ဧပြီ ၁၀၊၂၀၂၅။ ဟန်နွေ/People’s Spring
ချင်းညီနောင်နှင့် မဟာမိတ်တပ်ဖွဲ့တို့၏ ဖလမ်းမြို့သိမ်းတိုက်ပွဲ အောင်မြင်မှုအပေါ် ဂုဏ်ယူဝမ်းမြောက် ကြောင်း ချင်းအမျိုးသားတပ်ဦး(CNF)က ယနေ့(ဧပြီ ၁၀ရက်) ထုတ်ပြန်သည်။
ချင်းညီနောင်နှင့် မဟာမိတ်များက ၂၀၂၄ နိုဝင်ဘာ ၉ရက်မှ စတင်ခဲ့သည့် ဖလမ်းမြို့သိမ်း စစ်ဆင်ရေးသည် ယခု ဧပြီ ၉ရက်အထိ ၅လအကြာတွင် အောင်မြင်ပြီးမြောက်ခဲ့ဟု ချင်းညီနောင်က အသိပေးထားသည်။
အဆိုပါ စစ်ဆင်ရေးတွင် ပူးပေါင်းပါဝင်ကြသော ချင်းညီနောင်အဖွဲ့ဝင်များနှင့် မဟာမိတ်တပ်ဖွဲ့များအားလုံးအပေါ် ဂုဏ်ယူဝမ်းမြောက်ကြောင်း မှတ်တမ်းတင်အပ်ပါသည်ဟု CNF၏ ထုတ်ပြန်ချက်၌ ဖော်ပြသည်။
Public Service Announcement
မြန်မာနိုင်ငံတွင် အာဏာရှင်စနစ်ကျဆုံးပြီး စစ်မှန်သော ဖက်ဒရယ်ဒီမိုကရေစီ ပြည်ထောင်စု တည်ဆောက်ရေး၊ ချင်းလဲန်းတည်ဆောက်ရေးနှင့် ချင်းလူမျိုးများ ကိုယ်ပိုင်ပြဌာန်းမှု အပြည့်အ၀ရရှိရေးအတွက် ဆက်လက်တိုက်ပွဲဝင်ကြရန် တော်လှန်ရေးအင်အားစုများအားလုံးကို တိုက်တွန်းကြောင်းလည်း CNFက ထုတ်ပြန်သည်။
CNFသည် ချင်းပြည်ကောင်စီစုဖွဲ့မှုတွင် ပါဝင်သည့် တိုင်းရင်းသား တော်လှန်ရေးတပ်ဖွဲ့ဖြစ်ပြီး ချင်းပြည်ကောင်စီတပ်ပေါင်းစုသည် ချင်းပြည်နယ်တွန်းဇံမြို့အပါအဝင် မြို့ ၇မြို့နှင့် စစ်ကောင်စီတပ်စခန်းများကို တိုက်ခိုက် သိမ်းပိုက်ထားသည်။
တက်ဖက်တွင် ချင်းပြည်ကောင်စီနှင့် ချင်းညီနောင်အင်အားစုများသည် ပြဿနာအချို့ရှိနေသော်လည်း ချင်းအမျိုးသားကောင်စီအဖြစ် ပြန်လည်ပေါင်းစည်းနိုင်ရေး နှစ်ဖက်သဘောတူညီချက် ချမှတ်ထားသည်။
