ဟာ ဘန်ကောက်ကို ပထမဆုံးအကြိမ် သွားရောက်မှု ဖြစ်လာမှာပါ။ BIMSTEC ညီလာခံမှာ နိုင်ငံတချို့ရဲ့ ခေါင်းဆောင်တွေဟာ ကျယ်ပြန့်တဲ့ အကြောင်းကိစ္စတွေကို ဆွေးနွေးဖို့ ရည်ရွယ်ထားပါတယ်။
BIMSTEC ဟာ လက်ရှိ ထိုင်းဝန်ကြီးချုပ် ဖေထောင်ထန် ရှီနာဝပ်ထ် လက်ထက်မှာ ပထမဆုံးအကြိမ် ကြီးမှူးခွင့်ရမယ့် နိုင်
ငံတကာ ထိပ်သီး ညီလာခံအဆင့် အစည်းအဝေးလည်း ဖြစ်လာမှာပါ။
အဲဒီ အစည်းအဝေးကို ဒေသတွင်း နိုင်ငံတွေဖြစ်တဲ့ သီရိလင်္ကာ၊ အိန္ဒိယ၊ ဘင်္ဂလားဒေ့ရှ်၊ ဘူတန်၊ နီပေါ၊ ထိုင်းတို့ရဲ့ ခေါင်းဆောင်တွေအပြင် အာဏာသိမ်း စစ်ခေါင်းဆောင်လည်း တက်ရောက်ခွင့် ရလာတာပါ။
ကိုးကား-ရိုက်တာသတင်းဌာန
