မေ-၄၊၂၀၂၅။ဇော်ရမ်း/People’s Spring
မန္တလေး၊ပြင်ဦးလွင်နယ်စပ်နေရာများ၌ မိုးသည်းထန်စွာရွာသွန်းပြီးနောက်ဆည်တော်လေးဆည်ရေ နှင့် ဒုဌဝတီမြစ်ရေလျှံ၍ ကျေးရွာအချို့ ရေကြီးရေလျှံခဲ့သည်။
“မိုးက ရွာတာငါးရက်ရှ်ိပြီ။မနက်ဆိုသည်းသည်းမဲမဲရွာတယ်။ နေ့ခင်းဆိုတိတ်တယ်။ ဒီနေ့မနက်ကြ ပိုသည်းပြီး ရေတွေဝင်လာတာ” ဟု မန္တလေးနှင့်ပြင်ဦးလွင်ကြားအုန်းချောရွာမှ ဒေသခံတစ်ဦးကပြောသည်။
အုန်းချောရွာအပြင် ဆည်တော်ရွာ၊ဂိုက်တန်းရွာတို့၌လည်း ရေဝင်ပြီးဒေသခံများရေဘေးကြုံနေသည်။
Public Service Announcement
“အရင်လိုမဟုတ်ဘူး။မိုးရွာတာနဲ့ တောင်ကျရေးပြိုဆင်းလာတာ”ဟု ဂိုက်တန်းရွာဒေသခံတစ်ဦးကလည်းပြောသည်။
ယနေ့ နံနက်ပိုင်းတွင် ပြင်ဦးလွင်၊ ပုသိမ်ကြီးမြို့တို့၌ ပုံမှန်ထက် မိုးရေချိန်များခဲ့သည်။
ယခုရက်ပိုင်းရာသီဥတုအခြေအနေအရ ဒေသအများအပြားတွင် မိုးတိမ်တောင်များ ဖြစ်ပေါ်တတ်ခြင်း၊ နေရာကွက်၍ မိုးကြီးခြင်း၊ မိုးသီးများကြွေကျခြင်း၊ လျှပ်စီးလက်ခြင်းနှင့် မိုးကြိုးပစ်ခြင်း စသည့်ဘေးအန္တရာယ်များ ဖြစ်ပေါ်နိုင်ပြီး ရေဘေးသတိပြုကြရန် အမျိုးသားညီညွတ်ရေးအစိုးရ၊လူသားချင်းစာနာထောက်ထားရေးနှင့်ဘေးအန္တရာယ်ဆိုင်ရာစီမံခန့်ခွဲရေးဝန်ကြီးဌာန (MOHADM)က သတိပေးထားသည်။
ရုပ်သံ-ဒေသခံအချို့
