မေ ၁၇၊၂၀၂၅။ သုည/People’s Spring
တနင်္သာရီတိုင်း၊ ထားဝယ်ခရိုင် လောင်းလုံးမြို့နယ်မှာ ဒီမိုကရေစီအရေးလှုပ်ရှားမှုသပိတ်ကော်မတီ (DDMSC)က ဦးဆောင်ပြီး စစ်ကောင်စီတပ်ကို အပြည်ပြည်ဆိုင်ရာ အလုပ်သမားရေးရာအဖွဲ့ (ILO)၏ ပုဒ်မ(၃၃)အရ အရေးယူနိုင်ရေး နိုင်ငံတကာက ထောက်ခံမဲပေးကြရန် တောင်းဆိုဆန္ဒပြသည့် လှုပ်ရှားမှုကို ယနေ့ (မေလ ၁၇) ပြုလုပ်ခဲ့သည်။
မြန်မာနိုင်ငံရှိ ပြည်သူများကို လေယာဉ်ဖြင့် နေ့စဉ် ဗုံးကြဲတိုက််ခိုက်ခြင်းများ ရပ်တန့်ရန်၊ စစ်ကောင်စီကို လူသတ်လက်နက် မဝယ်နိုင်ရန် ငွေကြေးစီးဆင်းမှုများ ဖြတ်တောက်ရန်၊ အလုပ်သမားနှင့်လူ့အခွင့်အရေးများကို ကာကွယ်ပေးရန်၊ အဓမ္မစစ်မှုခိုင်းစေခြင်းဆိုင်ရာကိစ္စရပ်များကို ရပ်တန့်ရန်၊ ကလေးစစ်သားအသုံးပြုမှုကို ရပ်တန့်ရန်၊ အပြစ်မဲ့ပြည်သူများ၊ ကလေးငယ်များ၊ အမျိုးသမီးများ၏ အသက်များစွာ နေ့စဉ် ရက်စက်စွာသတ်ဖြတ်မှုများကို ရပ်တန့်နိုင်ရန် ရည်ရွယ်၍ တောင်းဆိုခြင်း ဖြစ်ကြောင်း DDMSCက ဆိုသည်။
အပြည်ပြည်ဆိုင်ရာ အလုပ်သမားရေးရာအဖွဲ့ ILO – GB Governing Body (အုပ်ချုပ်ရေးအဖွဲ့)သည် ၂၀၂၅ မတ်လတွင် စစ်ကောင်စီကို ပုဒ်မ(၃၃)အရ အရေးယူဆောင်ရွက်ဖို့ ဆွေးနွေးမှု ပြုလုပ်ခဲ့ပြီး ဆုံးဖြတ်ချက်မူကြမ်းကို အတည်ပြုရန်အတွက် လာမည့် ILO ညီလာခံတွင် ILO Delegate နိုင်ငံအသီးသီးက စေလွှတ်သည့် ကိုယ်စားလှယ်များက မဲခွဲဆုံးဖြတ်မည်ဖြစ်ကြောင်း DDMSC က ဖော်ပြခဲ့သည်။
Public Service Announcement
ILO ညီလာခံ ILC ကို၂၀၂၅ခုနှစ် ဇွန်လ (၂)ရက်နေ့မှ (၁၃)ရက်အထိ ဆွစ်ဇလန်နိုင်ငံ၊ ဂျနီဗာမြို့ရှိရုံးချုပ်တွင် ကျင်းပမည် ဖြစ်သည်။
