အပူဒဏ်သက်သာ​စေသည့် ရန်ကုန်မိုး

ဧပြီ-၃၀၊၂၀၂၅။ကဖေး/People’s Spring

ရန်ကုန်မြို့တွင် ယနေ့ (ဧပြီလ ၃၀ရက်) နံနက်ပိုင်းမှစ၍ မြို့နယ်အများစု နေရာကွက်မိုးကောင်းခဲ့သည်။

ကမာရွတ်၊ လှိုင် ၊ရန်ကင်း၊ တာမွေအပါအဝင်မြို့တွင်းမြို့နယ်များ၌ နံနက်ပိုင်းမှစ၍မိုးအုံ့နေခဲ့ပြီးနံနက် ၁၁နာရီခန့်တွင် မိုးစရွာခဲ့သည်။ နာရီဝက်ခန့်ကြာ ရွာပြီး မိုးသည်းခဲ့သည်။ မိုးသည်းချိန် လေပြင်းအနယ်ငယ်တိုက်ခတ်ခဲ့သည်။ ညနေ ၆နာရီခန့်တွင် တကျော့ပြန်မိုးရွာခဲ့သည်။

ဧပြီလတွင်အပူရှိန်ပြင်းထန်ပြီး မီးပြတ်သဖြင့် အပူဒဏ်ခံ​နေရ​သော ရန်ကုန်မြို့​နေ ပြည်သူများမှာ ဧပြီလကုန်ပိုင်းတွင် ရွာသွန်း​သောမိုး​ကြောင့် အပူဒဏ်သက်သာခဲ့သည်။ ဧပြီ ၂၈ ရက်​နေ့မှစ၍ ရန်ကုန်တွင် မိုးအနည်းငယ်ရွာပြီး ဧပြီ ၂၉ ၊၃၀ ရက်တို့တွင် သည်းထန်စွာရွာခဲ့ခြင်းဖြစ်သည်။

Public Service Announcement

ရန်ကုန်မြို့တွင်မိုးရွာနေချိန်၌ ​ဒေသချင်းဆက်စပ်​နေသော ဧရာဝတီတိုင်း၊ ပဲခူးတိုင်းတို့တွင်လည်း မိုးရွာခဲ့သည်။

ယခုရက်ပိုင်းရာသီဥတုအခြေအ​နေမှာ ဒေသအများအပြားတွင် မွန်းလွဲ/ညနေပိုင်း အချိန် များ၌ လေပြင်းတိုက်ခတ်ခြင်း၊ မိုးတိမ်တောင်များ ဖြစ်ပေါ်တတ်ခြင်း၊ နေရာကွက်၍ မိုးကြီးခြင်း၊ မိုးသီးများကြွေကျခြင်း၊ လျှပ်စီးလက်ခြင်းနှင့် မိုးကြိုးပစ်ခြင်း စသည့်ဘေးအန္တရာယ်များ ဖြစ်ပေါ်နိုင်ကြောင်း အမျိုးသားညီညွတ်ရေးအစိုးရ၊လူသားချင်းစာနာထောက်ထားရေးနှင့်ဘေးအန္တရာယ်ဆိုင်ရာစီမံခန့်ခွဲရေးဝန်ကြီးဌာန (MOHADM)က ခန့်မှန်းထားသည်။

ဓါတ်ပုံ-People’s Spring